வெஸ்ட் இண்டீசுக்கு எதிரான ஒருநாள் தொடர்: இஷான் கிஷான் இந்திய அணியில் சேர்ப்பு
வெஸ்ட் இண்டீசுக்கு எதிரான ஒருநாள் தொடருக்கான இந்திய அணியில் மயங்க் அகர்வாலுடன் இஷான் கிஷனும் சேர்க்கப்பட்டுள்ளார்.
மும்பை,
இந்தியாவிற்கு சுற்றுப்பயணம் மேற்கொண்டுள்ள வெஸ்ட் இண்டீஸ் அணி 3 ஒருநாள் மற்றும் 3 டி20 போட்டிகளில் விளையாட உள்ளது. இதில் முதல் ஒருநாள் போட்டி ஆமதாபாத்தில் வருகிற 6-ஆம் தேதி தொடங்குகிறது.
இந்த நிலையில் இந்திய அணியில் ஷிகர் தவான், ருதுராஜ் கெய்க்வாட், ஸ்ரேயாஷ் அய்யர் ஆகியோருக்கு கொரோனா தொற்று உறுதிசெய்யப்பட்டது. மேலும் வலை பந்துவீச்சாளர் நவ்தீப் சைனி மற்றும் 3 உதவியாளர்களுக்கும் தொற்று உறுதியானது.
இதையடுத்து இந்திய அணியில் கூடுதல் தொடக்க வீரராக மயங்க் அகர்வால் நேற்று சேர்க்கப்பட்ட நிலையில், தற்போது கூடுதலாக இஷான் கிஷனும் சேர்க்கப்பட்டுள்ளார்.
Related Tags :
Next Story