தற்காப்புக் கலையில் சிறந்து விளங்கும் தருணிகாஸ்ரீ

பெண்கள் தற்காப்பு கலைகளைக் கற்றுக்கொள்வது முழு உடலின் தசைகள் பராமரிப்பை ஊக்கப்படுத்தும். உடலின் சமநிலைத் தன்மை, விரைவுத் தன்மை, சுறுசுறுப்பு, சீரான உடல் இயக்கம் மற்றும் வளர்சிதை மாற்றத்தை மேம்படுத்தும். இது நோய் எதிர்ப்பு சக்தியை அதிகரித்து, நோய் பாதிப்பில் இருந்து நம்மை பாதுகாக்கும். எவ்வித பிரச்சினையிலிருந்தும் மீள வைத்து உடல் மற்றும் மன வலிமையை உண்டாக்கும். அதேநேரம் உடலின் சீரான இயக்கத்தால், ஹார்மோன் சுரப்புகள் இயல்பு நிலையை அடையும். இதனால் உடலும், மனமும் ஒருநிலைப்படும்; புத்துணர்வு பெறும்.

உடலில் உள்ள கழிவுகள் வெளியேறுவதைப் போல, மனதில் உள்ள கஷ்டம், கோபம், பொறாமை, போட்டி போன்ற நம்மையும் நம்மைச் சுற்றியுள்ளவர்களையும் பாதிக்கக்கூடிய குணாதிசயங்கள் மாறி, மனம் அமைதியை உண்டாக்கும். நேர்மறை எண்ணங்கள் மேலோங்கும். இதனால், நாம் செய்யும் செயலில் முழு கவனமும், வெற்றியும் கைகூடும்.