தண்ணீர் பாட்டில் மூடிகள் வெவ்வேறு நிறங்களில் இருப்பதற்கு காரணம் தெரியுமா?

வெள்ளை, சிவப்பு, நீலம், பச்சை, மஞ்சள் மற்றும் கருப்பு ஆகிய நிறங்களில் இருக்கும், தண்ணீர் பாட்டில் மூடிகளுக்கு சுவாரசிய பின்னணி இருக்கிறது. அது என்ன என்று காணலாம் வாருங்கள்.

நீல நிறம்: பெரும்பாலும் நீல நிற மூடிகள் கொண்ட பாட்டில்களில் ஊற்று நீர் நிரப்பப்பட்டிருக்கும். இவ்வகை நீர் இயற்கையான கனிம உள்ளடக்கத்தை கொண்டிருக்கும்.

கருப்பு நிறம்: கருப்பு மூடி கொண்ட பாட்டிலில் பொதுவாக கார நீர் (ஆல்கலைன் நீர்) இருக்கும். இது அதிக பி.எச். மதிப்பு கொண்டது. உடலில் அமிலத்தன்மையை குறைக்கும், ஏராளமான சுகாதார நன்மைகளை வழங்கும் என்று கருதப்படுகிறது.

வெள்ளை நிறம்: இந்த வகை மூடிகள் கொண்ட பாட்டில்கள் பொதுவாக பதப்படுத்தப்பட்ட அல்லது வடிகட்டிய நீரால் அடைக்கப்பட்டிருக்கும். நீர் அசுத்தங்களை அகற்றுவதற்காக வடிகட்டப்படுகிறது.

பச்சை நிறம்: பச்சை நிற மூடிகள் கொண்ட பாட்டில்கள் பெரும்பாலும் சுவை சேர்க்கப்பட்ட தண்ணீரை கொண்டிருக்கும். இந்த தண்ணீரை குடிக்கும்போது, ஒருவித வித்தியாசமான சுவையையும், நீரேற்றத்தில் திருப்தி தன்மையையும் கொடுக்கும்.

சிவப்பு நிறம்: பொதுவாக இந்த பாட்டில்களில் எலக்ட்ரோலைட் மேம்படுத்தப்பட்ட நீர் இருக்கும். உடற்பயிற்சி, நீரிழப்பின்போது இழக்கப்படும் அத்தியாவசிய தாதுக்களை மீட்டெடுக்க இவை சிறந்தவை.

மஞ்சள் நிறம்: பெரும்பாலும் மஞ்சள் நிற மூடிகளுடைய பாட்டில்கள் வைட்டமின்-செறிவூட்டப்பட்ட நீரின் இருப்பைக் காட்டுகின்றன. இது நீரேற்றத்துடன் ஊட்டச்சத்தை அதிகரிப்பதற்காக வடிவமைக்கப்பட்டுள்ளது.