பிஐப்பூர்,
சத்தீஸ்கர் மாநிலம் பிஜப்பூர் மாவட்டத்தில் நக்சலைட்டுகளுடன் நடந்த துப்பாக்கிச்சூடு தாக்குதலில் 5 பாதுகாப்புப்படை வீரர்கள் பலியாகினர். மேலும் 10 பாதுகாப்பு படை வீரர்கள் காயமடைந்துள்ளதாக உயர் போலீஸ் அதிகாரி ஒருவர் தெரிவித்துள்ளார்.
இந்த சம்பவம் தொடர்பாக சத்தீஸ்கர் காவல் இயக்குநர் ஜெனரல் டி.எம் அவஸ்தி கூறுகையில், நக்சல் எதிர்ப்பு நடவடிக்கையில் பாதுகாப்புப் படையினர் ஈடுபட்டிருந்தபோது, டாரெம் பகுதியில் (சுக்மா மற்றும் பிஜாப்பூர் எல்லையில்) துப்பாக்கிச் சண்டை வெடித்தது. சிஆர்பிஎப்பின் உயரடுக்கு கமாண்டோ பட்டாலியன் ஃபார் ரெசலூட் ஆக்சன் யூனிட் (கோப்ரா), மாவட்ட ரிசர்வ் காவலர் (டிஆர்ஜி) மற்றும் சிறப்பு பணிக்குழு (எஸ்.டி.எஃப்) ஆகியவற்றைச் சேர்ந்த பணியாளர்கள் இந்த நடவடிக்கையில் ஈடுபட்டுள்ளனர். முதற்கட்ட தகவல்களின்படி, துப்பாக்கிச் சண்டையில் ஐந்து ராணுவ வீரர்கள் கொல்லப்பட்டனர் மற்றும் ஒரு 10 பேர் காயமடைந்துள்ளனர் என்று தெரிவித்தார்.