மூளையின் ஆற்றலை அதிகரிக்கும் ‘பர்பிள்’ நிற உணவுகள்!

மூளையின் ஆற்றலை அதிகரிக்க என்னென்ன பர்பிள் நிற உணவுகளை எடுத்துக் கொள்ளலாம் என்பதை தெரிந்து கொள்வோம்.

பர்பிள் முட்டைகோஸ்: இதில் ஆந்தோசயின்கள் மற்றும் பிற சேர்மங்கள் அதிகமாக இருக்கின்றன. இவற்றில் உள்ள ஆன்டி இன்பிளமேட்டரி பண்புகள் மூளை செல்களில் ஏற்படும் அழுத்தம், சேதங்களைக் குறைக்கும்.

புளூபெர்ரி மற்றும் பிளாக் பெர்ரி: இந்த பழங்களில் ஆந்தோசயின் உள்ளிட்ட பல ஆற்றல் வாய்ந்த ஆன்டி ஆக்சிடெண்ட்டுகள் இருக்கின்றன. அவை மூளையின் ஆரோக்கியத்தை மேம்படுத்தி அறிவாற்றல் செயல்பாட்டையும் அதிகரிக்கின்றன.

ஊதா நிற கத்தரிக்காய்: இந்த கத்தரிக்காயில் ஆற்றல் வாய்ந்த ஆன்டி ஆக்சிடெண்ட்டுகள் அதிகமாக இருக்கின்றன. இவை மூளையில் ஏற்படும் ஆக்சிஜ னேற்ற அழுத்தத்தைக் குறைப்பதோடு வீக்கம் உட்பட பல்வேறு பிரச் சினைகள் ஏற்படாமலும் தடுக்கும்.

பிளம்ஸ் மற்றும் நாவல்பழம்: இதில் நிறைய வைட்டமின்களும், ஆற்றல் வாய்ந்த ஊட்டச்சத்துக்களும் நிறைந்து இருக்கின்றன. இவை மூளையின் ஆரோக்கியத்துக்கு தேவையான மிக முக்கியமான ஊட்டச்சத்துக்கள் ஆகும்.

பன்னீர் திராட்சை: சுவையும் மிகுந்த இந்த ஊதா நிற திராட்சையில் ஆன்டி இன்பிளமேட்டரி பண்புகள் நிறைந்தது. அவை மூளை அலர்ஜி, மூளை வீக்கம் ஆகியவற்றை தடுப்பதோடு மூளை செல்களின் ரத்த ஓட்டத்தையும் அதிகரிக்கச் செய்யும்.

'பர்பிள்' நிற உணவுகளை அதிகமாக உணவில் சேர்த்துக் கொள்வதன் வாயிலாக மன அழுத்தம், மூளையின் செயல்பாட்டை அதிகரித்தல், முன்கூட்டியே வயதாவதைத் தடுத்தல் உள்பட பல மாற்றங்களை நம் உடலில் பார்க்க முடியும்.