ஆடு திருடிய 3 பேர் கைது

விராலிமலை
விராலிமலை தாலுகா, மேலப்பச்சக்குடியை சேர்ந்தவர் அக்கம்மாள் (வயது 67). இவர் நேற்று முன்தினம் மாலை அவரது தோட்டத்தில் ஆடு மேய்த்துக் கொண்டிருந்தார். அப்போது அந்த வழியாக மோட்டார் சைக்கிளில் வந்த 3 பேர், மேய்ந்து கொண்டிருந்த 2 ஆடுகளை திருடி மோட்டார் சைக்கிளில் ஏற்றி சென்று கொண்டு சென்றனர். அதனை கண்ட அக்கம்மாள் கூச்சலிட்டதால் அக்கம்பக்கத்தினர் ஓடிவந்து மோட்டார் சைக்கிளில் சென்றவர்களை  துரத்தி சென்று சுற்றி வளைத்து பிடித்தனர். பின்னர் இதுகுறித்து விராலிமலை போலீசாருக்கு தகவல் கொடுத்தனர். தகவலின்பேரில் சம்பவ இடத்திற்கு வந்த போலீசார் மோட்டார் சைக்கிளில் வந்த 3 பேரிடமும் விசாரணை நடத்தினர். விசாரணையில் அவர்கள் திருச்சி மாவட்டம் நாகமங்கலத்தை சேர்ந்த முருகேசன் மகன் செல்வகுமார் (20), மணிகண்டம் அம்பேத்கர் நகரை சேர்ந்த பழனிச்சாமி மகன் ரத்தீஸ்குமார் (20) மற்றும் பிரகாஷ் மகன் சத்தியா (20) என்பது தெரிய வந்தது. இதனையடுத்து ஆடு திருடியதாக அவர்கள் 3 பேர் மீதும் போலீசார் வழக்குப்பதிவு செய்து கைது செய்தனர்.