பச்சை மாங்காய் சாப்பிடுவதால் கிடைக்கும் நன்மைகள்!

ஊட்டச்சத்துக்கள் நிறைந்தது; மாங்காயில் வைட்டமின்கள் ஏ, பி6, சி மற்றும் கே ஆகியவை நிறைந்துள்ளன. அதனை சாப்பிடுவதால், கால்சியம், இரும்பு, மெக்னீசியம் மற்றும் நார்ச்சத்துக்களும் உடலுக்கு கிடைக்கும்.

கோடை வெப்பத்தை விரட்டும்: பழுத்த மாம்பழங்கள் சூடான தன்மையை கொண்டிருக்கும். ஆனால் பச்சை மாங்காய்கள் குளிர்ச்சியான குணங்களை கொண்டவை.

செரிமான அமைப்பை மேம்படுத்தும்: செரிமான நொதிகளின் சுரப்பை அதிகரிக்கச் செய்து செரிமான ஆரோக்கியத்தை மேம்படுத்தும். அசிடிட்டி பிரச்சினை இருந்தால் மாங்காய் சாப்பிட்டாலே விரைவில் சரியாகிவிடும்.

வியர்வையை கட்டுப்படுத்தும்: அதிக வியர்வை கொண்டவர்கள் பச்சை மாங்காயை தாராளமாக உட்கொள்ளலாம். ஏனெனில் அது சரும துளைகளில் இருந்து நீர் வெளியேறுவதை கட்டுப் படுத்தக்கூடியது.

நோய் எதிர்ப்பு சக்தி: பச்சை மாங்காயில் ஆன்டி-ஆக்ஸிடென்டுகள், வைட்டமின் சி போன்றவை நிறைந்துள்ளதால் நோய் எதிர்ப்பு சக்தியை வலுப்படுத்த உதவும்.

கல்லீரல் ஆரோக்கியத்திற்கு நல்லது: பச்சை மாங்காயில் அத்தியாவசிய ஊட்டச்சத்துக்கள் ஏராளம் உள்ளன. அவை உடலில் இருந்து நச்சுகளை வெளியேற்ற உதவுகின்றன. கல்லீரல் செயல்பாட்டை அதிகரிக்கவும் துணை புரியும்.

உடல் எடையை நிர்வகிக்கும்: வெப்பமான கோடை மாதங்களில் உடல் எடையை குறைக்க விரும்பினால், பச்சை மாங்காய் சிறந்த நண்பனாக விளங்கும். மாம்பழங்களை விட இதில் கலோரிகள் குறைவாக இருக்கும்.

பச்சை மாங்காயை அதிகமாக உட்கொள்ளவும் கூடாது. அதிகம் சாப்பிட்டால் தசைப்பிடிப்பு, அரிப்பு, தொண்டை புண் போன்றவையும் ஏற்படலாம்.