சென்னை,
நேர மேலாண்மையில் முதல்-அமைச்சர் மு.க.ஸ்டாலின் சர்வதேச ஒழுங்கைக் கடைப்பிடிக்கிறார் என்று கவிஞர் வைரமுத்து புகழ்ந்துள்ளார்.
இது தொடர்பாக எக்ஸ் தளத்தில் அவர் வெளியிட்டுள்ள பதிவில், "முதல்-அமைச்சரை நேற்று முகாம் அலுவலகத்தில் சந்தித்தேன். குறித்த நேரம் காலை 10.15. நான் அடைந்த நேரம் 10.14. முதல்-அமைச்சர் வந்து வரவேற்ற நேரம் 10.15. நேர மேலாண்மையில் சர்வதேச ஒழுங்கைக் கடைப்பிடிக்கிறார்.
40 ஆண்டுகளாய்ப் பார்த்தும் பழகியும் வருகிறேன். பருவம் கூடக் கூடப் பக்குவம் கூடிவருகிறது. வயது கூடக் கூட மரம் வைரம் பாய்வது மாதிரி" என்று தெரிவித்து உள்ளார்.