மாவட்ட செய்திகள்

வேதாரண்யம் தாலுகாவில் நாளை முதல் சுழற்சி முறையில் மின் தடை + "||" + Power outage in Vedaranyam taluka from tomorrow

வேதாரண்யம் தாலுகாவில் நாளை முதல் சுழற்சி முறையில் மின் தடை

வேதாரண்யம் தாலுகாவில் நாளை முதல் சுழற்சி முறையில் மின் தடை
வேதாரண்யம் தாலுகாவில் பராமரிப்பு பணி காரணமாக நாளை முதல் சுழற்சி முறையில் மின்தடை ஏற்படும் என மின்வாரிய அதிகாரிகள் தெரிவித்துள்ளனர்.
வேதாரண்யம்,

நாகை செயற்பொறியாளர் நக்கீரன், வேதாரண்யம் உதவி செயற்பொறியாளர் ரவிக்குமார் ஆகியோர் வெளியிட்டுள்ள செய்தி குறிப்பில் கூறியிருப்பதாவது:-

வேதாரண்யம் துணை மின் நிலையத்தில் இருந்து மின்சாரம் பெறும் மின் பாதைகளில் பராமரிப்பு பணி நடைபெறுகிறது. இதனால் வேதாரண்யம் நகர் மின் பாதையில் உள்ள பகுதிகளுக்கு நாளையும் (சனிக்கிழமை), தோப்புத்துறை மின் பாதையில் உள்ள பகுதிகளுக்கு 21-ந்தேதியும் (திங்கட்கிழமை), தேத்தாகுடி மின் பாதையில் உள்ள பகுதிகளுக்கு 22-ந்தேதியும் (செவ்வாய்க்கிழமை), மறைஞாயநல்லூர் பகுதிகளுக்கு 23-ந்தேதியும் (புதன்கிழமை) காலை 10 மணி முதல் மதியம் 1 மணி வரை பராமரிப்பு பணிக்காக மின்வினியோகம் நிறுத்தப்படும்.

இதே போல் ஆயக்காரன்புலம் துணை மின்நிலையத்தில் பராமரிப்பு காரணமாக ஆயக்காரன்புலம் பகுதிகளுக்கு 25, 26-ந் தேதிகளிலும், கருப்பம்புலம் பகுதிகளுக்கு 24-ந்தேதியும் காலை 10 மணி முதல் மதியம் 1 மணி வரை மின்சாரம் நிறுத்தப்படும்.

வேட்டைக்காரனிருப்பு துணை மின் நிலையத்தில் இருந்து மின்வினியோகம்பெறும் நாலுவேதபதி மின் பாதையில் உள்ள பகுதிகளுக்கு நாளை (சனிக்கிழமை) மற்றும் 21, 23-ந்தேதிகளிலும், திருப்பூண்டி மின் பாதையில் உள்ள பகுதிகளுக்கு 22-ந்தேதியும் காலை 10 மணி முதல் மதியம் 1 மணி வரை மின்வினியோகம் இருக்காது.

வாய்மேடு துணை மின் நிலையத்தில் இருந்து மின்சாரம் பெறும் மின்பாதையான ஆலங்குடி பகுதிகளுக்கு 21, 22-ந் தேதிகளிலும், மருதூர் மின் பாதையில் உள்ள பகுதிகளுக்கு 23, 24-ந் தேதிகளிலும், கரியாப்பட்டினம் பகுதிகளுக்கு நாளை மற்றும் 24 -ந்தேதிகளிலும் காலை 10 மணி முதல் மதியம் 1 மணி வரை மின்வினியோகம் நிறுத்தப்படும். இவ்வாறு அதில் கூறப்பட்டுள்ளது.