பொள்ளாச்சி,
மாற்றுத்திறனாளிகளுக்கு ரூ.1000, கடும் மாற்றுத்திறனாளிகளுக்கு ரூ.1500 ஊக்கத்தொகையாக வழங்கப்பட்டு வருகிறது. இதற்கிடையில் ரூ.1000 வழங்கும் மாற்றுத்திறனாளிகளுக்கு ரூ.3 ஆயிரமும், ரூ.1500 வழங்கும் மாற்றுத்திறனாளிகளுக்கு ரூ.5 ஆயிரமும் உயர்த்தி வழங்க வேண்டும்.
மேலும் புதிய சட்ட விதிகளின்படி மாற்றுத்திறனாளிகளுக்கு 4 சதவீத இடஒதுக்கீடு வழங்க வேண்டும் என்ற கோரிக்கையை வலியுறுத்தி தொடர்ந்து போராட்டம் நடத்தி வருகின்றனர்.
பொள்ளாச்சியில் நேற்று 2-வது நாளாக மாற்றுத்திறனாளிகள் சாலை மறியல் போராட்டத்தில் ஈடுபட்டனர். அப்போது கோரிக்கைகளை வலியுறுத்தி கோஷம் எழுப்பினர்.
இதையடுத்து போராட்டத்தில் ஈடுபட்ட 24 பேரை போலீசார் கைது செய்தனர். இதற்கிடையில் இன்று (வெள்ளிக்கிழமை) மாற்றுத்திறனாளிகள் வீடுகளில் கருப்பு கொடி ஏந்தி போராட்டம் நடைபெறுகிறது.