திண்டுக்கல்:
தமிழகத்தில் ரேஷன்கடைகள் மூலம் பொதுமக்களுக்கு வழங்குவதற்கு தேவையான அரிசி, பருப்பு, கோதுமை உள்ளிட்டவை வெளிமாநிலங்களில் இருந்து வரவழைக்கப்பட்டு இருப்பு வைக்கப்படுகிறது.
இதற்காக வெளி மாநிலங்களில் இருந்து ரெயில் மூலம் நேரடியாக மாவட்டங்களுக்கு அனுப்பப்படுகிறது. அதன்படி நேற்று ஆந்திராவில் இருந்து 2 ஆயிரத்து 450 டன் ரேஷன் புழுங்கல் அரிசி திண்டுக்கல்லுக்கு வந்தது.
இதையடுத்து லாரிகள் மூலம் அவை, முருகபவனம் நுகர்பொருள் வாணிப கிடங்குக்கு கொண்டு செல்லப்பட்டது.
அங்கிருந்து தேவைக்கு ஏற்ப ரேஷன்கடைகளுக்கு அனுப்பி வைக்கப்படும் என்று அதிகாரி ஒருவர் தெரிவித்தார்.