வடதமிழகத்தில் வெப்பம் அதிகரிக்கும் - தமிழ்நாடு வெதர்மேன்

சென்னை,

வெப்பநிலை குறித்து தமிழ்நாடு வெதர்மேன் வெளியிட்டுள்ள பதிவில் கூறப்பட்டிருப்பதாவது:-

ராயலசீமா மற்றும் உள் கர்நாடகாவிலிருந்து வடமேற்கு திசையிலிருந்து வீசும் உலர்ந்த வெப்ப காற்றுகள், வரும் நாட்களில் வட தமிழகத்தை நோக்கி நகரும்.இந்த வெப்ப காற்றுகள் வேலூர், ராணிப்பேட்டை, காஞ்சிபுரம், மேற்கு உள் சென்னை மற்றும் திருவள்ளூர் மாவட்டங்களை தாக்கும் வாய்ப்பு அதிகம் உள்ளது. அடுத்த 4-5 நாட்கள் வெப்பநிலை கணிசமாக அதிகரிக்கலாம்.

குறிப்பாக வெள்ளி மற்றும் சனி நாட்கள் மிகுந்த வெப்பத்துடன் காணப்படும். சென்னை மீனம்பாக்கம், இந்த ஆண்டின் முதல் 40 டிகிரி செல்சியஸ் வெப்பநிலையை பதிவு செய்யும் சாத்தியம் உள்ளது. வேலூர் மாவட்டத்தில், 41 டிகிரி செல்சியஸ்-க்கு மேல் வெப்பநிலை எழும் வாய்ப்பு மிக அதிகமாக உள்ளது.

அதிக வெப்பம் காரணமாக குடிநீர், சரியான உடல் ஈரப்பதம் பாதுகாப்பு ஆகியவற்றை தவறாமல் கையாளுங்கள் என்றும் வெப்பத்தால் பாதிக்கப்படக்கூடியவர்களுக்கு முன்னே எச்சரிக்கை வழங்க வேண்டும் என்றும் அறிவுறுத்தப்பட்டுள்ளது. இவ்வாறு அதில் கூறப்பட்டுள்ளது.