கர்நாடகாவில் காங்கிரஸ் அரசை கவிழ்க்க சதி: பாஜகவின் சதித்திட்டம் ஒருபோதும் வெற்றி பெறாது - டி.கே.சிவக்குமார்

பெங்களூரு,

கர்நாடகாவில் கடந்த 2019-ம் ஆண்டு கூட்டணி அரசை கவிழ்த்தது போல தற்போது காங்கிரஸ் அரசை கவிழ்க்க எம்எல்ஏக்களை விலைக்கு வாங்கும் முயற்சியில் பாஜகவினர் மும்முரமாக ஈடுபட்டு வருவதாக அம்மாநில காங்கிரஸ் எம்எல்ஏ கனிகா ராவ் கூறியிருந்தார்,

இந்த நிலையில் இதுகுறித்து கருத்து தெரிவித்துள்ள கர்நாடக துணை முதல்-மந்திரி டி.கே.சிவக்குமார் மிகப்பெரிய சதித்திட்டம் நடைபெறுவது குறித்து தங்களுக்கு தெரியும் என்றும், எனினும் அது ஒருபோதும் வெற்றி பெறாது என்றும் குறிப்பிட்டார்.

மேலும், பாஜகவை சேர்ந்த முக்கிய நிர்வாகிகள் கோடிக்கணக்கில் பணம், அமைச்சர் பதவி என்றெல்லாம் கூறி காங்கிரஸ் எம்எல்ஏக்களை தங்கள் பக்கம் இழுக்க முயன்று வருவதாகவும், அது நிச்சயம் தோல்வியில் முடியும் என்றும் தெரிவித்தார்.