தமிழகத்திற்கு இதுவரை மத்திய தொகுப்பில் இருந்தும் தமிழக அரசின் நேரடி கொள்முதல் மூலமாகவும் இதுவரை 2 கோடியே 21 லட்சத்து 45 ஆயிரத்து 260 கோவிஷீல்டு மற்றும் கோவாக்சின் தடுப்பூசிகள் வந்து உள்ளன.இந்த நிலையில் நேற்று மராட்டிய மாநிலம் புனே சீரம் நிறுவனத்தில் இருந்து சென்னை வந்த விமானத்தில் கூடுதலாக 42 பெட்டிகளில் 5 லட்சம் கோவிஷீல்டு தடுப்பூசிகள் தமிழக அரசுக்கு வந்தன. அவை தேனாம்பேட்டையில் உள்ள மாநில சுகாதார கிடங்கிற்கு கொண்டு செல்லப்பட்டது. தடுப்பூசிகள் தேவைப்படும் மாவட்டங்களுக்கு உடனே பிரித்து அனுப்பி வைக்கப்படும் என அதிகாரிகள் தெரிவித்தனர்.