தாராள பிரபு

`தாராள பிரபு' படத்துக்கு 8 இசையமைப்பாளர்கள்! ஒரு படத்துக்கு 8 இசையமைப்பாளர்கள் இசையமைத்திருப்பது, இதுவே முதல்முறை. அந்த இசையமைப்பாளர்கள் வருமாறு:-

அனிருத், ஷான் ரோல்டன், விவேக்-மெர்வின், இந்நோ கெங்கா, மேட்லி ப்ளூஸ், கேபர் வாசுகி, தி பேன்ட் ஊர்க்கா, பரத் சங்கர். இந்த 8 இசையமைப்பாளர்களும் ஆளுக்கொரு பாட்டுக்கு இசையமைத்து இருக்கிறார்கள். இது தொடர்பாக படத்தின் டைரக்டர் கிருஷ்ணா கூறியதாவது:-

``இந்த படமே இசையாக அமைந்திருக்கிறது என்றால், அது மிகையல்ல. சில இசையமைப்பாளர்களை கதையோட்டத்தின் சூழ்நிலைகளுக்கு ஏற்றபடி தேர்வு செய்தோம். சில இசையமைப்பாளர்களை அவர்களின் தனித்துவமான படைப்பு களுக்காக தேர்வு செய்தோம்.

இதில் சுவாரஸ்யமான ஒரு விஷயம், அனைத்து படைப்பாளிகளுமே எந்தவித தயக்கமும் இல்லாமல் ஆர்வத்துடன் பணிபுரிந்தார்கள்.''