தேவையான பொருட்கள்: தேங்காய் எண்ணெய், பீட்ரூட், பச்சை மிளகாய், கறிவேப்பிலை, கடுகு, உளுத்தம் பருப்பு, பெருங்காயத் தூள், உப்பு, தண்ணீர், துருவிய தேங்காய் ஆகியவை.
செய்முறை: முதலில் பீட்ரூட்டை பொடியாக நறுக்கிக் கொள்ள வேண்டும். பின்பு வெங்காயம் மற்றும் பச்சை மிளகாயை பொடியாக நறுக்கிக் கொள்ள வேண்டும்.
பிறகு ஒரு வாணலியை அடுப்பில் வைத்து, அதில் தேங்காய் எண்ணெய் ஊற்றி சூடானதும், கடுகு, உளுத்தம் பருப்பு, கறிவேப்பிலை சேர்த்து தாளிக்க வேண்டும்.
பின் அதில் பெருங்காயத் தூள் மற்றும் பச்சை மிளகாய் சேர்த்து வதக்கவும். அடுத்து அதில் வெங்காயத்தைப் போட்டு, வெங்காயம் வேக சிறிது உப்பு தூவி நன்கு வதக்க வேண்டும்.
பின்னர் நறுக்கிய பீட்ரூட்டைப் போட்டு, சுவைக்கேற்ப உப்பு சேர்த்து நன்கு கிளறி விட்டு, 1/4 கப் நீரை ஊற்றி கிளற வேண்டும்.
பின்னர் அதனை மூடி வைத்து குறைவான தீயில் பீட்ரூட்டை வேக வைக்க வேண்டும்.
பீட்ரூட் நன்கு வெந்து, நீர் வற்றியதும் துருவிய தேங்காயை சேர்த்து கிளறி இறக்கினால், சுவையான பீட்ரூட் பொரியல் ரெடி.