சத்தான காலை உணவு: கேழ்வரகு பணியாரம்!

கேழ்வரகில் நார்ச்சத்து, கால்சியம் உள்ளிட்ட சத்துகள் உள்ளன. இதைக் காலை உணவில் சேர்த்துக்கொள்வது உணவின் ஊட்டச்சத்து மதிப்பை அதிகரிக்க உதவும். இன்று வெங்காயம், தேங்காய் சேர்த்து சுவையான கேழ்வரகு பணியாரம் செய்வது எப்படி என்று பார்க்கலாம்.

தேவையான பொருட்கள்; கேழ்வரகு மாவு – 1 கப், உளுந்து மாவு – ¼ கப், கடுகு – 1 தேக்கரண்டி, வெங்காயம் – 1, கடலைப்பருப்பு – ½ தேக்கரண்டி, பச்சை மிளகாய் – 2, தேங்காய் – தேவையான அளவு, கொத்தமல்லித்தழை – 1 கைப்பிடி, கறிவேப்பிலை – 1 கைப்பிடி, நல்லெண்ணெய் – தேவையான அளவு, உப்பு – தேவையான அளவு.

செய்முறை; படி 1: ஒரு பாத்திரத்தில் கேழ்வரகு மாவு, உளுந்து மாவு மற்றும் உப்பு சேர்க்கவும். தேவையான அளவு தண்ணீர் ஊற்றி, இட்லி மாவுப் பதத்தில் கரைத்துக் கொள்ளவும்.

படி 2: வெங்காயம், பச்சை மிளகாய், கொத்தமல்லித்தழை ஆகியவற்றைப் பொடியாக நறுக்கவும். தேங்காயைச் சிறு துண்டுகளாக நறுக்கி வைத்துக் கொள்ளவும்.

படி 4: நறுக்கிய வெங்காயம், பச்சை மிளகாய், தேங்காய்த் துண்டுகள் மற்றும் கொத்தமல்லித்தழையைச் சேர்த்து லேசாக வதக்கவும்.

படி 5: வதக்கிய கலவையை மாவுடன் சேர்த்து நன்றாகக் கலக்கவும். தேவைப்பட்டால் சிறிதளவு தண்ணீர் சேர்த்து, பணியாரம் ஊற்றுவதற்கு ஏற்ற பதத்தில் வைத்துக் கொள்ளவும்.

படி 6: பணியாரக் கல்லைச் சூடாக்கி, ஒவ்வொரு குழியிலும் சிறிதளவு எண்ணெய் ஊற்றவும். பின்னர் மாவை ஊற்றி, மிதமான தீயில் இருபுறமும் பொன்னிறமாக வேகவைத்து எடுக்கவும்.

சுவையான கேழ்வரகு பணியாரம் தயார்! இதைத் தேங்காய் சட்னியுடன் பரிமாறலாம்.