கம்பங்கூழ் குடிப்பதால் கிடைக்கும் ஆரோக்கிய நன்மைகள்!

தினமும் சிறிதளவு கம்பங்கூழ் குடித்து வந்தால் உடல் சூடு தணிந்து உடல் குளிர்ச்சியடையும். வெயில் காலத்தில் தவிர்க்கக்கூடாத தானியம் கம்பு ஆகும்.

வெயிலின் தாக்கத்தால் ஏற்படும் களைப்பு, நீர்ச்சத்து இழப்பை போக்கி உடலுக்கு புத்துணர்ச்சியை தரக்கூடியது.

சிறு தானியங்களிலேயே அதிக அளவாக கம்பு தானியத்தில் 11.8 சதவீதம் புரதச்சத்து உள்ளது.

ஆரோக்கியமான சருமம், தெளிவான கண்பார்வைக்கு தேவையான வைட்டமின்-ஏ சத்தை உருவாக்குவதற்கு முக்கிய காரணியான பீட்டா கரோட்டீன் என்பது கம்பு பயிரில் அதிக அளவில் உள்ளது.

நீரிழிவு நோயால் பாதிக்கப்பட்டவர்கள் கம்பு தானியத்தை உணவில் சேர்த்துக்கொண்டால் இதன் கிளைசெமிக் குறியீடு காரணமாக உடலில் ரத்த சர்க்கரை அளவை கட்டுப்படுத்துகிறது.

கம்பு தானியத்தில் அதிக அளவு நார்ச்சத்து நிறைந்துள்ளது. மலச்சிக்கலை தடுக்க கம்பு தானிய உணவு உதவுகிறது.

கம்பு உணவை அடிக்கடி உட்கொள்ளும்போது ரத்தத்தில் இருக்கும் செல்கள் ஆக்சிஜன் உறிஞ்சுவதை அதிகப்படுத்துகிறது. இதனால், தோலில் சுருக்கங்கள் ஏற்படுவது குறைகிறது.