முருங்கை கீரை பொரியல் முருங்கைக் கீரையில் இரும்பு சத்து, கால்சியம் அதிகம் உள்ளது. 46 வகையான இயற்கை நோய் எதிர்ப்பு சக்தியையும் கொண்டிருக்கிறது. இன்று இந்த கீரையை வைத்து பொரியல் செய்வது எப்படி என்று பார்க்கலாம்.
தேவையான பொருட்கள் : முருங்கைக் கீரை - 1 கட்டு, சின்னவெங்காயம், காய்ந்த மிளகாய் - 5 ,கடுகு - ½ டீஸ்பூன், மஞ்சள்தூள் - ½ டீஸ்பூன், கல் உப்பு - தேவையான அளவு, தேங்காய் துருவல் - ½ கப், நல்லெண்ணெய் - 5 ஸ்பூன்
கீரையை நன்றாக கழுவி சுத்தம் செய்து கொள்ளவும்.
அடுத்து சின்ன வெங்காயத்தை பொடியாக நறுக்கி வைத்து கொள்ளவும்.
கடாயை அடுப்பில் வைத்து எண்ணெய் ஊற்றி சூடானதும் கடுகு, காய்ந்த மிளகாய், வெங்காயம் சேர்த்து பொன்னிறமாகும் வரை வதக்கவும்.
வெங்காயம் சற்று வதங்கியதும் கீரையை போட்டு அதனுடன் மஞ்சள் தூள், உப்பு சேர்த்து சிறிது தண்ணீர் ஊற்றி வேக வைக்கவும்.
கீரை நன்கு வெந்ததும் துருவிய தேங்காயை போட்டு நன்றாக கிளறி இறக்கவும். சூப்பரான சத்தான முருங்கைக் கீரை பொரியல் ரெடி.