காரைக்குடி, 

கல்லல் இந்திரா நகரை சேர்ந்தவர் தாமஸ். இவரது மனைவி சோபியா (வயது 45). இவர் கடைக்கு சென்று விட்டு வீட்டுக்கு நடந்து வந்து கொண்டிருந்தார். அப்போது அந்த வழியாக மோட்டார்சைக்கிளில் வந்த 2 வாலிபர்கள் திடீரென சோபியாவின் கழுத்தில் இருந்த 7 பவுன் சங்கிலியை பறிக்க முயன்றனர். சுதாரித்துக்கொண்ட சோபியா சங்கிலியை பிடித்து கொண்டார். இருப்பினும் சங்கிலி அறுந்து ¾ பவுன் அந்த நபர்களிடம் சிக்கியது. 6¼ பவுன் சோபியாவிடம் இருந்தது. இதையடுத்து அவர்கள் தப்பி சென்று விட்டனர். இது குறித்து அவர் கொடுத்த புகாரின் பேரில் கல்லல் போலீசார் வழக்குப்பதிவு செய்து விசாரணை நடத்தி வருகின்றனர்.