அகமதாபாத்,
50 ஓவர் உலகக்கோப்பை கிரிக்கெட் தொடரின் இறுதிப்போட்டி அகமதாபாத் மைதானத்தில் இன்று நடைபெற்றது. இதில் இந்தியா- ஆஸ்திரேலியா அணிகள் மோதின. இந்த ஆட்டத்தில் இந்திய அணியை 6 விக்கெட் வித்தியாசத்தில் வீழ்த்தி ஆஸ்திரேலிய அணி 6 ஆவது முறையாக உலக சாம்பியன் பட்டத்தை வென்றுள்ளது.
இந்தத் தொடரில் விராட் கோலி அபாரமான ஆட்டத்தை வெளிப்படுத்தினார். அவர் இந்த தொடரில் 11 ஆட்டத்தில் விளையாடி 3 சதம், 6 அரைசதத்துடன் 765 ரன்கள் குவித்தார். இந்த நிலையில், உலகக்கோப்பை தொடரில் சிறப்பான ஆட்டத்தை வெளிப்படுத்திய விராட் கோலிக்கு தொடர் நாயகன் விருது வழங்கப்பட்டது.
உலகக்கோப்பை இறுதிப்போட்டியிலும் கோலி, தனது நிதான ஆட்டத்தை வெளிப்படுத்தி 63 பந்தில் 54 ரன்கள் எடுத்தது குறிப்பிடத்தக்கது.