<
கபடி போட்டி
மாநிலஅளவிலான ஆண்கள் கபடி போட்டியில் 2-வது இடம் பெற்ற ராமநாதபுரம் மாவட்ட வீரர்களை கலெக்டர் சங்கர்லால் குமாவத் பாராட்டினார்.
ராமநாதபுரம்,
மாநிலஅளவிலான ஆண்கள் கபடி போட்டியில் 2-வது இடம் பெற்ற ராமநாதபுரம் மாவட்ட வீரர்களை கலெக்டர் சங்கர்லால் குமாவத் பாராட்டினார்.
மாநில அளவிலான போட்டி
தமிழ்நாடு விளையாட்டு மேம்பாட்டு ஆணையம் சார்பில் தூத்துக்குடி மாவட்டம் தருவைக்குளம் கடற்கரையில் 2 நாட்கள் மாநில அளவிலான கடற்கரை விளையாட்டு போட்டிகள் நடைபெற்றது. இந்த போட்டிகளில் ராமநாதபுரம் மாவட்டத்தின் சார்பில் ஆண்கள் கபடி அணி கலந்து கொண்டு விளையாடியது.
இதில், ராமநாதபுரம் மாவட்ட அணி முதல் கால் இறுதி போட்டியில் திருவாரூர் மாவட்ட அணியை 28-க்கு 13 என்ற புள்ளி கணக்கில் வென்றது. இதனை தொடர்ந்து அரைஇறுதி போட்டியில் தூத்துக்குடி மாவட்ட அணியை 25-க்கு 12 என்ற புள்ளி கணக்கில் வென்று இறுதி போட்டிக்குள் நுழைந்தது. இறுதி போட்டியில் நாகப்பட்டினம் அணியுடன் விளையாடி 22-க்கு 25 என்ற புள்ளி கணக்கில் வெற்றி வாய்ப்பை இழந்து மாநில அளவில் 2-ம் இடம் பெற்றுள்ளது.
2-வது இடம்
இறுதிபோட்டிக்குள் நுழைந்து மாநில அளவில் 2-ம் இடம் பெற்றுள்ள ராமநாதபுரம் மாவட்ட ஆண்கள் கபடி அணி வீரர்களை நேற்று ராமநாதபுரம் கலெக்டர் சங்கர்லால் குமாவத் நேரில் அழைத்து பாராட்டினார். நிகழ்ச்சியில், பயிற்சியாளர் ஆரோக்கியதாஸ், மாவட்ட விளையாட்டு அலுவலர் செந்தில்குமார் ஆகியோர் உடன் இருந்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
