உடல் எடை குறைப்பை விரைவுபடுத்தும் பழக்கங்கள்!

கடுமையாக பயிற்சி செய்வதாலோ, உணவுக்கட்டுப்பாடுகளை பின்பற்றுவதாலோ மட்டும் உடல் எடை குறைந்து விடாது. சில எளிய வகை பழக்கங்களை பின்பற்றுவதன் மூலம் உடல் எடையை குறைக்கும் செயல்முறை விரைவாக நடைபெற வழிவகை செய்யலாம்.

ஒரே நேரத்தில் எழுந்திருங்கள்: தினமும் ஒரே நேரத்தில் எழுந்திருக்கும்போது வளர்சிதை மாற்றம் நிலைபெறும். சோர்வாக உணர்வது தவிர்க்கப்படும். சரியான நேரத்துக்குள் சாப்பிடுவதால் உணவு அட்டவணையையும் சீராக பின்பற்ற முடியும்.

காபி குடிப்பதற்கு முன்பு தண்ணீர் பருகுங்கள்: காலையில் எழுந்ததும் காபி பருகும் பழக்கத்தை தவிருங்கள். முதலில் 400 முதல் 500 மில்லி லிட்டர் தண்ணீர் குடிப்பது செரிமான செயல்பாட்டை தூண்டி விடும். உடலில் இருந்து நச்சுக்களை வெளியேற்ற உதவும்.

உடலுக்கு அசைவு கொடுங்கள்: காலையில் கடுமையான உடற்பயிற்சிகளை செய்ய முடியாவிட்டாலும் உடல் அசைவுக்காக 10 நிமிடங்கள் ஒதுக்குங்கள். இந்த காலை நேர உடல் அசைவு மன அழுத்த ஹார்மோனான கார்டிசால் அளவை குறைக்க உதவும்.

சூரிய ஒளியை சருமத்தில் படர விடுங்கள்: சூரிய ஒளி, வைட்டமின் டி உற்பத்திக்கு மட்டுமின்றி சர்க்காடியன் தாளத்தை மீட்டமைக்கவும் உதவிடும். இந்த அதிகாலை சூரிய ஒளி சரியான நேரத்தில் மெலடோனின் (தூக்க ஹார்மோன்) செயல்பாட்டை கட்டுப்படுத்தி விழிப்புடன் வைத்திருக்க உதவும்.

காலை உணவைத் தவிர்க்காதீர்கள்: காலையில் இருந்து வயிறு காலியாக இருந்தால் மதியம் பசி அதிகரித்து அதிக சர்க்கரை மற்றும் அதிக கொழுப்புள்ள உணவுகளை சாப்பிட வாய்ப்பிருக்கிறது. காலை அதிகமாக சாப்பிட வேண்டும் என்றில்லை.

காலை உணவை அதிகமாக சாப்பிட வேண்டும் என்றில்லை. முட்டை, யோகர்ட், புரதம் நிறைந்த உணவுகளை குறைவாக உட்கொள்ளலாம். அவை ரத்தத்தில் சர்க்கரை அளவை நிலை நிறுத்தவும், பசியை குறைக்கவும், உடலின் ஆற்றல் அளவை சீராக வைத்திருக்கவும் உதவும்.