திருமுல்லைவாயில் அடுத்த அயப்பாக்கம் ஊராட்சியில் பழைய போலீஸ் நிலையம் அருகே நேற்று காலை மெகா தடுப்பூசி முகாம் நடைபெற்றது. இந்த முகாமில் தமிழக மக்கள் நல்வாழ்வுத்துறை அமைச்சர் மா.சுப்பிரமணியன் கலந்துகொண்டு ஆய்வு செய்தார். பின்னர் நிருபர்களிடம் அவர் கூறியதாவது:-
திருவள்ளூர் மாவட்டத்தில் இதுவரை 13 தடுப்பூசி மெகா முகாம்கள் நடைபெற்றுள்ளது. இந்த முகாம்களில் மூலம் இதுவரை 8 லட்சத்து 95 ஆயிரத்து 940 பேர் தடுப்பூசி செலுத்தி உள்ளனர்.
அந்த வகையில் இன்று(அதாவது நேற்று) 14-வது தடுப்பூசி முகாம் ஏறத்தாழ 900 இடங்களில் நடைபெற்றது. தமிழகத்தில் தடுப்பூசியை பொறுத்தவரை 4 லட்சத்து 26 ஆயிரத்து 925 தடுப்பூசிகள் கையிருப்பில் இருக்கிறது.
இவ்வாறு அவர் கூறினார்.
