மீன்சுருட்டி:

அரியலூர் மாவட்டம் மீன்சுருட்டி போலீஸ் சப்-இன்ஸ்பெக்டர் ராஜதுரை மற்றும் போலீசார் நேற்று ரோந்து பணியில் ஈடுபட்டனர். அப்போது மீன்சுருட்டி அருகே உள்ள உட்கோட்டை காலனி தெருவை சேர்ந்த குமார்(வயது 45), வீரசோழபுரம் கிராமத்தில் உள்ள ஏரிக்கரையில் மது விற்றது தெரியவந்தது. இதையடுத்து குமாரை போலீசார் கைது செய்து, அவரிடம் இருந்து 3 குவார்ட்டர் பாட்டில்களை பறிமுதல் செய்து விசாரணை நடத்தி வருகின்றனர்.