இங்கிலாந்துக்கு எதிரான ஒருநாள் கிரிக்கெட்: வெஸ்ட்இண்டீஸ் அணியில் கெய்ல், சாமுவேல்ஸ்

டிரினிடாட்,

டெஸ்ட் தொடர் செப்டம்பர் 11-ந் தேதி முடிவடைகிறது. இதனை அடுத்து வெஸ்ட்இண்டீஸ் அணி, அயர்லாந்து அணியுடன் ஒரு ஒருநாள் போட்டியில் (செப்டம்பர் 13-ந் தேதி) விளையாடுகிறது. இங்கிலாந்து-வெஸ்ட்இண்டீஸ் அணிகள் இடையிலான 5 ஆட்டங்கள் கொண்ட ஒருநாள் போட்டி தொடர் செப்டம்பர் 19-ந் தேதி முதல் 29-ந் தேதி வரை நடக்கிறது. இந்த போட்டி தொடருக்கான வெஸ்ட்இண்டீஸ் அணி நேற்று அறிவிக்கப்பட்டது. அதிரடி ஆட்டக்காரர் கிறிஸ் கெய்ல், சாமுவேல்ஸ் ஆகியோர் மீண்டும் அணியில் இடம் பிடித்துள்ளனர்.

கடைசியாக கெய்ல் 2015-ம் ஆண்டு மார்ச் மாதத்திலும், சாமுவேல்ஸ் 2016-ம் ஆண்டு அக்டோபர் மாதத்திலும் ஒருநாள் போட்டியில் விளையாடி இருந்தனர். நீண்ட கால இடைவெளிக்கு பிறகு இருவரும் அணிக்கு திரும்பி உள்ளனர். வெஸ்ட்இண்டீஸ் ஒருநாள் அணி வருமாறு:- சுனில் அம்ரிஸ், தேவேந்திர பிஷோ, மிகுல் கம்மின்ஸ், கிறிஸ் கெய்ல், ஜாசன் ஹோல்டர் (கேப்டன்), கைல் ஹோப், ஷாய் ஹோப், அல்ஜாரி ஜோசப், இவின் லீவிஸ், ஜாசன் முகமது, ஆஷ்லே நர்ஸ், ரோவ்மன் பவெல், சாமுவேல்ஸ், ஜெரோம் டெய்லர், கேஸ்ரிக் வில்லியம்ஸ்.