பெங்களூரு,
கொப்பல் மாவட்டம் குஷ்டகி தாலுகா மிட்டால்கோட்டை கிராமத்தை சேர்ந்தவர் மஞ்சுநாத் ஹரிஜான் (வயது 28). இவர் கடந்த 2012-ம் ஆண்டு போலீஸ் துறையில் போலீஸ்காரராக பணிக்கு சேர்ந்தார். தொடக்கத்தில் தாவணகெரேயில் ஆயுதப்படை போலீஸ்காரராக பணி செய்த அவர் பின்னர் பாகல்கோட்டைக்கு பணி இடமாறுதல் பெற்றார்.
அதைத்தொடர்ந்து அவர் கடந்த ஒரு ஆண்டாக பாகல்கோட்டை டவுனில் உள்ள பாகல்கோட்டை போலீஸ் சூப்பிரண்டு ரிஷ்யாந்தின் வீட்டில் பாதுகாப்பு பணியில் ஈடுபட்டு வந்தார். இந்த நிலையில் நேற்று அதிகாலையில் பாதுகாப்பு பணியில் இருந்த மஞ்சுநாத் ஹரிஜான், திடீரென்று தான் வைத்திருந்த துப்பாக்கியை எடுத்து தனக்கு தானே சுட்டு கொண்டு தற்கொலை செய்துகொண்டார்.