வாரம் ஒருமுறை மொச்சைக்கொட்டையை உணவில் சேர்த்து கொள்ளுங்கள்..!

மொச்சை கொட்டை நமது உடலுக்கு தேவையான புரதம், நார்ச்சத்துகள், மினரல்ஸ் போன்றவற்றை அதிகமாக கொண்டிருக்கிறது. மொச்சையின் விதைகள் பச்சையாகவும், காய வைக்கப்பட்ட பிறகும் சமைத்து சாப்பிடப்படுகிறது.

இதில் புரதம் மற்றும் நார்ச்சத்து நிறைந்திருப்பதால் உடல் எடையை குறைப்பதில் முக்கிய பங்காற்றுகிறது.

இதில் உள்ள மாங்கனீசு, கால்சியம் மற்றும் மெக்னீசியம் எலும்பு வளர்ச்சியை சரியான அளவில் ஊக்குவிக்கிறது. மேலும் எலும்புகளை வலுப்படுத்தவும் உதவுகிறது.

இதில் இருக்கும் இரும்புச்சத்து ரத்த அணுக்களின் உற்பத்திக்கு மிக அவசியமான ஒன்று. இது ரத்த ஓட்டத்தை அதிகரிக்க செய்யும்.

மொச்சையில் உள்ள பொட்டாசியம் மற்றும் நார்ச்சத்து, செரிமான ஆரோக்கியத்தை மேம்படுத்துகிறது.

ரத்த சர்க்கரை அளவை சமநிலையில் வைக்கிறது. இதனால் நீரிழிவு நோய் அபாயத்தை குறைக்கலாம்.

இதில் இருக்கும் ஊட்டச்சத்துக்கள் முடி ஆரோக்கியத்தை மேம்படுத்தலாம்.

மொச்சை கொட்டையில் அதிகளவு நார்ச்சத்து நிறைந்துள்ளது. இது இதய நோய் அபாயத்தை தடுக்கிறது.