<
பணியின்போது உயிர்நீத்த தீயணைப்பு வீரர்களுக்கு அஞ்சலி
பணியின்போது உயிர்நீத்த தீயணைப்பு வீரர்களுக்கு அஞ்சலி செலுத்தும் நிகழ்ச்சி திருவண்ணாமலையில் நடந்தது.
திருவண்ணாமலை
பணியின்போது உயிர்நீத்த தீயணைப்பு வீரர்களுக்கு அஞ்சலி செலுத்தும் நிகழ்ச்சி திருவண்ணாமலையில் நடந்தது.
தீத்தடுப்பு வாரம்
1944-ம் ஆண்டு மும்பை துறைமுகத்தில் நிறுத்தி வைக்கப்பட்டிருந்த கப்பலில் திடீரென வெடி விபத்து ஏற்பட்டது.
கப்பலில் ஏற்பட்ட தீயை அணைக்கும் பணியில் ஈடுபட்ட 66 தீயணைப்பு வீரர்கள் தீயில் கருகி பரிதாபமாக உயிரிழந்தனர்.
மும்பையில் கப்பலில் ஏற்பட்ட தீ விபத்தில் உயிர்நீத்த 66 தீயணைப்பு வீரர்கள் மற்றும் இந்தியா முழுவதும் பணியின்போது உயிர்நீத்த தீயணைப்பு வீரர்களுக்கு ஆண்டுதோறும் ஏப்ரல் மாதம் 14-ந் தேதி அஞ்சலி செலுத்தப்படுகிறது.
மேலும் அந்த வாரம் தீத்தடுப்பு வாரமாக கடைப்பிடிக்கப்பட்டு வருகிறது. அதன்படி இன்று நாடு முழுவதும் உள்ள தீயணைப்பு நிலையங்களில் மும்பையில் கப்பலில் ஏற்பட்ட தீ விபத்தில் உயிர்நீத்த மற்றும் பணியின்போது உயிர்நீத்த தீயணைப்பு வீரர்களுக்கு அஞ்சலி செலுத்தும் நிகழ்ச்சி நடந்தது.
அஞ்சலி செலுத்தும் நிகழ்ச்சி
திருவண்ணாமலை மாவட்ட கலெக்டர் அலுவலக வளாகத்தில் உள்ள தீயணைப்பு நிலையத்தில் பணியின்போது உயிர்நீத்த தீயணைப்பு வீரர்களுக்கு அஞ்சலி செலுத்தும் நிகழ்ச்சி நடந்தது.
மாவட்ட தீயணைப்பு அலுவலர் முரளி தலைமையில் நடந்த இந்த நிகழ்ச்சியில் பணியின்போது உயிர்நீத்த வீரர்களின் நினைவாக வைக்கப்பட்டுள்ள நினைவிடத்தில் மலர்வளையம் வைத்து அஞ்சலி செலுத்தப்பட்டது.
இதில் திருவண்ணாமலை உதவி மாவட்ட தீயணைப்பு அலுவலர் முருகன், நிலைய அலுவலர் கமால்பாஷா மற்றும் தீயணைப்பு வீரர்கள் கலந்து கொண்டனர்.
ஜவ்வாதுமலை
அதேபோல் ஜவ்வாதுமலை தீயணைப்பு நிலையத்திலும் பணியின்போது உயிர் நீத்த தீயணைப்பு வீரர்களுக்கு அஞ்சலி செலுத்தும் நிகழ்ச்சி நடந்தது. நிலைய அலுவலர் கிருஷ்ணன் தலைமையில் மலர் வளையம் வைக்கப்பட்டு அஞ்சலி செலுத்தப்பட்டது.
அதைத்தொடர்ந்து தீத்தடுப்பு வாரத்தை முன்னிட்டு பொதுமக்களுக்கு விழிப்புணர்வு துண்டு பிரசுரம் வழங்கப்பட்டது. இதில் தீயணைப்பு நிலைய வீரர்கள் கலந்து கொண்டனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
