ரத்த குழாய் அடைப்பு ஏற்படுவதை தடுக்கும் முக்கிய உணவுகள்!

பூண்டு: ரத்தக் குழாய்களில் அடைப்பை ஏற்படுத்தக் கூடிய கெட்ட கொலஸ்ட்ராலை கரைத்து வெளியேற்றும் தன்மை பூண்டுக்கு உண்டு. அதற்கேற்ப இதில் ஆன்டி ஆக்சிடெண்டுகள் அதிகம் உள்ளன.

மாதுளை: இதிலும் ஆன்டி ஆக்சிடெண்டுகள் அதிகம் இருப்பதால் ரத்த குழாய்களில் கொழுப்பு படிவதை தடுக்க உதவும். தினமும் ஒரு மாதுளை பழம் சாப்பிட்டு வரலாம்.

பாதாம்: இதில் ஒமேகா-3 கொழுப்பு அமிலங்கள் அதிக அளவில் உள்ளன. இவை உடலில் உள்ள கெட்ட கொழுப்பின் அளவை குறைத்து நல்ல கொழுப்பின் அளவை அதிகரிக்க உதவி புரியும்

கிரீன் டீ: இதிலும் சக்திவாய்ந்த ஆன்டி ஆக்சிடெண்டுகள் உள்ளது. இவை ரத்த குழாய்களை சுத்தம் செய்ய உதவும்.

ஆளி விதை: இதிலும் ஒமேகா-3 எனப்படும் நல்ல கொழுப்பு அமிலங்கள் அதிக அளவில் உள்ளன. ரத்தக் குழாய்களில் கொழுப்புகள் படிவதை தடுப்பதோடு சீரற்ற இதயத்துடிப்பு போன்ற இதயம் சார்ந்த பிரச்சினைகள் வராமல் தடுக்க உதவும்.

வெங்காயம்: இதில் இதய ஆரோக்கியத்திற்கு நன்மை பயக்கும் பிளாவனாய்டு ஆன்டி ஆக்சிடென்டுகள் நிறைந்துள்ளன. நரம்புகள் மற்றும் தமனிகளில் ஏற்படும் வீக்கத்தை குறைப்பதன் மூலம் ரத்த ஓட்டத்தையும், இதய ஆரோக்கியத்தையும் மேம்படுத்த உதவும்.

மஞ்சள்-லவங்கப்பட்டை: மஞ்சள் இதயத் தசைகளை பாதுகாக்கும் தன்மை கொண்டது. ரத்தக் குழாய்களில் அடைப்பு ஏற்படாமலும் தடுக்கக்கூடியது.

சிட்ரஸ் பழங்கள்: ஆரஞ்சு, எலுமிச்சை, சாத்துக்குடி போன்ற சிட்ரஸ் பழங்கள் ஆன்டி ஆக்சிடெண்டுகள் நிரம்ப பெற்றவை. மேலும் சிட்ரஸ் பழங்களில் இருக்கும் பொட்டாசியம் ரத்த அழுத்தத்தை கட்டுக்குள் வைத்திருக்கவும் உதவும்.