‘வலிமை’ படத்தில் நடித்ததற்காக அஜித் மிகவும் பெருமைப்பட்டார்: இயக்குநர் எச்.வினோத்

சென்னை,

இந்த ஆண்டின் மிகவும் எதிர்பார்க்கப்பட்ட படங்களில் ஒன்று ‘வலிமை. அஜித் நடித்துள்ள இந்தப் படத்திற்கு ரசிகர்கள் எவ்வாறு பதிலளிப்பார்கள் என ஆவலுடன் எதிர்பார்த்துக் கொண்டிருக்கிறார் படத்தின் இயக்குநர் எச்.வினோத். படத்தின் ஆக்‌ஷன் காட்சிகள் சமூக வலைதளங்களில் பெரும் வரவேற்பைப் பெற்ற நிலையில், வலிமை வெறும் ஆக்‌ஷன் படம் அல்ல என்றும் கூறுகிறார் இயக்குநர். 

 

படம் தொடர்பாக எச்.வினோத் அளித்த பேட்டியில், “வலிமை ஒரு சரியான குடும்ப பொழுதுபோக்கு படமாகும். இது சமூக பிரச்சினைகளையும் பேசுகிறது. குடும்பப் படம் என்று சொல்லும்போது, ​​குடும்பத்தில் ஏற்படும் பிரச்சனைகள் அல்ல. ஒரு குடும்பம் எதிர்கொள்ளும் பிரச்சனை. அது எப்படி ஒரு குற்றத்தில் விளைகிறது என்பதையும்,  ஹீரோ எப்படி அந்தக் குற்றத்தை தன் குடும்பத்தைச் சிதைக்காமல் தடுக்க முயல்கிறார் என்பதையும் பற்றி பேசும் படமாகும். இது குடும்பத்துடன் பார்க்க வேண்டிய படம்” என்கிறார்.

தொடர்ந்து அவர் கூறுகையில், கொரோனா ஊரடங்கு தங்கள் திட்டங்களை சீர்குலைத்தாலும், இந்த வழியில் சில நன்மைகள் நடந்துள்ளது. நாங்கள் படத்தை தீபாவளிக்கு வெளியிட விரும்பினோம். ஆனால் அது நடக்கவில்லை. பிறகு, டிசம்பர் அல்லது பொங்கல் ரிலீஸ் என்று நினைத்தோம், அதையும் செய்ய முடியவில்லை. உண்மையில், கொரோனாவின் ஒவ்வொரு அலையும் எங்களுக்கு வெவ்வேறு சிக்கல்களைக் கொண்டு வந்தன. ஆனால் தாமதங்கள் மேலும் இரண்டு மொழிகளில் படத்தை வெளியிட எங்களுக்கு உதவியது என்று நான் உணர்கிறேன்.

அஜித் சார் என்னிடம், இந்தப் படத்தை செய்ததற்காக நான் பெருமைப்படுகிறேன் என்று கூறினார். இந்த படத்தை எடுத்த பிறகு, நான் ஒரு பெருமைமிக்க மகன் போல் உணர்கிறேன் என்பதால்தான், இந்த படத்தை என் அம்மா மற்றும் அப்பா மற்றும் என் குடும்பத்தினருக்கு திரையிடப் போகிறேன்.  இந்தி, தெலுங்கு, கன்னடம் ஆகிய மொழிகளில் பிரமாண்டமாக வெளியிட முடிவு செய்துள்ளோம்” என்றார்.

 

போனி கபூர் தயாரித்துள்ள வலிமை படம் பிப்ரவரி 24ஆம் தேதி உலகம் முழுவதும் வெளியாகிறது.