அதேபோல, சென்னைக்கு சிறப்பு ரெயில்களும் இயக்கப்படுகின்றன. பொதுவாக ஞாயிற்றுக்கிழமை போன்ற விடுமுறை நாட்களில் மதுரை ரெயில் நிலையத்தில் பயணிகளின் கூட்டம் அலைமோதுவது வழக்கம். இந்த முறை தீபாவளி பண்டிகை முடிந்து சென்னை செல்லும் பயணிகள் கூட்ட நெரிசல் அதிகளவு இருக் கும் என்று எதிர்பார்க்கப்படுகிறது.

சிறப்பு ஏற்பாடுகள்

இதற்காக தென்மாவட்டங்களில் இருந்து சுமார் 4-க்கும் மேற்பட்ட சிறப்பு ரெயில் கள் இயக்கப்படுகின்றன. செங்கோட்டை, நெல்லை, தூத்துக்குடி, கன்னியாகுமரி ஆகிய ஊர்களில் இருந்து மதுரை வழியாக வழக்கமாக செல்லும் ரெயில்களு டன் சிறப்பு ரெயில்களும் இயக்கப்படுவதால் பயணிகளின் கூட்டம் அதிகமாக இருக்கும். மேலும், மதுரை ரெயில் நிலையத்தில் மறுசீரமைப்பு பணிகள் நடந்து வருவதால் அனைத்து பிளாட்பாரங்களிலும் கட்டுமான பணிகளால் பயணிக ளுக்கு இடையூறு ஏற்பட்டுள்ளது.

இந்த கட்டுமான பணிகள் பயணிகளுக்கான பாதுகாப்பு நடைமுறைகள் பின்பற்றப்படாமல் விதிமீறலுடன் நடந்து வருகிறது. எனவே, பயணிகளின் கூட்ட நெரிசலை சமாளிக்க சிறப்பு ஏற்பாடுகள் செய்யப் பட்டுள்ளன.

இதற்காக வர்த்தக பிரிவு சார்பில் கூடுதல் பணியாளர்கள் நியமிக்கப்பட்டு, ரெயில்வே பாதுகாப்பு படை போலீஸ் உதவியுடன் கண்காணிப்பு பணியில் ஈடுப டுத்தப்பட்டுள்ளனர். பயணிகளுக்கான அவசர உதவி எண்களும், முதலுதவி சிகிச்சை மையங்களும் பிளாட்பாரங்களில் அமைக்கப்பட்டுள்ளன.

திருப்பத்தூர் மாவட்டம் ஆம்பூர் டவுன் ரெட்டித்தோப்பு பகுதியைச் சேர்ந்த 8 வயது சிறுமி கடைக்குச் சென்று வருவதாகக் கூறிவிட்டு வீட்டில் இருந்து சென்றார். ஆனால் நீண்ட நேரம் ஆகியும் வீடு திரும்பவில்லை. இதையடுத்து உடனடியாக சிறுமியின் குடும்பத்தினர் ஆம்பூர் டவுன் போலீசில் புகார் செய்தனர்.

அதன் அடிப்படையில் மாவட்ட போலீஸ் சூப்பிரண்டு அக்ஷய் அனில் வாகரே உத்தரவின்பேரில் மாவட்டம் முழுவதும் உள்ள போலீஸ் நிலையங்களுக்கு தகவல் தெரிவிக்கப்பட்டது. போலீசார் தீவிர தேடுதல் வேட்டை மற்றும் கண்காணிப்பில் ஈடுபட்டனர். மேலும் பல்வேறு இடங்களில் பொருத்தப்பட்டுள்ள கண்காணிப்பு கேமராக்களில் பதிவான காட்சிகளையும் ஆய்வு செய்தனர்.

அதில் சிறுமி ஆம்பூர் டவுன் போலீஸ் நிலைய எல்லையில் இருந்து வெளியேறி, ஆலங்காயம் போலீஸ் நிலைய எல்லைக்கு உட்பட்ட பகுதியில் பேருந்தில் இருந்து கீழே இறங்கி தனியாக நடந்து செல்வது கண்டறியப்பட்டது. உடனடியாக போலீசார் அந்த பகுதிக்கு விரைந்து சென்று தீவிர தேடுதல் வேட்டை நடத்தினர்.

இந்த நிலையில் புகார் பெறப்பட்ட ஒரு மணி நேரத்துக்குள் காணாமல் போன 8 வயது சிறுமியை போலீசார் கண்டுபிடித்து மீட்டனர். பின்னர் சிறுமி பாதுகாப்பாக குடும்பத்தினரிடம் ஒப்படைக்கப்பட்டாள்.

கர்நாடகாவில் பெட்ரோலில் அளவுக்கு அதிகமாக எத்தனால் கலப்பதாக வெளியான தகவல்கள் குறித்து எஸ்.டி.பி.ஐ. கட்சி கவலை தெரிவித்துள்ளது. இதுகுறித்து நாடு தழுவிய அளவில் சுதந்திரமான ஆய்வு, விசாரணை நடத்த வேண்டும், விதிமீறலில் ஈடுபட்டவர்கள் மீது கடும் நடவடிக்கை எடுக்க வேண்டும் மற்றும் பாதிக்கப்பட்ட வாகன உரிமையாளர்களுக்கு இழப்பீடு வழங்க வேண்டும் என்றும் அக்கட்சி வலியுறுத்தியுள்ளது.

எத்தனால் கலப்பு

இதுதொடர்பாக எஸ்.டி.பி.ஐ. கட்சியின் தேசிய பொதுச்செயலாளர் முகமது இலியாஸ் தும்பே வெளியிட்டுள்ள அறிக்கையில் கூறியிருப்பதாவது;-

“கர்நாடகாவில் விற்கப்படும் பெட்ரோலில், அரசு அனுமதித்த 20% அளவை விட அதிகமாக, அதாவது 31.2% வரை எத்தனால் கலக்கப்பட்டிருப்பதாக செய்திகள் வெளியாகியுள்ளன. நியாயமான விசாரணை மூலம் இது உண்மையெனத் தெரிந்தால், அது பெட்ரோலின் தரம் மற்றும் எண்ணெய் நிறுவனங்களின் நேர்மை குறித்தே பெரிய சந்தேகத்தை எழுப்பும். இதைப் பற்றி கர்நாடக அரசும் எண்ணெய் நிறுவனங்களும் மாறி மாறி குற்றம் சாட்டிக் கொள்ளாமல், மத்திய அரசு நேர்மையான மற்றும் அறிவியல் பூர்வமான விசாரணை நடத்த வேண்டும் என எஸ்.டி.பி.ஐ. கேட்டுக்கொண்டுள்ளது.

திட்டத்தின் பலன்கள்

மாற்று ஆற்றலை ஊக்குவிப்பதும் இறக்குமதி எரிபொருளைக் குறைப்பதும் நல்ல திட்டங்கள்தான். ஆனால், அதனால் சாதாரண மக்களுக்குப் பாதிப்பு வரக்கூடாது. பெட்ரோலில் எத்தனால் அதிகமாகக் கலப்பதால் வாகனங்களின் மைலேஜ் குறைவது, எஞ்சின் பழுதாகி பராமரிப்பு செலவு அதிகரிப்பது போன்ற பிரச்சினைகள் ஏற்படுகின்றன. எனவே, எத்தனால் திட்டத்தின் பலன்கள் கார்ப்பரேட் நிறுவனங்களின் லாபமாக மாறாமல், விவசாயிகளையும் கிராமப்புற மக்களையும் மட்டுமே சென்றடைய வேண்டும்.

பரிசோதிக்க வேண்டும்

எனவே, நாடு முழுவதும் பெட்ரோலில் உள்ள எத்தனால் அளவைத் தொடர்ந்து பரிசோதிக்க வேண்டும். பெட்ரோல் பங்குகளில் எவ்வளவு எத்தனால் கலக்கப்பட்டுள்ளது என்ற விவரத்தைப் பொதுமக்கள் பார்க்கும் வகையில் வெளிப்படையாகக் காட்சிப்படுத்த வேண்டும்.

விதிமீறிய நிறுவனங்கள் மற்றும் அதிகாரிகள் மீது நடவடிக்கை எடுப்பதோடு, கலப்பட பெட்ரோலால் வாகனம் பழுதான நுகர்வோருக்கு உரிய இழப்பீடும் வழங்கப்பட வேண்டும். நாட்டின் எரிபொருள் கொள்கை கார்ப்பரேட் லாபத்துக்காக இல்லாமல், மக்கள் மற்றும் விவசாயிகளின் நலனுக்காகவே செயல்பட வேண்டும்.”

இவ்வாறு அவர் தெரிவித்துள்ளார்.

குறிப்பாக, சென்னை மாநகரத்தில் நேற்றிலிருந்தே பல்வேறு பகுதிகளிலும் பொதுமக்கள் பட்டாசுகளை வெடிக்கத் தொடங்கிவிட்டனர். மேலும் இன்று அதிகாலை முதல் சென்னையில் பல்வேறு பகுதிகளில் பட்டாசுகளை வெடித்து மக்கள் தீபாவளி பண்டிகையை கொண்டாடினர். அதேபோல, இரவிலும் 7- 8 மணி வரை பட்டாசுகளை வெடித்து தள்ளினர். மழை பெயத போதிலும் மழை விட்ட நேரத்தில் மொத்தமாக மக்கள் பட்டாசுளை வெடித்து தள்ளினர். தீபாவளி பட்டாசுகளால் சென்னையில் காற்று மாசுவும் கடுமையாக அதிகரித்துள்ளது.

சென்னையில் காற்றின் தரக்குறியீடு சராசரியாக 159 என்று பதிவானதாக தகவல் வெளியாகி இருக்கிறது. காற்று மாசு தரக்குறியீடு அதிகபட்சமாக ராயபுரத்தில் 238, பெருங்குடியில் 175, மணலி 168, கொடுங்கையூர் 166, அரும்பாக்கம் 165 என பதிவாகியுள்ளதாக கூறப்படுகிறது. கடந்த ஆண்டு நவம்பர் மாதத்தில் 6 ஆம் தேதி 56 என்றும், 7 ஆம் தேதி 74 என்றும் இருந்த காற்றின் தரக்குறியீடு அதிகரித்து 159 என்ற அளவை எட்டியுள்ளதாக தகவல் வெளியாகி இருக்கிறது. காற்று மாசு காரணமாக மக்கள் கடும் அவதிக்கு உள்ளாகியுள்ளனர்.

விழுப்புரம் மாவட்டம் செஞ்சியை அடுத்த வி.நயம்பாடி கிராமத்தில் 2 வயது சிறுமிக்கு 14 வயது சிறுவன் பாலியல் தொல்லை கொடுத்த சம்பவம் அப்பகுதியில் பெரும் பரபரப்பை ஏற்படுத்தியுள்ளது. இதனை தட்டிக்கேட்க சென்ற குழந்தையின் தந்தையை, சிறுவனின் தந்தை தாக்கியுள்ளார்.

பாலியல் தொல்லை

வி.நயம்பாடி கிராமத்தை சேர்ந்த தம்பதியினரின் 2 வயது பெண் குழந்தை வீட்டில் இருந்துள்ளது. நேற்று அதே கிராமத்தை சேர்ந்த 14 வயது சிறுவன் ஒருவன் குடிப்பதற்கு தண்ணீர் கேட்டு அவர்களது வீட்டிற்கு சென்றுள்ளான். தண்ணீர் குடித்துவிட்டு வீட்டில் இருந்த குழந்தையுடன் விளையாடி கொண்டிருந்தபோது. குழந்தையிடம் தகாத முறையில் நடந்து கொண்டதாக கூறப்படுகிறது.

தாக்குதல்

இதை அறிந்த குழந்தையின் தாய் அந்த சிறுவனை கண்டித்து வீட்டை விட்டு அனுப்பியுள்ளார். சென்னையில் வேலைக்கு சென்றுவிட்டு நேற்று இரவு வீட்டுக்கு வந்த தனது கணவரிடம் நடந்த சம்பவத்தை தாய் தெரிவித்துள்ளார். இது தொடர்பாக இன்று காலையில் சிறுவனின் வீட்டிற்கு சென்று சம்பவம் குறித்து குழந்தையின் தந்தை கேட்டபோது, சிறுவனும் அவருடைய பெற்றோரும் குழந்தையின் தந்தையை தாக்கியதாக கூறப்படுகிறது.

குழந்தையின் தந்தை புகார்

இந்த சம்பவம் குறித்து குழந்தையின் தந்தை சைல்ட் லைனில் (1098) புகார் தெரிவித்துள்ளார். இதையடுத்து தந்தை, தாய் மற்றும் குழந்தை ஆகியோர் செஞ்சி அரசு மருத்துவமனையில் சிகிச்சை மற்றும் மருத்துவ பரிசோதனைக்காக அனுமதிக்கப்பட்டுள்ளனர். இந்த சம்பவம் குறித்து செஞ்சி போலீசார் விசாரணை மேற்கொண்டு வருகின்றனர்.

சிவகங்கை மாவட்டம், சிங்கம்புணரி ஒன்றியம், எஸ். மாம்பட்டி ஊராட்சிக்கு உட்பட்ட 12 கிராமங்களில் கடந்த 72 ஆண்டுகளாக தீபாவளி கொண்டாடப்படுவதில்லை. எஸ்.மாம்பட்டி ஒப்பிலான்பட்டி, சந்திரபட்டி, தும்பைப்பட்டி, இடையபட்டி, கிலுகிலுப்பைப்பட்டி, திருப்பதிபட்டி, வலையபட்டி, கச்சப்பட்டி, கழுங்குப்பட்டி, தோப்புபட்டி மற்றும் இந்திரா நகர் பகுதிகளைச் சேர்ந்த மக்கள். தீபாவளியை மற்றொரு சாதாரண நாளாகவே கடந்து செல்கின்றனர். தீபாவளி நாளில் இந்தக் கிராமங்களில் பட்டாசு சத்தம் கேட்பதில்லை. புத்தாடை அணிந்தவர்களையும் காண முடிவதில்லை. வழக்கம்போல மக்கள் விவசாயப் பணிக்காக வயல்களுக்குச் சென்றுவிடுகின்றனர்.

அந்தப் பகுதிகளில் தீபாவளிக்கான எந்த அறிகுறியும் தென்படாது. இப்பகுதி மக்கள் புரட்டாசி, ஐப்பசி மாதங்களில் விவசாயப் பணிகளைத் தொடங்குவது வழக்கம். முந்தைய காலங்களில் பெரும்பாலானோர் வசதியில்லாத நிலையில் இருந்ததால், வட்டிக்கு பணம் வாங்கியே விவசாயப் பணிகளை மேற்கொண்டனர். தை மாதத்தில் அறுவடை முடிந்ததும். வாங்கிய கடனுக்காக நெல் தானியங்களை வழங்கி வந்தனர்.

இதனால் ஐப்பசி மாதத்தில் வரும் தீபாவளி அவர்களுக்கு கூடுதல் சுமையாக இருந்தது. பலரும் தீபாவளி கொண்டாடவும் கடன் வாங்க வேண்டிய நிலை ஏற்பட்டது. இதற்கு முடிவு கட்டும் வகையில், 1954-ம் ஆண்டு ஊர்க்கூட்டம் கூட்டிய மக்கள், இனி தீபாவளி கொண்டாடுவதில்லை என முடிவு செய்தனர். அந்த முடிவை 71 ஆண்டுகளாக தொடர்ந்து கடைப்பிடித்து வருகின்றனர்.

தீபாவளி பண்டிகை கொண்டாட்டத்தை முன்னிட்டு, கோயம்பேடு காய்கறி சந்தைக்கு நாளை விடுமுறை விடப்பட்டுள்ளது.

கோயம்பேடு சந்தை

கோயம்பேடு சந்தையில் 1,200-க்கும் மேற்பட்ட காய்கறிக் கடைகள் செயல்பட்டு வருகின்றன. இக்கடைகளுக்காக தினமும் சுமார் 3 ஆயிரம் டன்னுக்கும் மேற்பட்ட காய்கறிகள் விற்பனைக்காக கொண்டு வரப்படுகின்றன. இந்த கடைகளில் 5 ஆயிரத்துக்கும் மேற்பட்ட தொழிலாளர்கள் பணியாற்றி வருகின்றனர்.

தீபாவளி விடுமுறை

தீபாவளி பண்டிகையையொட்டி விவசாயிகள் கொண்டாட்டத்தில் ஈடுபட்டுள்ளதால், இன்று காய்கறிகளை பறித்து அனுப்பும் பணிகள் நடைபெறாது. இதனால் சந்தைக்கு வழக்கமாக கொண்டு வரப்படும் காய்கறிகள் வராது என தெரிவிக்கப்பட்டுள்ளது.

மேலும், காய்கறிகளை ஏற்றி வரும் லாரிகளின் ஓட்டுநர்களும், கோயம்பேடு சந்தையில் சுமை தூக்கும் தொழிலாளர்களும் தீபாவளி விடுமுறைக்காக சொந்த இடங்களுக்கு சென்றுவிடுவார்கள்.

நாளை விடுமுறை

இதன் காரணமாகவும் நாளை காய்கறி வரத்து இருக்காது என கூறப்பட்டுள்ளது. இந்த நிலையில், கோயம்பேடு காய்கறி சந்தைக்கு நாளை விடுமுறை விட முடிவு செய்யப்பட்டுள்ளதாக கோயம்பேடு காய்கறி அங்காடி அனைத்து சங்கங்களின் கூட்டமைப்பு தலைவர் ஜி.டி. ராஜசேகரன் தெரிவித்தார்.

தீபாவளி தொடர் விடுமுறையை முன்னிட்டு ஞாயிற்றுக்கிழமை அட்டவணைப்படி நாளை மெட்ரோ ரெயில்கள் இயக்கப்படும் என்று தெரிவிக்கப்பட்டுள்ளது.

பொது விடுமுறை

தீபாவளிப் பண்டிகை இன்று கோலாகலமாக கொண்டாடப்பட்டு வருகிறது. சொந்த ஊர்களுக்கு சென்றவர்கள் குடும்பத்தினருடன் மகிழ்ச்சியாக தீபாவளியைக் கொண்டாடி, சிரமமின்றி பணியிடங்களுக்குத் திரும்பும் வகையில் நாளை பொது விடுமுறை அளித்து ஏற்கெனவே தமிழக அரசு அறிவித்துள்ளது.

ஞாயிறு அட்டவணைப்படி இயக்கம்

இந்த நிலையில் நாளை விடுமுறை தினமாக இருப்பதால், சென்னையில் ஞாயிற்றுக்கிழமை அட்டவணைப்படி மெட்ரோ ரெயில்கள் இயக்கப்படும் என்று சென்னை மெட்ரோ ரெயில் நிர்வாகம் தெரிவித்துள்ளது. இதுதொடர்பாக வெளியிடப்பட்டுள்ள பதிவில் தெரிவிக்கப்பட்டிருப்பதாவது:-

தீபாவளி தொடர் விடுமுறையை முன்னிட்டு, நாளை (9-11-2026) மெட்ரோ ரெயில்கள் ஞாயிற்றுக்கிழமை அட்டவணைப்படி இயக்கப்படும்.

நீலம் மற்றும் பச்சை வழித்தடம்

நீலம் மற்றும் பச்சை வழித்தடங்களில் மெட்ரோ ரெயில்கள் காலை 5 மணி முதல் இரவு 11 மணி வரை இயக்கப்படும். அதன்படி காலை 5 மணி முதல் மதியம் 12 மணி வரை மற்றும் இரவு 8 மணி முதல் 10 மணி வரை 10 நிமிட இடைவெளியில் ரெயில்கள் இயக்கப்படும்.

மதியம் 12 மணி முதல் இரவு 8 மணி வரை 7 நிமிட இடைவெளியில் இயக்கப்படும். இரவு 10 மணி முதல் 11 மணி வரை 15 நிமிட இடைவெளியில் இயக்கப்படும்.

மஞ்சள் வழித்தடம்

மஞ்சள் வழித்தடத்தில் காலை 6 மணி முதல் இரவு 9 மணி வரை 15 நிமிட இடைவெளியில் மெட்ரோ ரெயில்கள் இயக்கப்படும். எனவே, பயணிகள் இந்த கால அட்டவணையை கருத்தில் கொண்டு தங்களது பயணங்களை திட்டமிட்டுக் கொள்ளுமாறு கேட்டுக் கொள்ளப்படுகிறது. இவ்வாறு அதில் தெரிவிக்கப்பட்டுள்ளது.

தமிழகம் முழுவதும் வண்ணமயமான வானவேடிக்கைகளுடன் தீபாவளிக் கொண்டாட்டம் களைகட்டியது.

இந்தியாவின் மிக முக்கிய பண்டிகையான தீபாவளி பண்டிகை இன்று நாடு முழுவதும் கோலாகலமாக கொண்டாடப்பட்டு வருகிறது. தீமையை வென்று நன்மை வெற்றி பெற்றதன் அடையாளமாக கொண்டாடப்படும் இந்த ஒளித்திருநாள், தமிழ்நாட்டில் கூடுதல் உற்சாகத்துடன் கொண்டாடப்பட்டு வருகிறது. தமிழகத்தின் அனைத்து மாவட்டங்களிலும் அதிகாலை முதலே மக்கள் புத்தாடை அணிந்து, பட்டாசுகளை வெடித்து, இனிப்புகளை பரிமாறி மகிழ்ச்சியை வெளிப்படுத்தினர்.

தீபாவளியை முன்னிட்டு தமிழகத்தின் அனைத்து முக்கிய கோவில்களிலும் சிறப்பு பூஜைகள் மற்றும் வழிபாடுகள் நடைபெற்று வருகின்றன. திருச்சி ஸ்ரீரங்கம், மதுரை மீனாட்சி அம்மன் கோவில், தஞ்சை பெரிய கோவில், பழனி முருகன் கோவில் உள்ளிட்ட கோவில்களில் அதிகாலை முதலே பக்தர்கள் நீண்ட வரிசையில் காத்திருந்து சாமி தரிசனம் செய்தனர். தீபாவளி தினத்தில் லட்சுமி தேவியை வழிபடுவது செல்வ வளத்தை தரும் என்பது ஐதீகம் என்பதால், வீடுகளிலும், கடைகளிலும் லட்சுமி பூஜை சிறப்பாக நடைபெற்றது.

இந்தநிலையில், தீபாவளிப் பண்டிகையன்று காலை 6 மணி முதல் 7 மணி வரையிலும், இரவு 7 மணி முதல் 8 மணி வரையிலும் மட்டுமே பட்டாசு வெடிக்க அரசு அனுமதி வழங்கிய நிலையில், தமிழகம் முழுவதும் பட்டாசுகள் வெடித்து மக்கள் கொண்டாட்டத்தில் ஈடுபட்டனர். குடும்பம் குடும்பமாக தீபாவளியை மக்கள் உற்சாகமாக கொண்டாடி மகிழ்ந்தனர். சிறுவர்கள் மத்தாப்பு, சங்கு சக்கரம் உள்ளிட்ட பட்டாசுகளை கொளுத்தி மகிழ்ச்சியில் திளைத்தனர். சென்னையில் கண்ணைக் கவரும் பலவிதமான வாணவேடிக்கைகள் வானை வண்ணமயமாக்கும் வகையில் காட்சியளித்தன. சென்னையில் காலை முதலே விட்டு விட்டு மழை பெய்து வந்ததால், பட்டாசு வெப்பத்தால் சற்று குறைந்திருந்தது.

எனினும், மாலை நேரத்தில் மழை விட்டு பெய்தாலும் இல்லாததால், அதிக எண்ணிக்கையிலான மக்கள் பட்டாசுகளை வெடித்து கொண்டாட்டத்தில் ஈடுபட்டனர்.

தீபாவளி பண்டிகை இதுவரை 309 பேர் காயம்

தீபாவளி பண்டிகையையொட்டி தமிழகம் முழுவதும் பட்டாசு வெடித்து காயம் அடைந்ததாக 309 பேர் மருத்துவமனையில் சிகிச்சை பெற்றுள்ளதாக தீயணைப்பு துறை தகவல் தெரிவித்துள்ளது.

தீபாவளி பண்டிகையையொட்டி சென்னையில் காற்றுத் தரக் குறியீட்டு விவரங்கள்

சென்னையில் காற்று மாசு அதிகரிப்பு

தற்போதைய சூழலில் உலகளவில் அதிக மாசடைந்த நகரங்களில் 5-வது இடத்தில் சென்னை உள்ளது.

தீபாவளி பண்டிகையின் போது உருவாகும் பட்டாசு கழிவுகளை பாதுகாப்பான முறையில் அகற்ற சென்னை மாநகராட்சி சிறப்பு ஏற்பாடுகளை செய்துள்ளது.

தீபாவளி

தீபாவளி பண்டிகை நாடு முழுவதும் இன்று வெகு விமரிசையாக கொண்டாடப்பட்டு வருகிறது. பொதுமக்கள் அதிகாலையிலேயே எண்ணெய் தேய்த்து குளித்து, புத்தாடைகள் அணிந்து, பட்டாசு வெடித்து உற்சாகமாக தீபாவளியை கொண்டாடி வருகின்றனர்.

சுத்தம் செய்யும் பணிகள்

பொதுமக்கள் பட்டாசு கழிவுகளை இதர வீட்டு கழிவுகளுடன் கலக்காமல் தனியாக சேகரித்து தூய்மை பணியாளர்களிடம் ஒப்படைக்க அறிவுறுத்தப்பட்டுள்ளது. இரவு நேரங்களில் இயந்திரங்கள் மற்றும் தூய்மை பணியாளர்களை கொண்டு சாலைகளை சுத்தம் செய்யும் பணிகள் தீவிரப்படுத்தப்பட உள்ளன.

பட்டாசு வெடிக்கும் நேரம்

பொதுமக்கள் குறைந்த ஒளி எழுப்பும் பசுமை பட்டாசுகளை மட்டுமே வெடிக்க வேண்டும் என்றும் காலை 6 முதல் 7 மணி வரையும் மாலை 7 முதல் 8 மணி வரையும் மட்டுமே பட்டாசுகளை வெடிக்க வேண்டும் என்றும் மாநகராட்சி நிர்வாகம் அறிவுறுத்தி உள்ளது குறிப்பிடத்தக்கது.

சென்னையை தலைமையிடமாக கொண்ட இந்திய கடல்சார் பல்கலைக்கழகத்தின் (IMU) புதிய துணைவேந்தராக டாக்டர் வெங்கட ரமண அக்கராஜு பொறுப்பேற்றுக்கொண்டார்.

புதிய அத்தியாயம்

இந்திய கடல்சார் பல்கலைக்கழகத்தின் புதிய துணைவேந்தராக வெங்கட ரமண அக்கராஜு நியமிக்கப்பட்டுள்ளார். இதையடுத்து, கடந்த 3-ந் தேதி அவர் முறைப்படி பொறுப்பேற்றுக்கொண்டார்.

கடல்சார் கல்வி, ஆராய்ச்சி மற்றும் நிறுவனத்தின் தரத்தை மேலும் வலுப்படுத்துவதை நோக்கிய பல்கலைக்கழகத்தின் பயணத்தில், இது ஒரு புதிய அத்தியாயத்தின் தொடக்கமாக கருதப்படுகிறது.

ஆழ்ந்த அனுபவம்

புதிய துணைவேந்தராக பொறுப்பேற்றுள்ள அக்கராஜு, இதற்கு முன்பு புதிய மங்களூரு துறைமுக ஆணையத்தின் தலைவராக பணியாற்றியவர். துறைமுக நிர்வாகம், கடல்சார் செயல்பாடுகள் மற்றும் மேலாண்மை ஆகியவற்றில் அவருக்கு ஆழ்ந்த அனுபவம் உண்டு.

கடல்சார் துறையில் அவர் கொண்டுள்ள சிறந்த அனுபவமும், தலைமைப் பண்பும் இந்திய கடல்சார் பல்கலைக்கழகத்தின் கல்வி மற்றும் நிர்வாக செயல்பாடுகளை அடுத்த கட்டத்திற்கு கொண்டு செல்லும் என்று எதிர்பார்க்கப்படுகிறது.

பல்கலைக்கழக சமூகம் வாழ்த்து

உள்கட்டமைப்பு மேம்பாடு, தொழில்நுட்ப வளர்ச்சி மற்றும் சர்வதேச கடல்சார் தொடர்புகளின் விரிவாக்கம் ஆகியவற்றின் மூலம் இந்தியாவின் கடல்சார் துறை மிகப்பெரிய வளர்ச்சியை சந்தித்து வருகிறது. இத்தகைய முக்கியமான காலகட்டத்தில் வெங்கட ரமண அக்கராஜுவின் நியமனம் அமைந்துள்ளது.

புதிய துணைவேந்தராக பொறுப்பேற்றுள்ள வெங்கட ரமண அக்கராஜுவை பல்கலைக்கழக சமூகம் அன்புடன் வரவேற்றுள்ளது. கடல்சார் கல்வியில் பல்கலைக்கழகம் புதிய மைல்கற்களை எட்டும் வகையில், அவரது பதவிக்காலம் சிறப்பாக அமைய வாழ்த்துகளும் தெரிவிக்கப்பட்டுள்ளது.

சுமார் 0.9 கி.மீ. உயரத்தில் குமரிக்கடல் மற்றும் அதனை ஒட்டிய பகுதிகளின் மேல் ஒரு வளிமண்டல சுழற்சி நிலவுகிறது. சுமார் 0.9 கி.மீ. உயரத்தில் குமரிக்கடல் மற்றும் அதனை ஒட்டிய பகுதிகளின் மேல் நிலவும் வளிமண்டல சுழற்சியிலிருந்து, மத்தியகிழக்கு அரபிக்கடல் வரை, தென் தமிழகம், தெற்கு கேரளா மற்றும் தென்கிழக்கு அரபிக்கடல் பகுதிகள் வழியாக ஒரு காற்றழுத்த தாழ்வு பாதை (Trough) நிலவுகிறது.

இதன் காரணமாக இன்று தமிழகத்தில் மழை பெய்ய வாய்ப்புள்ளது என்று சென்னை வானிலை ஆய்வு மையம் தெரிவித்திருந்தது. இந்த நிலையில் தமிழகத்தில் 14 மாவட்டங்களில் இன்று இரவு 10 மணி வரை மழை பெய்ய வாய்ப்புள்ளது என்று தெரிவிக்கப்பட்டுள்ளது.

அதன்படி சென்னை, திருவள்ளூர், செங்கல்பட்டு மற்றும் ராமநாதபுரம் ஆகிய மாவட்டங்களில் இடி, மின்னலுடன் கூடிய மிதமான மழை பெய்ய வாய்ப்புள்ளது என்று தெரிவிக்கப்பட்டுள்ளது.

மேலும் காஞ்சிபுரம், ஈரோடு, சேலம், நாமக்கல், நீலகிரி, கோயம்புத்தூர், தேனி, சிவகங்கை, திருவாரூர் மற்றும் நாகப்பட்டினம் ஆகிய மாவட்டங்களில் இடி, மின்னலுடன் கூடிய லேசானது முதல் மிதமான மழை பெய்ய வாய்ப்புள்ளது என்று தெரிவிக்கப்பட்டுள்ளது.

நீலகிரி மாவட்டம் ஊட்டியில் நிலவும் இதமான காலநிலையை அனுபவிக்கவும், இயற்கை காட்சிகளை கண்டு ரசிக்கவும் வெளிமாவட்டங்கள், வெளிமாநிலங்கள் மட்டுமின்றி வெளிநாடுகளில் இருந்தும் ஏராளமான சுற்றுலா பயணிகள் வந்து செல்கின்றனர்.

தீபாவளி

இந்த நிலையில், இன்று நாடு முழுவதும் தீபாவளி பண்டிகை கோலாகலமாக கொண்டாடப்பட்டு வருகிறது. பொதுமக்கள் அதிகாலையிலேயே எண்ணெய் தேய்த்து குளித்து, புத்தாடைகள் அணிந்து, பட்டாசு வெடித்து உற்சாகமாக தீபாவளியை கொண்டாடி வருகின்றனர்.

ஊட்டி

தீபாவளி விடுமுறையை கொண்டாட பல்வேறு சுற்றுலா தளங்களுக்கு மக்கள் படையெடுத்து வருகின்றனர். அந்த வகையில், ஊட்டியில் இன்று அதிகாலை முதலே ஏராளமான சுற்றுலா பயணிகள் குவிந்தனர். அவர்கள் அங்குள்ள அரசு தாவரவியல் பூங்காவில் 55 வகையான மலர்ச் செடிகளில் பல்வேறு வண்ணங்களில் பூத்து குழுங்கும் மலர்களை ஆர்வத்துடன் கண்டு ரசித்தனர்.

சுற்றலா பயணிகள்

தமிழகத்தின் பல்வேறு பகுதிகள் மட்டுமின்றி கேரளா, கர்நாடகா உள்ளிட்ட வெளி மாநிலங்களில் இருந்தும் குடும்பத்துடன் வந்த சுற்றலா பயணிகள் கண்ணாடி மாளிகை, ரோஜா பூங்கா, படகு இல்லம் உள்ளிட்ட சுற்றலா தளங்களை பார்வையிட்டு புகைப்படங்கள் மற்றும் ரீல்ஸ் எடுத்து மகிழ்ந்தனர். சுற்றுலா தளங்களில் தீபாவளியை கொண்டாடுவது புதுவித அனுபவத்தையும் மகிழ்ச்சியையும் அளிப்பதாக சுற்றுலா பயணிகள் தெரிவித்துள்ளனர்.

கர்நாடகா மாநிலம் தாவணகெரே மாவட்டம் ஹடாடி போலீஸ் நிலைய எல்லைக்குட்பட்ட பகுதியில் தனது பெற்றோருடன் 16 வயது சிறுமி வசித்து வருகிறாள். சிறுமியின் வீட்டு அருகே தாய்மாமன் வசித்து வந்துள்ளார். இந்த நிலையில், சிறுமியின் உறவினர். சிறுமிக்கு ஆசை வார்த்தைகளை கூறி தனது கட்டுப்பாட்டுக்குள் கொண்டு வந்துள்ளார்.

பாலியல் வன்கொடுமை

மேலும், சிறுமியின் மீது அன்பாக இருப்பது போன்று நடித்து தனது வீட்டுக்கு அழைத்து சென்றுள்ளார். இதனை நம்பி சென்ற அந்த சிறுமியை, உறவினர் என்றும் பாராமல் அவர் வலுக்கட்டாயமாக பாலியல் வன்கொடுமைக்கு உள்ளாக்கியதாக கூறப்படுகிறது.

பெற்றோர் புகார்

பின்னர். குடும்பத்துக்குள் நடந்த இந்த வன்கொடுமையால் மனமுடைந்துபோன சிறுமி, இதுகுறித்து நடந்த உண்மை களை தனது பெற்றோரிடம் கூறினார். இதனையடுத்து. பாதிக்கப்பட்ட சிறுமியின் சார்பில் ஹடாடி போலீசில் சிறுமியின் பெற்றோர் புகார் அளித்தனர்.

போக்சோ வழக்குப்பதிவு

அதன் பேரில் போலீசார் சிறுமியின் மாமா மீது போக்சோ வழக்குப்பதிவு செய்தனர். இதையடுத்து, சிறுமியிடம் போலீசார் தீவிர விசாரணை நடத்தினர். இந்த விசாரணையின்போது சிறுமியை அவரது மாமாவே பாலியல் பலாத்காரம் செய் தது தெரியவந்தது.

மாமா கைது

இதற்கிடையே தன் மீது வழக்குப்பதிவு செய்யப்பட்டதும் சிறுமியின் மாமா தலைமறைவானார். இந்த நிலையில் அவர் பதுங்கியிருந்த இடம் போலீசாருக்கு தெரியவரவே, அங்கு விரைந்த போலீசார் சிறுமியின் மாமாவை கைது செய்தனர்.

சிறுமிக்கு பாதுகாப்பாக இருக்க வேண்டிய சொந்த மாமாவே இந்த செயலில் ஈடுபட்டிருப்பது அப்பகுதியில் பெரும் அதிர்ச்சியை ஏற்படுத்தியுள்ளது. இந்த சம்பவம் குறித்து கைதானவரிடம் மேலும், பல்வேறு கோணங்களில் போலீசார் தீவிர விசாரணை நடத்தி வருகின்றனர்.

தென்காசி மாவட்டம் வாசுதேவநல்லூர் பகுதியைச் சேர்ந்தவர் பால்சாமி பீட்டர் (வயது 59). இவர் கோவை மாநகராட்சியில் என்ஜினீயராக பணியாற்றி வந்தார். இவர் கடந்த சில நாட்களுக்கு முன்பாக சில காரணங்களால் பணியிடை நீக்கம் செய்யப்பட்டார். பின்னர் பால்சாமி பீட்டர் தனது சொந்த ஊரான வாசுதேவநல்லூர் பகுதிக்கு வந் தார். இந்த நிலையில் அவர், 5 வயது சிறுமிக்கு பாலியல் தொல்லை கொடுத்த தாக கூறப்படுகிறது.

போக்சோவில் கைது

இதனை அறிந்த சிறுமியின் பெற்றோர் அதிர்ச்சி அடைந்து தென்காசி அனைத்து மகளிர் போலீசில் புகார் செய்தனர். அதன்பேரில், போலீஸ் இன்ஸ்பெக்டர் இந்திரா போக்சோ சட்டத்தின் கீழ் வழக்குப்பதிவு செய்து பால்சாமி பீட்டரை கைது செய்தார்.பின்னர் அவரை கோர்ட்டில் ஆஜர்படுத்தி, பாளையங்கோட்டை மத்திய சிறையில் அடைத்தனர். இந்த சம்பவம் பரபரப்பை ஏற்படுத்தி உள்ளது.

பெரிய கந்தூரி விழாவை முன்னிட்டு நாகூர் தர்காவில் உள்ள 5 மினராக்களிலும் பாய்மரம் ஏற்றப்பட்டது. இதில் ஏராளமானோர் கலந்து கொண்டனர்.

நாகூர் தர்கா

நாகை மாவட்டம் நாகூரில் உலக பிரசித்தி பெற்ற ஆண்டவர் தர்கா உள்ளது. இந்த தர்காவிற்கு வெளி மாவட்டங்கள், வெளி மாநிலங்கள், வெளிநாடுகளில் இருந்து தினமும் ஆயிரக்கணக்கானோர் வந்து செல்கின்றனர். மத நல்லிணத்துக்கு எடுத்துக்காட்டாக விளங்கும் இந்த தர்காவில் ஆண்டுதோறும் பெரிய கந்தூரிவிழா வெகு விமரிசையாக நடைபெறுவது வழக்கம்.

அதன்படி இந்த ஆண்டு 470-வது பெரிய கந்தூரி விழா நாளை மறுநாள் (செவ்வாய்க்கிழமை) கொடியேற்றத்துடன் தொடங்குகிறது. விழாவின் முக்கிய நிகழ்ச்சியாக சந்தனக்கூடு ஊர்வலம் 19-ந்தேதியும், (வியாழக்கிழமை) பெரிய ஆண்டவர் சமாதிக்கு சந்தனம் பூசும் நிகழ்ச்சி 20-ந்தேதி (வெள்ளிக்கிழமை) அதிகாலையும் நடக்கிறது.

மினராக்களில் பாய்மரம்

முன்னதாக கந்தூரி விழாவை முன்னிட்டு தர்காவில் உள்ள 5 மினராக்களில் பாய்மரம் ஏற்றும் நிகழ்ச்சி நேற்று அதிகாலை நடந்தது. இதில் தர்கா பரம்பரை கலிபா சிறப்பு துவா ஓதிய பிறகு சாஹிப் மினராவில் பாய்மரம் ஏற்றப்பட்டது. அதனை தொடர்ந்து தஞ்சை மன்னர் கட்டிக் கொடுத்த நாகூர் தர்கா அலங்கார வாசலில் உள்ள பெரிய மினரா, தலைமாட்டு மினரா, ஒட்டுமினரா, முதுபக் மினரா ஆகிய மினராக்களிலும் பாய்மரம் ஏற்றப்பட்டது.

ஏராளமானோர் பங்கேற்பு

விழாவிற்கான சிறப்பு ஏற்பாடுகளை தர்கா தலைமை அறங்காவலர் ஹாஜா நஜ்முதீன் சாஹிப் தலைமையில் போர்டு ஆப் டிரஸ்டிகள் செய்து இருந்தனர். இந்த நிகழ்ச்சியில், நாகை முஸ்லிம் ஜமாத் மற்றும் தர்கா ஆதீனஸ்தர்கள், மற்றும் சாதி, மத பேதமின்றி திரளானோர் கலந்து கொண்டனர். விழாவுக்கு 45 கிலோ விலையில்லா சந்தனக்கட்டைகள் வழங்கிய தமிழக அரசுக்கு தர்கா நிர்வாகம் சார்பாக நன்றி தெரிவிக்கப்பட்டுள்ளது.

தேனி மாவட்டம் தேவதானப்பட்டி அருகே கேரள பள்ளி மாணவர்கள் சென்ற பேருந்து திடீரென தீப்பிடித்து எரிந்தது.

தீ விபத்து

கேரள மாநிலம் திருச்சூரைச் சேர்ந்த தனியார் பள்ளி மாணவர்கள் கொடைக்கானல் சுற்றுலாவை முடித்துவிட்டு ஊர்திரும்பிக் கொண்டிருந்தனர். அவர்களின் பேருந்து திண்டுக்கல்-குமுளி தேசிய நெடுஞ்சாலையில் புல்லக்காபட்டி அருகே சென்றபோது பேருந்தின் டயர் திடீரென வெடித்து பேருந்தில் தீப்பற்றியது.

தீயணைப்புத்துறை

இந்நிலையில், உடனடியாக சுதாரித்துக் கொண்ட ஓட்டுநர் பேருந்தை சாலையோரம் நிறுத்தி 40-க்கும் மேற்பட்ட மாணவர்களை பத்திரமாக கீழே இறக்கினார். இது குறித்து தகவலறிந்து வந்த தீயணைப்புத்துறையினர் சுமார் அரை மணி நேரம் போராடி தீயை அணைத்தனர்.

ஏ.சி. சிலிண்டர்

டயர் வெடித்ததைத் தொடர்ந்து பேருந்தில் இருந்த ஏ.சி. சிலிண்டர் வெடித்ததால் இந்த தீ விபத்து ஏற்பட்டதாக முதற்கட்ட விசாரணையில் தெரியவந்துள்ளது. இது குறித்து தேவதானப்பட்டி போலீசார் விசாரணை நடத்தி வரும் நிலையில், மாணவர்கள் ஊர் திரும்ப மாற்று பேருந்துக்கு ஏற்பாடு செய்யப்பட்டுள்ளது.

ஆவடி அடுத்த அண்ணனூர் பகுதியில் அறுந்து விழுந்த மின்சார ஒயர்களை மிதித்ததில் இரண்டு கறவை மாடுகள் மின்சாரம் பாய்ந்து சம்பவ இடத்திலேயே பரிதாபமாக உயிரிழந்தன.

மின்சாரம் பாய்ந்து பலி

திருவள்ளூர் மாவட்டம் ஆவடி அடுத்த அண்ணனூர், பொன்னியம்மன் தெருவில் அப்பகுதியைச் சேர்ந்தவர்கள் கறவை மாடுகளை வளர்த்து வருகின்றனர். இன்று அப்பகுதியில் மேய்ச்சலுக்காக விடப்பட்டிருந்த இரண்டு கறவை மாடுகள், சாலையில் அறுந்து விழுந்து கிடந்த மின்சார ஒயர்களை எதிர்பாராதவிதமாக மிதித்தன.

இதில் உயர் அழுத்த மின்சாரம் பாய்ந்ததில் அந்த இரண்டு கறவை மாடுகளும் அலறியபடி சம்பவ இடத்திலேயே சுருண்டு விழுந்து பரிதாபமாக உயிரிழந்தன.

மக்கள் கோரிக்கை

அண்ணனூர் பகுதியில் பல இடங்களில் மின்கம்பங்கள் மிகவும் சேதமடைந்து, மின்சார ஒயர்கள் தாழ்வாகவும் ஆபத்தான நிலையிலும் தொங்கி கொண்டிருப்பதாக பொதுமக்கள் குற்றம் சாட்டியுள்ளனர்.

எனவே, மனித உயிர்களுக்கு பாதிப்பு ஏற்படும் முன்பு, மின்வாரிய அதிகாரிகள் போர்க்கால அடிப்படையில் நடவடிக்கை எடுத்து, அண்ணனூர் பகுதியில் சேதமடைந்த மின்கம்பங்கள் மற்றும் பழைய மின்சார ஒயர்களை உடனடியாக மாற்றியமைக்க வேண்டும் என அப்பகுதி மக்கள் கோரிக்கை விடுத்துள்ளனர்.

மருத்துவ பணியாளர்களின் சேவைகளை பாராட்டிய அமைச்சர் அருண்ராஜ், அவர்களுடன் தீபாவளியை கொண்டாடி மகிழ்ந்தார்.

தீபாவளி

தீபாவளி பண்டிகை நாடு முழுவதும் இன்று வெகு விமரிசையாக கொண்டாடப்பட்டு வருகிறது. பொதுமக்கள் அதிகாலையிலேயே எண்ணெய் தேய்த்து குளித்து, புத்தாடைகள் அணிந்து, பட்டாசு வெடித்து உற்சாகமாக தீபாவளியை கொண்டாடி வருகின்றனர்.

மருத்துவ பணியாளர்கள்

அதே சமயம், தீபாவளி பண்டிகையின்போது எதிர்பாராத விதமாக ஏற்படும் தீக்காயங்கள் உள்ளிட்ட பாதிப்புகளுக்கு சிகிச்சை அளிப்பதற்காக மருத்துவமனைகளில் டாக்டர்கள், நர்சுகள் உள்ளிட்ட மருத்துவ பணியாளர்கள் தொடர்ந்து பணியாற்றி வருகின்றனர்.

கீழ்ப்பாக்கம்

அந்த வகையில், தமிழகத்தில் தீக்காயங்களுக்கு சிறப்பான சிகிச்சை வழங்கப்படும் மருத்துவமனைகளில் ஒன்றான சென்னை கீழ்ப்பாக்கம் அரசு மருத்துவமனையில், தீபாவளியின்போது பட்டாசு வெடித்து தீக்காயம் ஏற்பட்டவர்களுக்கு உடனடி சிகிச்சைகள் வழங்குவதற்காக விரிவான ஏற்பாடுகள் செய்யப்பட்டுள்ளன.

அமைச்சர் அருண்ராஜ்

இந்நிலையில், தமிழக அரசின் சுகாதாரத்துறை அமைச்சர் அருண்ராஜ், இன்று கீழ்ப்பாக்கம் மருத்துவமனைக்கு வருகை தந்து அங்குள்ள மருத்துவ பணியாளர்களை சந்தித்து பேசினார். அவர்களுக்கு இனிப்புகளை வழங்கி தீபாவளி வாழ்த்து தெரிவித்தார்.

மருத்துவர்கள், செவிலியர்கள் மற்றும் மருத்துவ பணியாளர்களின் சேவைகளை பாராட்டிய அமைச்சர் அருண்ராஜ், அவர்களுடன் தீபாவளியை கொண்டாடி மகிழ்ந்தார். தொடர்ந்து தீக்காயத்தால் பாதிக்கப்பட்டு மருத்துவமனையில் சிகிச்சை பெற்று வரும் நபர்களை சென்று சந்தித்து அவர்களுக்கு அமைச்சர் அருண்ராஜ் ஆறுதல் கூறினார்.

நடிகரும், மக்கள் நீதி மய்யம் கட்சியின் தலைவருமான கமல்ஹாசன் நேற்று தனது 73-வது பிறந்தநாளை கொண்டாடினார். அவரது பிறந்தநாளை முன்னிட்டு பல்வேறு அரசியல் கட்சித் தலைவர்கள் மற்றும் திரைப்பிரபலங்கள் அவருக்கு வாழ்த்து தெரிவித்தனர். இந்த நிலையில் பிறந்தநாள் வாழ்த்து தெரிவித்த அனைவருக்கும் கமல்ஹாசன் நன்றி தெரிவித்துள்ளார். இதுதொடர்பாக அவர் வெளியிட்டுள்ள அறிக்கையில் தெரிவித்திருப்பதாவது:-

என்னுடைய பிறந்த நாளுக்கு வாழ்த்து தெரிவித்த மக்களவை சபாநாயகர் ஓம் பிர்லா, தமிழ்நாடு முதல்-அமைச்சர் ஜோசப் விஜய், ஆந்திரப் பிரதேசத்தின் முதல்-மந்திரி சந்திரபாபு நாயுடு, கேரளா முதல்-மந்திரி வி.டி. சதீஷன்;

மக்களவை எதிர்க்கட்சித் தலைவர் ராகுல் காந்தி, திராவிட முன்னேற்றக் கழகத்தின் தலைவர் மு.க.ஸ்டாலின், கேரள சட்டமன்ற எதிர்க்கட்சித் தலைவர் பினராயி விஜயன், தமிழ்நாடு சட்டமன்ற எதிர்க்கட்சித் தலைவர் உதயநிதி ஸ்டாலின், திராவிட முன்னேற்றக் கழகத்தின் துணைப் பொதுச்செயலாளர் கனிமொழி, விடுதலைச் சிறுத்தைகள் கட்சியின் தலைவர் திருமாவளவன், மார்க்சிஸ்ட் கம்யூனிஸ்ட் கட்சியின் மாநிலச் செயலாளர் தோழர். பெ. சண்முகம், இந்திய கம்யூனிஸ்ட் கட்சியின் மாநிலச் செயலாளர் தோழர். மு. வீரபாண்டியன், தமிழ்நாடு காங்கிரஸ் கமிட்டியின் தலைவர் மாணிக்கம் தாகூர், நாம் தமிழர் கட்சியின் தலைமை ஒருங்கிணைப்பாளர் சீமான், பாட்டாளி மக்கள் கட்சியின் தலைவர் அன்புமணி ராமதாஸ், பாரதிய ஜனதா கட்சியின் தமிழ்நாடு தலைவர் நயினார் நாகேந்திரன், மதிமுகவின் முதன்மைச் செயலாளர் துரை. வைகோ , தமிழ் மாநில காங்கிரஸ் (மூ) தலைவர் ஜி.கே. வாசன், வீ த லீடர்ஸ் அமைப்பின் நிறுவனர் அண்ணாமலை;

சமூகநீதித்துறை அமைச்சர் வன்னி அரசு, மருத்துவம் மற்றும் மக்கள் நல்வாழ்வுத் துறை அமைச்சர் அருண்ராஜ், இந்து சமய அறநிலையத்துறை அமைச்சர் எஸ். ரமேஷ், ஆந்திரப்பிரதேச மனிதவள மேம்பாட்டுத் துறை அமைச்சர் நாரா லோகேஷ், மக்களவை உறுப்பினர் கலாநிதி வீராசாமி, ஒட்டன்சத்திரம் சட்டமன்ற உறுப்பினர் சக்கரபாணி, திருச்சுழி சட்டமன்ற உறுப்பினர் தங்கம் தென்னரசு, நாடாளுமன்ற மக்களவை உறுப்பினர் விஜய் வசந்த், மாநிலங்களவை உறுப்பினர் சனா சதீஷ் பாபு, தமிழ்நாடு காங்கிரஸ் கமிட்டியின் முன்னாள் தலைவர் செல்வப்பெருந்தகை, தமிழ்நாடு பாஜக நிர்வாகிகள் வானதி சீனிவாசன் & வினோஜ் செல்வம், முன்னாள் மக்களவை உறுப்பினர் ரவீந்திரநாத், விடுதலைச் சிறுத்தைகள் கட்சியின் மாநிலப் பொருளாளர் எஸ். எஸ். பாலாஜி, முன்னாள் நாடாளுமன்ற உறுப்பினர் ஜே. எம். ஆரூண், மனிதநேய அறக்கட்டளை நிறுவனர் சைதை துரைசாமி, முன்னாள் சட்டமன்ற உறுப்பினர் தாயகம் கவி, திமுக ஐடி விங்க் செயலாளர் டி.ஆர்.பி. ராஜா, முன்னாள் சட்டமன்ற உறுப்பினர் மயிலை வேலு, திமுக கொள்கைப் பரப்பு இணைச்செயலாளர் ராஜீவ் காந்தி உள்ளிட்ட அனைத்து அரசியல் இயக்கத்தைச் சார்ந்த நண்பர்கள்;

கலைக்குடும்பத்தைச் சேர்ந்த நண்பர்கள் மம்மூட்டி, சிரஞ்சீவி, மோகன்லால், பிரபாஸ், ராகவா லாரன்ஸ், சித்தார்த், விஜய் சேதுபதி, சேரன், அஸ்வத் மாரிமுத்து, ஜித்து மாதவன், கவிப்பேரரசு வைரமுத்து, பி.சி. ஶ்ரீராம், ரவி. கே. சந்திரன், ஐசரி கணேஷ், தேவிஶ்ரீபிரசாத், ராதிகா, குஷ்பூ, சிம்ரன், அன்பறிவ் சகோதரர்கள், நரேன் மற்றும் இயக்குனர்கள், தயாரிப்பாளர்கள், வினியோகஸ்தர்கள், திரையரங்க உரிமையாளர்கள் உள்ளிட்ட அனைத்து திரையுலக நண்பர்கள்;

என் பாசத்துக்குரிய அக்காள் நளினி, பிரியத்துக்குரிய சுஹாசினி, அன்புக்குரிய மகள்கள் ஸ்ருதி ஹாசன், அக்‌ஷரா ஹாசன், எழுத்தாளர்கள், கலைஞர்கள், நண்பர்கள், உறவினர்கள், நலம் விரும்பிகள், ராஜ்கமல் நிறுவனத்தின் உறுப்பினர்கள், டர்மெரிக் மீடியா நண்பர்கள், மக்கள் நீதி மய்ய உறவுகள், நற்பணி இயக்கத்தினர், கமல் பண்பாட்டு மைய உறுப்பினர்கள், என்னைக் கொண்டாடி ஆதரிக்கும் ரசிகப்பெருமக்கள்;

உங்கள் அத்தனை பேரின் ஆத்மார்த்தமான வாழ்த்துகள், அன்பான நல விசாரிப்புகள் என்னை நெகிழ வைக்கின்றன. இதை விட இந்த வாழ்வில் வேறென்ன வேண்டுமென என் நெஞ்சம் நெகிழ்கிறது. உங்கள் அனைவருக்கும் என் மனதின் அடியாழத்தில் இருந்து மனப்பூர்வமான நன்றிகளைத் தெரிவித்துக்கொள்கிறேன்.

ஒரு கலைஞனாக உங்களை மகிழ்விப்பேன், ஒரு தலைவனாக உங்கள் நலனுக்காக உழைப்பேன், ஒரு மனிதனாக நேர் வழியில் நடப்பேன். என் உயிரும் உறவும் தமிழுமாகத் திகழும் உங்கள் அனைவருக்கும் எனது தீபாவளி வாழ்த்துகள் உரித்தாகுக! இவ்வாறு அதில் தெரிவித்துள்ளார்.

கடலூர் அருகே கிராம மக்கள் ஒன்றிணைந்து, ஒன்றரை லட்சம் சரவெடிகளை ஒரே நேரத்தில் வெடித்து தீபாவளியைக் கொண்டாடினர்.

கோதண்டராமபுரம் கிராமத்தில் உள்ள பஜனை மடத் தெருவைச் சேர்ந்த 15 குடும்பத்தினர், தலா 10 ஆயிரம் வாலா சரவெடிகளை(1.5 லட்சம் பட்டாசுகள்) வாங்கியுள்ளனர். அவற்றை ஒன்றாக இணைத்து, சுமார் ஒன்றரை லட்சம் வாலா சரவெடிகளாக உருவாக்கி வெடிக்கச் செய்தனர்.

தொடர்ந்து 6 நிமிடம் 30 வினாடிகள் சரவெடிகள் வெடித்ததால் அப்பகுதியே அதிர்ந்தது. கிராம மக்கள் அனைவரும் ஒன்றிணைந்து கடந்த 13 ஆண்டுகளாக இதேபோன்று தீபாவளியைக் கொண்டாடி வருவது குறிப்பிடத்தக்கது.

யார் பேனர் வைத்தாலும் ஒழுங்கு நடவடிக்கை என மதிமுக பொதுச்செயலாளர் வைகோ கூறியுள்ளார்.

மதிமுக பொதுச்செயலாளர் வைகோ தனது எக்ஸ் தளத்தில் பதிவிட்டுள்ளதாவது:-

அரசியல் கட்சியினர், கலைத் துறையினர், வணிக நிறுவனத்தார், தொழில் முனைவோர், ஆலய வழிபாட்டினர், பொதுநல அமைப்புக்களைச் சார்ந்தோர், திருவிழாக்கள், திருமணங்கள், துக்க நிகழ்ச்சிகள் நடத்துவோர் சாலை ஓரங்களில் பெரிய பெரிய பேனர்கள் வைப்பதனால் பல நேரங்களில் அந்தப் பேனர்கள் கீழே விழும்போது அதில் சிக்கி பலர் படுகாயமுற்றும், சிலர் உயிர் இழப்புக்கும் ஆளானார்கள்.

இதனால் பேனர்கள் வைக்கக் கூடாது என்றும், அப்படி வைத்தால் அபராதமும் தண்டனையும் உண்டு என்று நீதிமன்றங்களும், அரசும் எச்சரித்தும்கூட இந்த பேனர் கலாச்சாரம் அகலாமல் நாளுக்கு நாள் வளர்ந்துகொண்டே இருக்கின்ற விபரீதம் நேர்ந்து வருகிறது.

அதனால்தான் அண்மையில்கூட அப்படி ஒரு துயர நிகழ்வு ஏற்பட்டுவிட்டது.

நான் மூன்று ஆண்டுகளுக்கு முன்னரே, நமது இயக்கத்தினர் பேனர்கள் வைக்கக் கூடாது என்று கூறியிருந்தும்கூட ஆர்வமிகுதியால் நம் கழகக் கண்மணிகள் அவ்வப்போது ஆங்காங்கே பேனர்கள் வைத்துவிடுகின்றனர். நான் பங்கேற்கும் நிகழ்ச்சிகளிலேயே அதனைக் காண்கிறேன்.

இப்போது திட்டவட்டமாக அறிவிக்கிறேன், எக்காரணத்தை முன்னிட்டும் கட்சி நிகழ்ச்சியாக இருந்தாலும், தங்கள் இல்ல நிகழ்ச்சிகளாக இருந்தாலும், தாம் வசிக்கும் இடத்தில் உள்ள நிகழ்ச்சிகளாக இருந்தாலும் இனி எங்கும் பேனர்கள் வைக்கவே கூடாது. அதனை மீறி யாராவது பேனர்கள் வைத்தால், அந்த நிகழ்ச்சிகளில் நான் பங்கெடுக்க மாட்டேன். இதற்கு மேலும் பிடிவாதமாக கழகத்தினர் யார் பேனர் வைத்தாலும் அவர்கள் ஒழுங்கு நடவடிக்கைக்கு உள்ளாக நேரிடும் என தெரிவித்துக்கொள்கிறேன் என அதில் பதிவிட்டுள்ளார்.

சுமார் 0.9 கி.மீ. உயரத்தில் குமரிக்கடல் மற்றும் அதனை ஒட்டிய பகுதிகளின் மேல் ஒரு வளிமண்டல சுழற்சி நிலவுகிறது. சுமார் 0.9 கி.மீ. உயரத்தில் குமரிக்கடல் மற்றும் அதனை ஒட்டிய பகுதிகளின் மேல் நிலவும் வளிமண்டல சுழற்சியிலிருந்து, மத்தியகிழக்கு அரபிக்கடல் வரை, தென் தமிழகம், தெற்கு கேரளா மற்றும் தென்கிழக்கு அரபிக்கடல் பகுதிகள் வழியாக ஒரு காற்றழுத்த தாழ்வு பாதை (Trough) நிலவுகிறது.

இதன் காரணமாக இன்று தமிழகத்தில் மழை பெய்ய வாய்ப்புள்ளது என்று சென்னை வானிலை ஆய்வு மையம் தெரிவித்திருந்தது. இந்த நிலையில் தமிழகத்தில் 24 மாவட்டங்களில் இன்று இரவு 7 மணி வரை மழை பெய்ய வாய்ப்புள்ளது என்று தெரிவிக்கப்பட்டுள்ளது.

அதன்படி காஞ்சிபுரம், திருவள்ளூர், நாமக்கல் மற்றும் கரூர் ஆகிய மாவட்டங்களில் இடி, மின்னலுடன் கூடிய மிதமான மழை பெய்ய வாய்ப்புள்ளது என்று தெரிவிக்கப்பட்டுள்ளது.

மேலும் சென்னை, செங்கல்பட்டு, விழுப்புரம், கடலூர், மயிலாடுதுறை, நாகப்பட்டினம், திருவாரூர், தஞ்சாவூர், புதுக்கோட்டை, ராமநாதபுரம், தூத்துக்குடி, மதுரை, திண்டுக்கல், அரியலூர், பெரம்பலூர், திருச்சிராப்பள்ளி, ஈரோடு, திருப்பூர், சேலம் மற்றும் கன்னியாகுமரி ஆகிய மாவட்டங்களில் இடி, மின்னலுடன் கூடிய லேசானது முதல் மிதமான மழை பெய்ய வாய்ப்புள்ளது என்று தெரிவிக்கப்பட்டுள்ளது.

நெல்லையில் மனைவியை கழுத்தை நெரித்து கொலை செய்துவிட்டு 4 வயது குழந்தையுடன் தப்பிய கணவரை போலீசார் கைது செய்துள்ளனர்.

தம்பதி

நெல்லை மாவட்டம், முக்கூடல் அருகே பாப்பாக்குடி பகுதியைச் சேர்ந்தவர் அருணாசலம். இவர் தனியார் நிறுவனத்தில் தொழிலாளியாக வேலை பார்த்து வருகிறார். இவரது மனைவி வனோபி(வயது 34). இந்த தம்பதிக்கு 4 வயதில் பெண் குழந்தை உள்ளது.

மர்மமான முறையில் உயிரிழப்பு

இந்நிலையில், கடந்த 7-ந்தேதி வனோபி வீட்டில் மர்மமான முறையில் உயிரிழந்து கிடந்தார். அவரது கழுத்துப் பகுதியில் காயங்கள் இருந்தன. மேலும் வனோபியின் கணவர் அருணாச்சலம் மற்றும் குழந்தை ஆகிய இருவரும் மாயமாகியிருந்தனர். இதுகுறித்து பாப்பாக்குடி போலீசார் வழக்குப் பதிவு செய்து விசாரணை மேற்கொண்டனர்.

இந்த விசாரணையின்போது அப்பகுதியில் உள்ள சி.சி.டி.வி. கேமரா காட்சிகளை போலீசார் ஆய்வு செய்தனர். அதில் கணவர் அருணாச்சலமே அவரது மனைவியை கொலை செய்துவிட்டு, குழந்தையை அழைத்துச் சென்றுள்ளார் என்பது தெரியவந்தது.

கைது

இதையடுத்து அருணாச்சலத்தை போலீசார் கைது செய்ததுடன், குழந்தையையும் பத்திரமாக மீட்டு உறவினர்களிடம் ஒப்படைத்தனர். கொலைக்கான காரணம் குறித்து போலீசார் தொடர்ந்து விசாரணை நடத்தி வருகின்றனர்.

தீபாவளி நாளான இன்று சென்னை விமான நிலையம் வெறிச்சோடியது. போதிய பயணிகள் இல்லாததால் 2 விமானங்கள் ரத்து செய்யப்பட்டது.

தீபாவளி பண்டிகை இன்று நாடு முழுவதும் கொண்டாடப்பட்டு வருகிறது. தீபாவளி பண்டிகையை தனது சொந்த ஊரில் கொண்டாட சென்னையில் இருந்து கடந்த 2 நாட்களாகவே மக்கள் படையெடுத்துனர். கடந்த இரு நாட்களாக சென்ட்ரல், எழும்பூர், தாம்பரம் ரெயில் நிலையங்கள் மற்றும் கிளாம்பாக்கம், மாதவரம், கோயம்பேடு பஸ் நிலையங்களில், பயணிகள் கூட்டம் அலை மோதியது. சென்னையில் இருந்து வெளியூர் சென்ற பயணிகளின் எண்ணிக்கை சுமார் 17 லட்சம் என கூறப்படுகிறது.

இந்தநிலையில், பண்டிகை காலங்களில் விமான நிலையங்களில் கூட்டம் அலைமோதும் நிலையில், தீபாவளி நாளில் இன்று(நவ.8) சென்னை விமான நிலையம் வழக்கத்திற்கு மாறாகப் பயணிகள் நடமாட்டமின்றி வெறிச்சோடிக் காணப்பட்டது.

சென்னையில் இருந்து டெல்லி புறப்படவிருந்த இண்டிகோ விமானம் ஆகிய இரண்டு விமானங்கள் ரத்து செய்யப்பட்டது. டெல்லியில் இருந்து சென்னை வரும் விமானமும், டெல்லிக்கு புறப்படும் விமானமும் ரத்து செய்யப்பட்டுள்ளன.

பெரும்பாலான பயணிகள் ஏற்கனவே தங்களின் பயணங்களை முடித்துவிட்ட நிலையில், போதிய முன்பதிவு இல்லாததால் இந்த முடிவை இண்டிகோ நிறுவனம் எடுத்துள்ளது.

வேலூர் கொசப்பேட்டையை சேர்ந்தவர் சரவணகுமார். இவர் சென்னையில் உள்ள ஐ.டி.நிறுவனத்தில் வேலை செய்து வருகிறார். இவரது மனைவி மேனகாதேவி. இவர்களுக்கு கனிஷ்கர் (6 வயது), லிதேஷ் (3 வயது) என்ற 2 மகன்கள் உள்ளனர்.

கனிஷ்கர் சென்னையில் டி.ஏ.வி. பப்ளிக் பள்ளியில் 1-ம் வகுப்பு படித்து வருகிறான். சிறுவனுக்கு திருக்குறள் மீது ஆர்வம் ஏற்பட்டதால் அதை மனப்பாடம் செய்யத் தொடங்கினான். தொடர்ந்து சிறுவன் 60 வினாடிகளில் 30 திருக்குறளை மிக துல்லியமாகவும், சரளமாகவும் ஒப்புவித்தான்.

இந்த சாதனை நோபல் வேர்ல்ட் ரெக்கார்ட்ஸ் என்ற உலக சாதனை புத்தகத்தில் இடம்பிடித்துள்ளது. இதற்காக சிறுவனுக்கு பதக்கம், சான்றிதழ் மற்றும் கேடயம் வழங்கப்பட்டது. மேலும் சிறுவன் திருக்குறள் மீது கொண்டுள்ள ஆர்வத்துக்கு உலக சாதனை அமைப்பு நிறுவனம் பாராட்டு தெரிவித்துள்ளது.

பெசன்ட் நகர் கடற்கரையில் தோழியுடன் இருந்த வாலிபரிடம் கத்தியை காட்டி வழிப்பறி செய்த 4 பேரை போலீசார் கைது செய்தனர்.

வழிப்பறி

சென்னை அயனாவரம் பொன்னுவேல்புரத்தைச் சேர்ந்தவர் பிரதீப் (22 வயது). இவர், அடையார் கஸ்தூரிபாய் நகரில் உள்ள தனியார் நிறுவனத்தில் வேலை பார்த்து வருகிறார். இவர் அதே நிறுவனத்தில் வேலை பார்க்கும் பெண்ணுடன் பெசன்ட் நகர் கடற்கரை மணற்பரப்பில் அமர்ந்து பேசிக் கொண்டிருந்தார்.

அப்போது அங்கு வந்த 4 வாலிபர்கள் கத்தியை காட்டி மிரட்டி, பிரதீப் மற்றும் அவரது தோழி வைத்திருந்த 2 செல்போன்கள் மற்றும் வெள்ளி முலாம் பூசிய செயினை பறித்துக் கொண்டு தப்பிச் சென்றனர்.

4 பேர் கைது

இந்த வழிப்பறி சம்பவம் குறித்து பிரதீப், சாஸ்திரிநகர் போலீஸ் நிலையத்தில் புகார் அளித்தார். அதன்பேரில் போலீசார் விசாரணை நடத்தி, இந்த வழிப்பறி சம்பவத்தில் ஈடுபட்ட பெசன்ட் நகர் மாதா கோவில் தெருவை சேர்ந்த ராஜசேகர் (26 வயது), திடீர் நகரை சேர்ந்த அருள்ராஜ் (26 வயது), செம்பியம் பெருமாள் கோவில் தெருவை சேர்ந்த அஸ்வின்குமார் (21 வயது) மற்றும் ஆர்யா (30 வயது) ஆகிய 4 பேரை கைது செய்தனர்.

கைதான அருள்ராஜ் மீது 3 குற்ற வழக்குகளும், ராஜசேகர், அஸ்வின்குமார், ஆர்யா மீது தலா 1 குற்ற வழக்கு இருப்பதும் போலீசார் விசாரணையில் தெரிய வந்துள்ளது.

தமிழகத்தில் 7 மாவட்டங்களில் இன்று கனமழை பெய்ய வாய்ப்புள்ளது என்று சென்னை வானிலை ஆய்வு மையம் தெரிவித்துள்ளது. இதுதொடர்பாக வெளியிடப்பட்டுள்ள அறிக்கையில் தெரிவிக்கப்பட்டிருப்பதாவது:-

சுமார் 0.9 கி.மீ. உயரத்தில் குமரிக்கடல் மற்றும் அதனை ஒட்டிய பகுதிகளின் மேல் ஒரு வளிமண்டல சுழற்சி நிலவுகிறது. சுமார் 0.9 கி.மீ. உயரத்தில் குமரிக்கடல் மற்றும் அதனை ஒட்டிய பகுதிகளின் மேல் நிலவும் வளிமண்டல சுழற்சியிலிருந்து, மத்தியகிழக்கு அரபிக்கடல் வரை, தென் தமிழகம், தெற்கு கேரளா மற்றும் தென்கிழக்கு அரபிக்கடல் பகுதிகள் வழியாக ஒரு காற்றழுத்த தாழ்வு பாதை (Trough) நிலவுகிறது.

08-11-2026: தஞ்சாவூர், திருவாரூர், நாகப்பட்டினம், மயிலாடுதுறை, புதுக்கோட்டை, ராமநாதபுரம், தூத்துக்குடி மாவட்டங்களில் ஓரிரு இடங்களிலும், காரைக்கால் பகுதிகளிலும் இடி, மின்னல் மற்றும் பலத்த காற்றுடன் (மணிக்கு 30 முதல் 40 கிலோ மீட்டர் வேகத்தில்) கூடிய கனமழை பெய்யக்கூடும்.

சென்னை, திருவள்ளூர், காஞ்சிபுரம், செங்கல்பட்டு, விழுப்புரம், கடலூர், கள்ளக்குறிச்சி, திருச்சிராப்பள்ளி, அரியலூர், பெரம்பலூர், சிவகங்கை, ஈரோடு, திருப்பூர், திண்டுக்கல், மதுரை, விருதுநகர், தேனி, தென்காசி, திருநெல்வேலி, கன்னியாகுமரி மாவட்டங்களில் ஒருசில இடங்களிலும், புதுவையிலும் இடி, மின்னல் மற்றும் பலத்த காற்றுடன் (மணிக்கு 30 முதல் 40 கிலோ மீட்டர் வேகத்தில்) கூடிய மிதமான மழை பெய்யக்கூடும். ஏனைய தமிழகத்தில் ஒருசில இடங்களில் இடி, மின்னலுடன் கூடிய லேசான மழை பெய்யக்கூடும்.

09-11-2026: தஞ்சாவூர், திருவாரூர், மயிலாடுதுறை, நாகப்பட்டினம், புதுக்கோட்டை, சிவகங்கை, ராமநாதபுரம் மாவட்டங்களில் ஓரிரு இடங்களிலும், காரைக்கால் பகுதிகளிலும் இடி, மின்னல் மற்றும் பலத்த காற்றுடன் (மணிக்கு 30 முதல் 40 கிலோ மீட்டர் வேகத்தில்) கூடிய கனமழை பெய்யக்கூடும்.

நீலகிரி கோயம்புத்தூர், திருப்பூர், விருதுநகர், திண்டுக்கல், மதுரை, தேனி, தூத்துக்குடி, தென்காசி, திருநெல்வேலி மற்றும் கன்னியாகுமரி மாவட்டங்களில் ஒருசில இடங்களில் இடி, மின்னல் மற்றும் பலத்த காற்றுடன் (மணிக்கு 30 முதல் 40 கிலோ மீட்டர் வேகத்தில்) கூடிய மிதமான மழை பெய்யக்கூடும். ஏனைய தமிழகத்தில் ஒருசில இடங்களிலும், புதுவையிலும் இடி, மின்னலுடன் கூடிய லேசான மழை பெய்யக்கூடும்.

10-11-2026: தூத்துக்குடி மற்றும் ராமநாதபுரம் மாவட்டங்களில் ஓரிரு இடங்களில் இடி, மின்னல் மற்றும் பலத்த காற்றுடன் (மணிக்கு 30 முதல் 40 கிலோ மீட்டர் வேகத்தில்) கூடிய கனமழை பெய்யக்கூடும்.

டெல்டா மாவட்டங்கள் மற்றும் தென் தமிழகத்தில் ஓரிரு இடங்களிலும், காரைக்கால் பகுதிகளிலும் இடி, மின்னல் மற்றும் பலத்த காற்றுடன் (மணிக்கு 30 முதல் 40 கிலோ மீட்டர் வேகத்தில்) கூடிய மிதமான மழை பெய்யக்கூடும். ஏனைய தமிழகத்தில் ஓரிரு இடங்களிலும், புதுவையிலும் இடி, மின்னலுடன் கூடிய லேசான மழை பெய்யக்கூடும்.

அதிகபட்ச வெப்பநிலை பற்றிய முன்னறிவிப்பு:

24 மணி நேர அதிகபட்ச வெப்பநிலை மாறுதல்:

08-11-2026 முதல் 12-11-2026 வரை: தமிழகம், புதுவை மற்றும் காரைக்கால் பகுதிகளில் அதிகபட்ச வெப்பநிலையில் குறிப்பிடத்தக்க மாற்றத்திற்கான வாய்ப்பு குறைவு.

இயல்பு நிலையிலிருந்து அதிகபட்ச வெப்ப அளவின் வேறுபாடு:

08-11-2026 முதல் 12-11-2026 வரை: தமிழகம், புதுவை மற்றும் காரைக்கால் பகுதிகளில் அதிகபட்ச வெப்பநிலை இயல்பை ஒட்டி இருக்கக்கூடும்.

சென்னை மற்றும் புறநகர் பகுதிகளுக்கான வானிலை முன்னறிவிப்பு:

இன்று வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் இடி, மின்னலுடன் கூடிய மிதமான மழை பெய்ய வாய்ப்புள்ளது. அதிகபட்ச வெப்பநிலை 26-27° செல்சியஸை ஒட்டியும், குறைந்தபட்ச வெப்பநிலை 23-24° செல்சியஸை ஒட்டியும் இருக்கக்கூடும்.

நாளை வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் இடி, மின்னலுடன் கூடிய லேசான முதல் மிதமான மழை பெய்ய வாய்ப்புள்ளது. அதிகபட்ச வெப்பநிலை 29-30° செல்சியஸை ஒட்டியும், குறைந்தபட்ச வெப்பநிலை 24-25° செல்சியஸை ஒட்டியும் இருக்கக்கூடும். இவ்வாறு அதில் தெரிவிக்கப்பட்டுள்ளது.

கோவை காந்திபுரத்தில் 1 லட்சத்து 98 ஆயிரம் சதுர அடி பரப்பளவில் தரைத்தளம் மற்றும் 7 தளங்களை கொண்ட பிரமாண்ட நூலகம் கட்டப்பட்டது. கடந்த 2024-ம் ஆண்டு அப்போதைய முதல்-அமைச்சர் மு.க.ஸ்டாலினால் இந்த நூலகத்திற்கு அடிக்கல் நாட்டப்பட்டது. பின்னர் நூலகத்தை கடந்த மாதம் 16-ந்தேதி முதல்-அமைச்சர் விஜய் திறந்து வைத்தார். இந்த நூலகத்தில் புத்தகங்கள் வாங்க ரூ.50 கோடியும், இ-புத்தகங்கள் வாங்க ரூ.5 கோடியும் நிதி ஒதுக்கீடு செய்யப்பட்டு இருந்தது குறிப்பிடத்தக்கது.

பெருமாள் முருகன் குற்றச்சாட்டு

இதற்கிடையில் பெரியார் நூலகத்தில் இடம் பெற்றிருந்த புத்தகங்கள் போலி பதிப்பகங்கள் மூலம் வாங்கப்பட்டு உள்ளதாகவும், செயற்கை நுண்ணறிவு பயன் படுத்தி புத்தகங்களின் முகப்புரைகள் எழுதப்பட்டு உள்ளதாகவும் புகார்கள் எழுந்தன.மேலும் புத்தகங்களின் எழுத்தாளர்கள் பெயர்களும் சர்ச்சைக்குரிய வகையில் இருந்தன. இதுகுறித்த குற்றச்சாட்டுகளை எழுத்தாளர் பெருமாள் முருகன் எழுப்பியதுடன், அரசு இந்த புத்தகங்கள் குறித்தும், பதிப்பகங்கள் குறித்தும் விசாரணை நடத்த வேண்டும் என்றும் வலியுறுத்தி இருந்தார். இதையடுத்து பெரியார் நூலக புத்தக கொள்முதல் விவகாரம் பெரும் புயலை கிளப்பியது.

திமுகவும் புகார்

அமைச்சர்கள், அரசியல் கட்சி பிரமுகர்கள், எழுத்தாளர்கள் ஆகியோர் பெரியார் நூலகத்திற்கு புத்தகம் வாங்கியதில் நடந்த ஊழலுக்கு கடும் கண்டனம் தெரிவித்ததோடு, இதுதொடர்பாக அரசு விரைந்து நடவடிக்கை எடுக்க வேண்டும் எனவும் வலியுறுத்தினர். எனினும்,திமுக இந்த குற்றசாட்டை மறுத்து வருகிறது. மேலும் லஞ்ச ஒழிப்புத்துறையிடமும் திமுக புகாரளித்துள்ளது. இது குறித்து அமைச்சர் ராஜ்மோகனிடம் செய்தியாளர்கள் கேள்வி எழுப்பினர். இதற்கு பதிலளித்த ராஜ்மோகன் கூறியதாவது;

பெரிய அறிவுத் திருட்டு

கொள்முதல் ஆர்டரை மாற்ற முடியுமா? கருவூலத்திலிருந்து மாவட்ட நிர்வாகத்திற்குச் சென்ற ரிலீஸ் ஆர்டரை மாற்ற முடியுமா? ஆர்டரை மாற்றுவது வேறு, ஆய்வு செய்வது வேறு. எடப்பாடி பழனிசாமி அரசியல் காரணத்திற்காகச் சொல்கிறார். கள்ளநோட்டு அடிப்பது போல, ஏஐ-ஐ பயன்படுத்தி உண்மையான புத்தகத்தில் இருந்து கருத்துகளைத் திருடி புத்தகத்தை அச்சிட்டிருக்கிறார்கள். இது எவ்வளவு பெரிய அறிவுத் திருட்டு. திமுகவும் லஞ்ச ஒழிப்புத் துறையில் புகார் அளித்திருப்பது நகைச்சுவைச் செய்தியில் தான் வர வேண்டும். அவர்களே பாம் வைப்பார்களாம். அப்புறம் அவர்களே போய் எடுப்பார்களாம். முன்னாள் அமைச்சர் மீது அவர்களுக்கு என்ன கோபமோ தெரியவில்லை”என்றார்.

திண்டுக்கல் மாவட்டம் கொடைக்கானலில் உள்ள சுற்றுலா தளங்களில் பணிபுரியும் ஊழியர்களை ஏற்றிக் கொண்டு வாகனம் ஒன்று சென்று கொண்டிருந்தது. அந்த வாகனம் பாம்பார்புரம் பகுதியில் அருகே வந்தபோது எதிர்பாராத விதமாக ஓட்டுநரின் கட்டுப்பாட்டை இழந்து சாலையோர பள்ளத்தில் தலைகுப்புற கவிழ்ந்து விபத்திற்குள்ளானது.

இந்த விபத்தில் ஓட்டுநர் உட்பட வாகனத்தில் இருந்த 8 பேர் படுகாயமடைந்தனர். காயமடைந்தவர்களை அங்கிருந்தவர்கள் மீட்டு கொடைக்கானல் அரசு மருத்துவமனைக்கு அனுப்பி வைத்தனர். அங்கு அவர்களுக்கு சிகிச்சைக்காக அளிக்கப்பட்டு வருகிறது. இந்த விபத்து குறித்து கொடைக்கானல் போலீசார் வழக்கு பதிவு விசாரணை நடத்தி வருகின்றனர்.

பெரியார் அறிவுலகம் ஊழல் விவகாரத்தில் பொது நூலகத்துறை இயக்குநரை மாற்றம் செய்து தமிழக அரசு உத்தரவிட்டுள்ளது.

கொள்முதலில் முறைகேடு

கோயம்புத்தூர் மாவட்டம் காந்திபுரத்தில் தி.மு.க. ஆட்சியில் ரூ.300 கோடியில் 'பெரியார் அறிவுலகம்' கட்டப்பட்டது. இந்த நூலகத்தை முதல்- அமைச்சர் கடந்த மாதம் விஜய் திறந்து வைத்தார். இந்த நூலகத்துக்கு புத்தகங்கள் கொள்முதல் செய்ததில் முறைகேடு நடைபெற்றுள்ளதாக எழுத்தாளர் பெருமாள் முருகன் குற்றம் சாட்டினார்.

நூலகத்தின் 4-வது தளத்தில் உள்ள தமிழ் நூல்கள் பிரிவில், 'அகல்விளக்கு பதிப்பகம்', 'பீனிக்ஸ் பப்ளிகேஷன்ஸ்' உள்ளிட்ட பதிப்பகங்களிடம் இருந்து கொள்முதல் செய்யப்பட்ட 2 ஆயிரத்துக்கும் மேற்பட்ட புத்தகங்கள் இடம்பெற்றுள்ளன. இந்த புத்தகங்கள் செயற்கை நுண்ணறிவு மூலம் தரமற்ற முறையில் உருவாக்கப்பட்டிருப்பதாகவும், அவற்றில் தவறான வரலாற்றுத் தகவல்கள் இருப்பதாகவும் அவர் குற்றச்சாட்டுகளை முன்வைத்தார்.

புத்தகங்கள் அகற்றம்

இதையடுத்து, நூல் கொள்முதல் முறைகேடு குறித்து விசாரணை நடத்த தமிழக அரசு உத்தரவிட்டது. மேலும் நூலகத்தின் 4-வது தளத்தில் வைக்கப்பட்டிருந்த 'அகல்விளக்கு', 'பீனிக்ஸ்' பதிப்பகங்களின் புத்தகங்கள் அகற்றப்பட்டது.

இயக்குநர் மாற்றம்

இந்த நிலையில் பொது நூலகத்துறை இயக்குநரை மாற்றம் செய்து தமிழக அரசு உத்தரவிட்டுள்ளது. ஆசிரியர் தேர்வு வாரிய தலைவராக உள்ள ஜெயந்தி ஐ.ஏ.எஸ். பொது நூலகத்துறை இயக்குநராக கூடுதல் பொறுப்பு வகித்து வந்தார். இந்த நிலையில் ஜெயந்தி ஐ.ஏ.எஸ். கூடுதல் பொறுப்பு வகித்து வந்த பொது நூலகத்துறை இயக்குநர் பதவி திரும்பப் பெறப்பட்டது. பொது நூலகத்துறையின் புதிய இயக்குநராக ஷஜீவனா ஐ.ஏ.எஸ். நியமிக்கப்பட்டுள்ளார்.

இந்நிலையில், 02.11.2026 அன்று இரவு, அந்தப் படகு ராமாயபட்டினம் துறைமுகத்தை நோக்கிச் சென்றதாகவும், நடுக்கடலில் என்ஜின் செயலிழந்ததாகவும், அத்தகவல் மறுநாள் (03.11.2026) அதிகாலை திரு வெங்கடேஷ் ராஜேந்திரன் என்பவருக்குச் சொந்தமான மற்றொரு இயந்திரமயமாக்கப்பட்ட மீன்பிடிப் படகுக்கு, காணாமல் போன படகில் இருந்த பணியாளர்களால் வயர்லெஸ் தொடர்பு மூலம் தெரிவிக்கப்பட்டது. அதற்குப் பிறகு, அக்காணாமல் போன படகிலிருந்து தகவல்தொடர்பு ஏதும் வரவில்லை. இந்த செய்தி அறிந்ததும் உடனடியாக தூத்துக்குடியிலிருந்து சென்னை திரும்பி துறை அதிகாரிகளுடன் தொடர்ந்து ஆலோசனை மேற்கொண்டு முழுவீச்சில் மீனவர்களை தேடும் பணிகளை துரிதப்படுத்தினேன். இதனைத் தொடர்ந்து, உடனடியாக மீன்வளம் மற்றும் மீனவர் நலத்துறையின் மூலம் சென்னை மீன்பிடித் துறைமுகத்திலிருந்தும், நிஜாம்பட்டினத்திலிருந்தும் மீன்பிடிப் படகுகளைக் கொண்டு தேடுதல் பணி தொடங்கப்பட்டது.

அதேநேரத்தில் இந்தியக் கடலோரக் காவல் படையின் இரண்டு ஹோவர்கிராஃப்ட் (Hovercraft), ஒரு விரைவுப் ரோந்துக் கப்பல் (Fast Patrol Vessel – FPV) மூலம் தேடுதல் தீவரப்படுத்தப்பட்டது. அதேபோல் கடலில் தவறிய மீனவர்கள் எங்காவது தத்தளித்துக் கொண்டிருக்கையில் அவர்களை விரைவாக மீட்க வானூர்தி மூலமும் தேடுதல் பணி தீவிரப்படுத்தப்பட்டது. இந்த தேடுதல் பணியானது துறைசார்ந்த வல்லுநர்கள், கடல் ஆராய்ச்சியாளார்கள், காற்றின்போக்கு உள்ளிட்டவைகளை மையமாக கொண்டு காலதாமதம் ஏதுமின்றி தீவிரமாக மேற்கொள்ளப்பட்டது. அதேபோல், தமிழ்நாட்டிலிருந்து மீன்வளம் மற்றும் மீனவர் நலத்துறை மற்றும் காவல்துறை அலுவலர்களைக் கொண்ட ஒரு குழு ஆந்திர மாநிலத்திற்கு அனுப்பப்பட்டு, தொடர்ந்து தேடுதல் பணி நடந்தது.

இந்நிலையில் பேரிடியாக காணாமல் போன படகு புயலில் சிக்கி மூழ்கி இருப்பதும், 5 மீனவர்கள் உயிரிழந்து இருப்பதும் தெரியவந்தது. அவர்களது உடல்கள் 05.11.2026 அன்று கண்டுபிடிக்கப்பட்டது.

இத்தகவல் கிடைக்கப்பெற்றதும், நானும் ஆர்.கே நகர் சட்டன்ற உறுப்பினருமான மாண்புமிகு நிதி, திட்டமிடல் மற்றும் வளர்ச்சித்துறை அமைச்சரும் கலந்தாலோசித்தோம். அதன்படி ஆந்திர பிரதேச மாநிலத்திற்கு மாண்புமிகு அமைச்சர் விரைந்து சென்று, இறந்த மீனவர்களின் உடல்களை அடையாளம் காணுதல் மற்றும் பிற சட்டபூர்வ நடைமுறைகளை விரைவுபடுத்தினார். நான் இங்கு துறை அதிகாரிகளுடன் மீதமுள்ள மீனவர்களை பத்திரமாக மீட்க உள்ள வழிகள் குறித்து தீவிரமாக ஆலோசனை மேற்கொண்டேன். அதேபோல் உயிரிழந்த மீனவர்களுக்கு உரிய நிவாரணம் அளிப்பது தொடர்பாகவும் துறை அதிகாரிகளுடன் கலந்தாலோசித்தேன். மாண்புமிகு முதலமைச்சர் அவர்களால் உயிரிழந்த மீனவர் குடும்பங்களுக்கு ரூ 7 லட்சம் அறிவிக்கப்பட்டு உடனடியாக அதில் ரூ 2 லட்சத்துக்கான காசோலை விடுவிக்கப்பட்டது.அதன்படி, மீட்கப்பட்ட மீனவர்களின் உடல்கள், சென்னைக்கு மீன்வளத்துறை மூலம் கொண்டுவரப்பட்டு குடும்பத்தாரிடம் ஒப்படைக்கப்பட்டது. அப்போது உயிரிழந்த மீனவர்களின் உடல்களுக்கு நேரில் சென்று கனத்த இதயத்துடன் அஞ்சலி செலுத்தினேன்.

இந்த கடினமான சூழலில், பாதிக்கப்பட்ட குடும்பத்தினரின் துயரில் பங்கெடுத்து வந்த நிகழ்வைக்கூட அரசியலாக்கி குளிர்காய்வது பெரும் வேதனையை தருகிறது. அவர்களைபோல மோசமான அரசியலை செய்ய நான் விரும்பவில்லை. பாதிக்கபட்டவர்களின் குடும்பத்துக்கு மாண்புமிகு முதல்வர் தலைமையிலான த.வெ.க அரசு உறுதுணையாக இருக்கும். அதே நேரத்தில் இதுபோன்ற பேரிடர் இனி எப்போதும் நிகழாமல் இருக்க தமிழ்நாடு அரசும் மீன்வளம் மற்றும் மீனவர் நலத்துறையும் விரிவான முன்னெச்சரிக்கை நடவடிக்கையை செய்துவருகிறது. அதேபோல் நடந்த துயரம் குறித்து விரிவான விசாரணை நடந்து வருகிறது.

இந்நிலையில், மீன்வளத்துறை ஒருங்கிணைப்பில் நடந்த தொடர் தேடுதல் பணிகளில், வானூர்தி உள்ளிட்டவை ஈடுபடுத்தப்பட்டது. அதன் விளைவாக, எஞ்சிய 2 மீனவர்களின் உடல்களும் கண்டுபிடிக்கப்பட்டு மீட்கப்பட்டுள்ளது. மீனவர்களின் உடல்களை பத்திரமாக குடும்பத்தாரிடம் ஓப்படைக்கும் பணிகள் நடந்து வருகிறது. எனவே துயர சம்பவத்தில் எதிர்க்கட்சியினர் அரசியல் ஆதாயம் தேட வேண்டாம்!" என்று பதிவிட்டுள்ளார்.

பாரத ரத்னா எல்.கே. அத்வானிக்கு எனது இதயம் கனிந்த இனிய பிறந்தநாள் நல்வாழ்த்துகளை தெரிவித்துக் கொள்கிறேன் என்று நயினார் நாகேந்திரன் தெரிவித்தார். இது தொடர்பாக, தமிழக மாநிலத்தின் பாஜக கட்சி தலைவர் நயினார் நாகேந்திரன் தனது எக்ஸ் தளத்தில் பதிவிட்டுள்ளார்

மூத்த அரசியல் ஆளுமை

பாரதிய ஜனதா கட்சியின் நிறுவன தலைவர்களில் ஒருவராகவும், கட்சியின் தேசிய தலைவராக பலமுறை பொறுப்பு வகித்தவராகவும், முன்னாள் மத்திய உள்துறை மந்திரியாகவும், இந்தியாவின் முன்னாள் துணை பிரதமராகவும், நாடாளுமன்ற எதிர்க்கட்சி தலைவராகவும் தேசத்திற்கும், கட்சிக்கும் அளப்பரிய பங்களிப்பை வழங்கிய மூத்த அரசியல் ஆளுமை அவர்.

அரசியல் அனுபவம்

தனது நீண்டகால பொதுவாழ்வில் தேசப்பற்று, கொள்கை பிடிப்பு மற்றும் அர்ப்பணிப்புடன் செயல்பட்டு, பல தலைமுறைக்கு வழிகாட்டியாக திகழும் அவரது சேவையும், அரசியல் அனுபவமும் என்றும் போற்றத்தக்கவை.

பிரார்த்திக்கிறேன்

அவர் நீண்ட ஆயுளுடனும், சிறந்த ஆரோக்கியத்துடனும் பல்லாண்டுகள் வாழ எல்லாம் வல்ல இறைவனை பிரார்த்திக்கிறேன்.

இவ்வாறு அதில் தெரிவிக்கப்பட்டுள்ளது.

கமல்ஹாசன், சீமானுக்கு பிறந்தநாள் வாழ்த்து தெரிவித்து சமூக வலைதளத்தில் பதிவு ஒன்றை வெளியிட்டுள்ளார்.

சீமான் பிறந்தநாள்

நாம் தமிழர் கட்சியின் தலைமை ஒருங்கிணைப்பாளரும், இயக்குநரும், நடிகருமான செந்தமிழன் சீமான் இன்று (நவம்பர் 8) தனது 60-வது பிறந்தநாளைக் கொண்டாடுகிறார். இதையொட்டி நாம் தமிழர் கட்சியினர், தொண்டர்கள் மற்றும் ஆதரவாளர்கள் சமூக வலைதளங்கள் வாயிலாக அவருக்கு வாழ்த்துகளைத் தெரிவித்து வருகின்றனர்.

கவிதை நடையில் வாழ்த்திய கமல்ஹாசன்

இந்த நிலையில், நடிகரும் மக்கள் நீதி மய்யம் கட்சியின் தலைவருமான கமல்ஹாசன், சீமானுக்கு பிறந்தநாள் வாழ்த்து தெரிவித்து சமூக வலைதளத்தில் பதிவு ஒன்றை வெளியிட்டுள்ளார்.

அதில், சினிமாவில் தனது முயற்சியால் கற்றுத் தகுதி பெறும் பெரும் உழைப்பையும், மேடைகளில் சிறப்பாகப் பேசும் ஆற்றலையும், அரசியலில் கொண்ட கொள்கையில் உறுதியாக இருக்கும் தன்மையையும் குறிப்பிட்டு சீமானைப் பாராட்டியுள்ளார்.

மேலும், "இப்படி இக்கணத்தில் எல்லா இலக்கணத்திலும் பொருந்தி வாழும் என் சகோதரர், நாம் தமிழர் கட்சியின் தலைமை ஒருங்கிணைப்பாளர் சீமானுக்கு இன்று பிறந்தநாள். செந்தமிழனுக்கு என் சிந்தை மகிழ் வாழ்த்துகள்" என்று கவிதை வடிவில் தனது வாழ்த்துகளைப் பகிர்ந்துள்ளார்.

கமல்ஹாசனின் இந்தப் பிறந்தநாள் வாழ்த்து பதிவு தற்போது சமூக வலைதளங்களில் கவனம் பெற்றுள்ளது.

தீபாவளி பண்டிகையை கொண்டாடுவதற்காக சென்னையில் இருந்தும், பிற நகரங்களில் இருந்தும் ஏராளமானோர் சொந்த ஊர்களுக்கு செல்வது வழக்கம். இதனால் ரெயில் நிலையங்களி லும், ரெயில்களிலும் பயணிகள் கூட்டம் அதிகரிக்கும். இதை கருத்தில் கொண்டு பயணிகளின் சிரமத்தை குறைக்கும் வகையில் தெற்கு ரெயில்வே பல்வேறு சிறப்பு ஏற்பாடுகளை செய்துள்ளது.

அதன்படி, பிற ரெயில்வே மண்டலங்களின் 62 சேவைகள் உள் பட மொத்தம் 132 சிறப்பு ரெயில்கள் கடந்த 5-ந் தேதி முதல் இயக்கப்படுகின்றன. சென்னை-மதுரை, திருநெல்வேலி, கன்னி யாகுமரி, ராமேஸ்வரம், திருவனந்தபுரம், மும்பை, பெங்களூரு உள்பட முக்கிய வழித்தடங்களில் இந்த சிறப்பு ரெயில்கள் இயக்கப்படுகின்றன. மேலும், காத்திருப்போர் பட்டியலில் உள்ள பயணிகளின் சிரமத்தை குறைக்கும் வகையில் 8 முன்பதிவில்லா மெமு ரெயில்களும் இயக்கப்படுகின்றன.

ரெயில் நிலையங்களில் பயணிகள் நீண்ட நேரம் காத்திருப்பதை தவிர்க்க முக்கிய ரெயில் நிலையங்களில் கூடுதல் பயணச்சீட்டு கவுண்ட்டர்கள் திறக்கப்பட்டுள்ளன. பொதுப்பெட்டிகளில் பயணம் செய்பவர்கள் முன்பதிவு செய்யப் பட்ட பெட்டிகளுக்குள் நுழைவதை தடுக்கும் வகையில் நடைமே டைகளில் பெட்டிகளுக்கு இடையிலான இணைப்பு பகுதிகள் மூடப்படுகின்றன. பெண்களின் பாதுகாப்புக்காக நீண்ட தூர ரெயில்களில் ஆண், பெண் போலீசார் அடங்கிய பாதுகாப்பு குழுக்களும் நியமிக்கப்பட்டுள்ளன.

தென்கிழக்கு அரபிக்கடல் மற்றும் அதனை ஒட்டிய கேரளா கடலோர பகுதிகளின் மேல் ஒரு வளிமண்டல சுழற்சி நிலவுகிறது. இதன் காரணமாக தமிழகத்தின் பல்வேறு பகுதிகளில் மழை பெய்ய வாய்ப்பு உள்ளதாக சென்னை வானிலை ஆய்வு மையம் தெரிவித்திருந்தது.

4 மணி வரை மழைக்கு வாய்ப்பு!

இந்த நிலையில், தமிழகத்தில் இன்று மாலை 4 மணி வரை 25 மாவட்டங்களில் மழை பெய்ய வாய்ப்புள்ளது என்று தெரிவிக்கப்பட்டுள்ளது.

இதன்படி,தமிழகத்தில் சென்னை, செங்கல்பட்டு, காஞ்சீபுரம், திருவள்ளூர், விழுப்புரம், கடலூர், மயிலாடுதுறை, நாகப்பட்டினம், திருவாரூர், தஞ்சாவூர், புதுக்கோட்டை, ராமநாதபுரம், தூத்துக்குடி, மதுரை, திண்டுக்கல், அரியலூர், பெரம்பலூர், கரூர், திருச்சி, ஈரோடு, சேலம், நாமக்கல், தர்மபுரி, கிருஷ்ணகிரி, திருப்பத்தூர் ஆகிய 25 மாவட்டங்களில் ஓரிரு இடங்களில் இடி, மின்னலுடன் லேசானது முதல் மிதமான மழை பெய்ய வாய்ப்பு உள்ளது.

மேலும், புதுச்சேரி மற்றும் காரைக்கால் பகுதிகளிலும் ஓரிரு இடங்களில் இடி, மின்னலுடன் லேசானது முதல் மிதமான மழை பெய்யக்கூடும் என தெரிவிக்கப்பட்டுள்ளது.

பாஜக மூத்த தலைவர் அத்வானியின் பிறந்தநாளையொட்டி பாமக தலைவர் அன்புமணி ராமதாஸ் புகழாரம் சூட்டியுள்ளார்.

இது குறித்து அவர் வெளியிட்டுள்ள அறிக்கையில் தெரிவித்திருப்பதாவது:-

அத்வானி பிறந்த நாள்

இந்திய அரசியல் வரலாற்றில் அழிக்க முடியாத அத்தியாயத்திற்கு சொந்தக்காரரான பாரதிய ஜனதாக் கட்சியின் முன்னாள் தலைவரும், முன்னாள் உள்துறை மந்திரியுமான எல்.கே.அத்வானியின் பிறந்த நாள் நூற்றாண்டு தொடக்கத்தையொட்டி, அவருக்கு எனது உளமார்ந்த வாழ்த்துகளையும், வணக்கங்களையும் தெரிவித்துக் கொள்கிறேன்.

இந்தியாவை ஆளும் கட்சியான பாரதிய ஜனதாவை உருவாக்கி வளர்த்தெடுத்ததில் அவரது பங்கு அளப்பரியது. இந்தியாவில் அதிக காலம் தொடர்ந்து உள்துறை மந்திரியாக பணியாற்றியவர் என்ற பெருமை அவருக்கு உண்டு. பாட்டாளி மக்கள் கட்சியின் நிறுவனர் மருத்துவர் அய்யாவின் கோரிக்கையை ஏற்று 2001-ஆம் ஆண்டு மக்கள்தொகை கணக்கெடுப்பை சாதிவாரி கணக்கெடுப்பாக நடத்த கொள்கை அளவில் ஒப்புக்கொண்டவர்.

வாழும் அரசியல் தலைவர்களில் மிக மூத்தவரான பாரத ரத்னா எல்.கே. அத்வானி இன்னும் நீண்ட காலம் வாழ்த்து வழிகாட்ட வேண்டும் என்று வாழ்த்துகிறேன்.

இவ்வாறு அதில் கூறப்பட்டுள்ளது.

அதிமுகவில் இருந்து விலகி தமிழக வெற்றிக் கழகத்தில் இணைந்த 4 பேருக்கு தகுதி நீக்க விவகாரம் தொடர்பாக சபாநாயகர் நோட்டீஸ் அனுப்பியுள்ளார்.

கடந்த மே 13-ம் தேதி தமிழக சட்டப்பேரவையில் தவெக அரசு மீதான நம்பிக்கை வாக்கெடுப்பு நடைபெற்றது. அப்போது அதிமுகவைச் சேர்ந்த 25 எம்.எல்.ஏக்கள் கட்சியின் கொறடா உத்தரவை மீறி தவெக அரசுக்கு ஆதரவாக வாக்களித்தனர். இதனையடுத்து அவர்கள் மீது கட்சித் தாவல் தடைச் சட்டத்தின் கீழ் தகுதி நீக்க நடவடிக்கை எடுக்கக் கோரி அதிமுக கொறடா அக்ரி கிருஷ்ணமூர்த்தி சபாநாயகரிடம் மனு அளித்தார்.

இதில் 21 எம்.எல்.ஏக்களை மன்னித்து நடவடிக்கையை கைவிடுவதாக எடப்பாடி பழனிசாமி பின்னர் கடிதம் கொடுத்த நிலையில், ராஜினாமா செய்து தவெகவில் இணைந்த 4 பேர் மீதான நடவடிக்கை மட்டும் தொடர்ந்தது. பின்னர் எம்.ஆர்.விஜயபாஸ்கர் மற்றும் சி.விஜயபாஸ்கர் ஆகியோரும் ராஜினாமா செய்ததால், மொத்தம் 6 பேர் மீதான தகுதி நீக்க வழக்கு நிலுவையில் உள்ளது.

ராஜினாமாவை ஏற்ற சபாநாயகரின் முடிவை எதிர்த்து அக்ரி கிருஷ்ணமூர்த்தி சென்னை உயர் நீதிமன்றத்தில் வழக்கு தொடர்ந்தார். இந்த வழக்கை விசாரித்த தலைமை நீதிபதி சுஷ்ருத் அரவிந்த் தர்மாதிகாரி மற்றும் நீதிபதி ஜி.அருள் முருகன் அடங்கிய அமர்வு, சபாநாயகர் ராஜினாமாவை ஏற்றது செல்லும் என்றும், ராஜினாமாக்கள் உண்மையானவை மற்றும் தன்னார்வமானவை என்றும் தீர்ப்பளித்தது. மேலும், தகுதி நீக்கம் தொடர்பான மனுக்கள் மீது இரண்டு மாதத்திற்குள் முடிவெடுக்க வேண்டும் என்றும் சபாநாயகருக்கு உத்தரவிட்டது.

உயர்நீதிமன்ற உத்தரவின் அடிப்படையில், சபாநாயகர் ஜே.சி.டி.பிரபாகர் தற்போது விசாரணையை தீவிரப்படுத்தியுள்ளார். இதன்படி, வரும் 10, 11, 12 ஆம் தேதிகளில் 4 பேரிடமும் நேரில் விசாரணை நடத்தப்பட உள்ளது. அப்போது எடப்பாடி பழனிசாமி தரப்பில் வழக்கறிஞர் ஆஜராகி வாதாட உள்ளார்.

இதனைத் தொடர்ந்து வரும் 17-ம் தேதி இறுதி விசாரணை நடைபெற்று, அதன் பின்னர் சபாநாயகர் தனது முடிவை அறிவிப்பார் என்று தகவல் வெளியாகியுள்ளது. மேலும், இந்த விவகாரத்தில் மரகதம் குமரவேல் மற்றும் சத்தியபாமா ஆகிய இருவரும் ஏற்கனவே தவெக சார்பில் இடைத்தேர்தலில் போட்டியிட்டு வெற்றி பெற்றுள்ள நிலையில், தகுதி நீக்கம் செய்யப்பட்டால் அவர்கள் மீண்டும் தேர்தலில் போட்டியிட முடியாத நிலை ஏற்படலாம் என்பதால் இந்த வழக்கு தமிழக அரசியலில் முக்கியத்துவம் பெற்றுள்ளது.

தமிழ் வளர்த்த இத்தாலியப் பேரறிஞர் வீரமாமுனிவரின் பிறந்தநாளை முன்னிட்டு அமைச்சர்கள் அன்னாரது திருவுருவச் சிலைக்கு மாலை அணிவித்து மலர்தூவி மரியாதை செலுத்தினார்கள்.

இது தொடர்பாக வெளியாகியுள்ள அறிக்கையில் தெரிவித்திருப்பதாவது:-

வீரமாமுனிவர் பிறந்தநாள்

தமிழ்நாடு அரசின் சார்பில், தமிழ் வளர்த்த இத்தாலியப் பேரறிஞர் வீரமாமுனிவரின் பிறந்தநாளை முன்னிட்டு உணவு மற்றும் உணவுப் பொருள் வழங்கல் துறை அமைச்சர் வெங்கடரமணன், பள்ளிக்கல்வி, தமிழ் வளர்ச்சி, செய்தி மற்றும் விளம்பரத் துறை அமைச்சர் ராஜ்மோகன், சமூக நீதித்துறை அமைச்சர் வன்னி அரசு ஆகியோர் இன்று (8.11.2026) சென்னை, மெரினா கடற்கரை, காமராஜர் சாலையில் அமைந்துள்ள தமிழ் வளர்த்த இத்தாலியப் பேரறிஞர் வீரமாமுனிவரின் திருவுருவச் சிலைக்கு மாலை அணிவித்து, அன்னாரது திருவுருவப்படத்திற்கு மலர் தூவி மரியாதை செலுத்தினார்கள்.

சமயத் தொண்டு

“தேம்பாவணி” என்னும் தமிழ் காப்பியத்தைப் படைத்து வழங்கியவர் வீரமாமுனிவர். இவர் இத்தாலிய நாட்டைச் சேர்ந்தவர். கான்ஸ்டன்டைன் ஜோசப் பெஸ்கி என்பதே அவரது இயற்பெயர். கி.பி.1710-இல் இந்தியாவுக்கு வந்தார். இவர் திருநெல்வேலி மாவட்டத்தில் உள்ள குருக்கள்பட்டி மற்றும் ஏலாக்குறிச்சி, கோனான்குப்பம் உள்ளிட்ட பல இடங்களில் சமயத் தொண்டு புரிந்தார். தாம் சமயப்பணி புரிந்த இடங்களிலேயே பல்வேறு தமிழ் இலக்கிய இலக்கண நூல்களையும் அகராதிகளையும் எழுதி வெளியிட்டார்.

தம் தாய்மொழி அல்லாத பிறமொழியில் இலக்கியம், இலக்கணம், அகராதி முதலிய அனைத்துத் துறைகளிலும் அரிய நூல்கள் பல படைக்கும் அளவுக்கு ஆற்றலும், செயற்கரிய அச்செயலைச் செய்து, உலக வரலாற்றிலேயே தனித்து நிற்பவருள் ஒருவராக வீரமாமுனிவர் திகழ்ந்தார்.

கொடுந்தமிழ் இலக்கணம்

மேலும் அவர், திருக்காவலூர்க் கலம்பகம், அடைக்கல மாலை, அன்னை அழுங்கல் அந்தாதி, கித்தேரியம்மாள் அம்மானை முதலிய சிற்றிலக்கியங்களையும், சதுரகராதி எனப்படும் அகராதியையும், தொன்னூல் விளக்கம் என்ற இலக்கண நூலையும் எழுதியுள்ளார். தொன்னூல் விளக்கம் குட்டித் தொல்காப்பியம் என அழைக்கப்படும் பெருமையுடையது. இப்படி பல்வேறு வகையான நூல்களைப் படைத்த ஒரு புலவரைக் காண்பது தமிழில் மட்டுமன்று; உலகின் பிற மொழிகளிலும் கூட மிக அரிய ஒன்றாகும். கொடுந்தமிழ் இலக்கணம் என்ற நூலில் தமிழில் முதன்முதலாகப் பேச்சுத்தமிழை விவரிக்க முனைந்தவர். வழக்கும், செய்யுளுமே ஒரு மொழியின் இலக்கணமாக அமையுமென்றாலும் இரட்டை வழக்கு மொழியான தமிழில் பேச்சுத் தமிழுக்கு இலக்கணம் அமைந்திராத காலத்தில் கொடுந்தமிழ் இலக்கணம் வகுத்தது சிறப்பான முயற்சியே ஆகும்.

திருக்குறளில் அறத்தையும் பொருளையும் லத்தீன் மொழியில் மொழிப்பெயர்த்தார். உரைநடையில் வேத விளக்கம், வேதியர் ஒழுக்கம், ஞானக் கண்ணாடி, செந்தமிழ் இலக்கணம், பரமார்த்த குருகதை, வாமன் கதை ஆகிய நூல்களைப் படைத்தவர். இதில் பரமார்த்த குரு கதையானது தமிழில் முதல் முதலாக வந்த நகைச்சுவை இலக்கியம் ஆகும். தமிழ்நாட்டுக்கு வந்து தமிழராகவே வாழ்ந்த வீரமாமுனிவர் அவர்கள் 1747-ஆம் ஆண்டு தமிழ்நாட்டிலேயே இயற்கை எய்தினார்.

இந்நிகழ்ச்சியில், , தமிழ் வளர்ச்சி மற்றும் செய்தித் துறை செயலாளர் ராஜாராமன், செய்தி மக்கள் தொடர்புத் துறை இயக்குநர் அருண் தம்புராஜ், தமிழ் வளர்ச்சி இயக்குநர் முனைவர் ந. அருள் மற்றும் அரசு உயர் அலுவலர்கள் கலந்து கொண்டனர்.

இவ்வாறு அதில் கூறப்பட்டுள்ளது.

திருச்செந்தூர் முருகன் கோவிலில் கந்தசஷ்டி திருவிழா நாளை மறுநாள் (செவ்வாய்க்கிழமை) தொடங்குகிறது.

கந்தசஷ்டி திருவிழா

முருக பெருமானின் அறுபடை வீடுகளில் 2-ம் படை வீடான திருச்செந்தூர் சுப்பிரமணிய சுவாமி கோவிலில் கந்தசஷ்டி திருவிழா நாளை மறுநாள் (செவ்வாய்க்கிழமை) தொடங்குகிறது. அன்று அதிகாலை 1.30 மணிக்கு விஸ்வரூப தீபாராதனை, 2 மணிக்கு உதய மார்த்தாண்ட அபிஷேகம் நடக்கிறது. 5 மணிக்கு சுவாமி ஜெயந்திநாதர் யாகசாலைக்கு எழுந்தருளுகிறார்.

7 மணிக்கு யாகசாலை பூஜையுடன் கந்தசஷ்டி திருவிழா தொடங்குகிறது. காலை 9 மணிக்கு மூலவருக்கு உச்சிகால அபிஷேகமும், தீபாராதனையும் நடக்கிறது. பகல் 12 மணிக்கு யாகசாலையில் தீபாராதனை நடக்கிறது.

சுவாமி ஜெயந்திநாதர்

பின்னர் சுவாமி ஜெயந்திநாதர் வள்ளி-தெய்வானையுடன் தங் கச்சப்பரத்தில் சண்முகவிலாச மண்டபத்திற்கு எழுந்தருளுகி றார். அங்கு சுவாமிக்கு மகா தீபாராதனை, மாலை 3 மணிக்கு மூலவருக்கு சாயரட்சை தீபாராதனை நடக்கிறது. பின்னர் சுவாமி ஜெயந்திநாதர், வள்ளி-தெய்வானையுடன் திரு வாவடுதுறை ஆதீன சஷ்டி மண்டபத்திற்கு எழுந்தருளுகிறார். அங்கு பல்வேறு திரவியங்களால் அபிஷேகம், அலங்காரமாகி தீபாராதனை நடக்கிறது. தொடர்ந்து சுவாமி, அம்பாள்களுடன் தங்க ரதத்தில் கிரி வீதியில் பவனி வருகிறார்.

2-ம் நாள் முதல்5-ம் நாள் வரை...

2-ம் திருநாள் முதல் 5-ம் திருநாள் வரை பல்வேறு பூஜை களும், அபிஷேகமும் நடக்கிறது. மாலை 3.30 மணிக்கு மூல வருக்கு சாயரட்சை தீபாராதனை நடக்கிறது. பின்னர் சுவாமி ஜெயந்திநாதர், வள்ளி-தெய்வானையுடன் திரு வாவடுதுறை ஆதீன சஷ்டி மண்டபத்திற்கு எழுந்தருளுகிறார். அங்கிருந்து சுவாமி, அம்பாள்களுடன் தங்க ரதத்தில் எழுந்தருளி கிரி வீதியில் பவனி வந்து கோவிலை அடைகிறார்.

சூரசம்ஹாரம்

6-ம் திருநாளான 15-ந் தேதி காலை யாகசாலையில் நடைபெ றும் தீபாராதனைக்கு பின்னர், சுவாமி ஜெயந்திநாதர், வள்ளி, தெய்வானையுடன் சண்முகவிலாச மண்டபத்திற்கு எழுந்தருளுகிறார்.

அங்கிருந்து திருவாவடுதுறை ஆதீன சஷ்டி மண்டபத்திற்கு எழுந்தருளுகிறார்கள். மாலை 4 மணிக்கு சுவாமி ஜெயந்திநாதர் சூரசம்ஹாரத்துக்கு எழுந்தருளுகிறார்.

அதன்பின்னர் கடற்கரையில் சுவாமி ஜெயந்திநாதர், சூரபத் மனை வதம் செய்யும் சூரசம்ஹார நிகழ்ச்சி நடக்கிறது. நிகழ்ச்சி முடிந்ததும் சந்தோஷ மண்டபத்தில் சுவாமிக்கும், அம்பாளுக்கும் மகா தீபாராதனை நடக்கிறது. பின்னர் சுவாமி, அம்பாள் கிரிப்பிரகாரம் வழியாக கோவிலுக்கு வருகிறார்கள்.

திருக்கல்யாணம்

7-ம் திருநாளன 16-ந் தேதி காலை 5 மணிக்கு தெய்வானை அம்மாள் கோவிலில் இருந்து தபசு காட்சிக்கு புறப்பாடுகிறார். மாலையில் சுவாமி குமரவிடங்கபெருமான் மாலை மாற்று விழாவிற்கு புறப்படுகிறார். 6 மணியளவில் அம்பாளுக்கு, சுவாமி காட்சிகொடுத்து தோள் மாலை மாற்றும் நிகழ்ச்சி நடக்கிறது. இரவு சுவாமி குமரவிடங்க பெருமானுக்கும், தெய்வானை அம்பாளுக்கு வைதீக முறைப்படி திருக்கல்யாண நிகழ்ச்சி நடக்கிறது.

ஊஞ்சல் காட்சி

17-ந் தேதி மாலை குமரவிடங்க பெருமான் தங்கமயில் வாக னத்திலும், தெய்வானை அம்பாள் பூம்பல்லக்கிலும் எழுந்த ருளி வீதிஉலா வருகின்றனர். 18, 19, 20-ந் தேதிகளில் தினமும் மாலை திருக்கல்யாண மண்டபத்தில் குமரவிடங்க பெருமான், தெய்வானை அம்பாளு டன் ஊஞ்சல் காட்சி நடக்கிறது. 21-ந் தேதி மாலை மஞ்சள் நீராட்டுக்கு பின்னர் சுவாமியும், அம்பாளும் வீதிஉலா வந்து கோவிலை சேர்கின்றனர்.

விழா நாட்களில் கோவில் கலையரங்கில் பக்தி இன்னிசை நிகழ்ச்சி, சொற்பொழிவு போன்ற நிகழ்ச்சிகள் கோவில் வளா கத்தில் நடக்கின்றன. விழாவிற்கான ஏற்பாடுகளை கோவில் அறங்காவலர் குழு தலைவர் அருள்முருகன், இணை ஆணையர் அருணாச்சலம் உள்ளிட்டோர் செய்து வருகின்றனர்.