சூளகிரியில் வீட்டில் பதுக்கி வைத்திருந்த 2 டன் ரேஷன் அரிசி பறிமுதல்

சூளகிரி:

கிருஷ்ணகிரி மாவட்ட உணவுப்பொருள் கடத்தல் தடுப்பு பிரிவு போலீஸ் சப்-இன்ஸ்பெக்டர்கள் தென்னரசு, கோபிநாத் மற்றும் போலீசார், சூளகிரியில், ராயக்கோட்டை சாலையில் உள்ள வீடுகளில் சோதனை செய்தனர். அப்போது, மாதரசனப்பள்ளி கிராமத்தில் சாமையன் (வயது58) என்பவரது வீட்டில் 40 மூட்டைகளில் 2 டன் ரேஷன் அரிசி பதுக்கி வைத்திருந்தது கண்டுபிடிக்கப்பட்டது. விசாரணையில், இந்த ரேஷன் அரிசியை கர்நாடக மாநிலத்திற்கு கடத்த பதுக்கி வைத்திருந்தது தெரிந்தது. இதையடுத்து சாமையனை கைது செய்த போலீசார் அவர் பதுக்கி வைத்திருந்த ரேஷன் அரிசி மூட்டைகளையும் பறிமுதல் செய்தனர்.