திருமயம், ஆக.4-
திருமயம் அருகே உள்ள ஆதனூர் பகுதியை சேர்ந்தவர் பழனியப்பன் (வயது 60). விவசாயியான இவர்  மோட்டார் சைக்கிளில் கோனாபட்டு என்ற இடத்தில் சென்று கொண்டிருந்தார். அப்போது எதிரே வந்த கார் எதிர்பாராதவிதமாக மோட்டார் சைக்கிள் மீது மோதியது. இதில் பலத்த காயமடைந்த பழனியப்பனை அக்கம்பக்கத்தினர் மீட்டு சிகிச்சைக்காக 108 ஆம்புலன்ஸ் மூலம் புதுக்கோட்டை அரசு மருத்துவ கல்லூரி மருத்துவமனைக்கு அனுப்பி வைத்தனர். அங்கு சிகிச்சை பலனின்றி பழனியப்பன் பரிதாபமாக இறந்தார். இதுகுறித்து திருமயம் போலீசார் வழக்கு பதிந்து விசாரணை நடத்தி வருகின்றனர்.