சென்னை,
சென்னையில் 22 கேரட் ஆபரணத் தங்கத்தின் விலை ரூ.46 ஆயிரத்தை தொட்டு புதிய உச்சத்தை எட்டியுள்ளது. ஆபரணத் தங்கத்தின் விலை கிராமுக்கு ரூ.44 உயர்ந்து ரூ.5,750-க்கு விற்பனை செய்யப்படுகிறது. சவரனுக்கு ரூ.352 உயர்ந்து ரூ.46 ஆயிரத்துக்கு விற்பனை செய்யப்படுகிறது.
முன்னதாக ஏப்ரல் 14-ம் தேதி ஒரு சவரன் தங்கத்தின் விலை ரூ.45,760 ஆக இருந்ததே உச்சவிலையாக இருந்தது. சென்னையில் 22 கேரட் ஆபரணத் தங்கத்தின் விலை சவரனுக்கு 2 நாட்களில் ரூ.1,080 வரை அதிகரித்துள்ளது.
மேலும் சென்னையில் ஒரு கிராம் வெள்ளியின் விலை ரூ.1 உயர்ந்து ரூ.82.80-க்கு விற்பனை செய்யப்படுகிறது. பணவீக்கத்தை கட்டுப்படுத்த அமெரிக்க மைய வங்கி கடன் வட்டியை 0.25 சதவீதமாக உயர்த்தியதே தங்கம் விலை உயர காரணம் என்று கூறப்படுகிறது.