சுவிஸ் ஓபன் பேட்மிண்டன்: முதல் சுற்றில் பி வி சிந்து வெற்றி..!

பாசெல்,

சுவிஸ் ஓபன் பேட்மிண்டன் போட்டி சுவிட்சர்லாந்து பாசெல் நகரில் நடைபெற்று வருகிறது. அதில் பெண்கள் ஒற்றையர் பிரிவு போட்டியில், ஒலிம்பிக்கில் தங்கப்பதக்கம் வென்ற இந்தியாவின் பி வி சிந்து, டென்மார்க்கின் லைன் ஹோஜ்மார்க் ஜயர்ஸ்பெல்ட்டை 21-14, 21-12 என்ற செட் கணக்கில் வீழ்த்தி வெற்றி பெற்றார். இதன்மூலம், அவர் இரண்டாவது சுற்றுக்கு தகுதி பெற்றார். அடுத்த போட்டியில், அவர் சீனாவின் நெஸ்லியான் இஜிட்டை எதிர்கொள்ள உள்ளார்.

மேலும், பெண்கள் இரட்டையர் பிரிவு போட்டியில், இந்தியாவின் அஸ்வினி பொன்னப்பா- என் சீக்கி ரெட்டி ஜோடி, சுவிட்சர்லாந்தின் அலைன் முல்லர்- ஜென்ஜிரா ஸ்டாடெல்மான் ஜோடியுடன் மோதியது. இந்த ஆட்டத்தில் 21-15, 21-16 என்ற செட் கணக்கில் இந்திய இணை வெற்றி பெற்றது.

ஆண்கள் இரட்டையர் பிரிவில், இந்தியாவின் எம்ஆர் அர்ஜுன் - துருவ் கபிலா ஜோடி, இந்தோனேஷியாவின் பஜர் அல்பியான் - முகமது ரியான் ஜோடியை எதிர்கொண்டது. இந்த ஆட்டத்தில் 19-21, 13-21 என்ற செட் கணக்கில் இந்திய வீரர்கள் தோல்வி அடைந்தனர்.