தலைமுடியை பராமரிப்பதற்கு தினமும் ஷாம்பு உபயோகிக்கலாமா?

எண்ணெய் பசை சருமம் கொண்டவர்கள் வாரம் ஒருமுறை ஷாம்பு பயன்படுத்துவது நல்லதல்ல. தலைமுடிக்கு பாதிப்பை அதிகரிக்க செய்யும். முடி தடிமன் குறையக்கூடும்.

வாரம் ஒருமுறையோ, எப்போதாவதோ ஷாம்பு பயன்படுத்துவது தலைமுடியில் இறந்த சரும செல்கள், வியர்வை, அழுக்கு படிந்து உச்சந்தலையில் எரிச்சல், அரிப்பு அல்லது பொடுகுக்கு வழிவகுக்கும். சுற் றுப்புற மாசுபாடுகள் தலையில் படிந்து துர்வாசனை வீசக்கூடும். கூந்தலின் பொலிவு குறையும்.

எது சிறந்தது?: இயற்கையாகவே எண்ணெய் பசையுள்ள உச்சந்தலை கொண்டவர்கள் அதிகப்படியான எண்ணெய் படிவதை தடுக்க தினமுமோ, இரண்டு நாட்களுக்கு ஒருமுறையோ ஷாம்பு பயன்படுத்துவதன் மூலம் கூந்தல் ஆரோக்கியத்தை பாதுகாக்கலாம்.

வறண்ட, சுருள் முடி கொண்டவர்கள் ஈரப்பதத்தை தக்கவைத்து, முடி உதிர்தலைக் குறைக்க வாரத்திற்கு ஒரு முறை அல்லது இரண்டு முறை ஷாம்பு பயன்படுத்தலாம்.

மெல்லிய முடி கொண்டவர்களுக்கு எண்ணெய் தன்மையை விரைவாக படியும். அவர்கள் தினமும் ஷாம்பு உபயோகிப்பது சிறந்தது.

அடர்த்தியான அல்லது கரடுமுரடான முடி ஈரப்பதத்தை சிறப்பாக தக்கவைத் துக்கொள்ளும் என்பதால் வாரம் ஒருமுறை ஷாம்பு உபயோகப்படுத்தலாம்.

தினமுமோ, வாரம் ஒருமுறையோ எப்போது பயன்படுத்துவதாக இருந்தாலும் மென்மையான சல்பேட் இல்லாத ஷாம்புவை பயன்படுத்துவது கூந்தல் ஆரோக்கியத்தை பாதுகாக்க உதவிடும்.

பலவீனமான, அடிக்கடி முடி உதிரும் பிரச்சினை கொண்டவர்கள் அடிக்கடியோ, தினமுமோ ஷாம்பு பயன்படுத்துவது முடியை பலவீனப்படுத்தும். எப்போதாவது பயன்படுத்துவது வலுவான, ஆரோக்கியமான முடி இழைகளுக்கு வழிவகுக்கும்.