<
வேலூரில் கிறிஸ்தவர்கள் குருத்தோலை ஊர்வலம்
குருத்தோலை ஞாயிறையொட்டி வேலூரில் கிறிஸ்தவர்கள் குருத்தோலையை கையில் ஏந்தியபடி முக்கிய வீதிகள் வழியாக ஊர்வலமாக சென்றனர்.
வேலூர்
குருத்தோலை ஞாயிறையொட்டி வேலூரில் கிறிஸ்தவர்கள் குருத்தோலையை கையில் ஏந்தியபடி முக்கிய வீதிகள் வழியாக ஊர்வலமாக சென்றனர்.
குருத்தோலை ஞாயிறு
கிறிஸ்தவர்கள் ஈஸ்டர் பண்டிகைக்கு (உயிர்ப்பு பெருநாள் விழா) முன்பு அனுசரிக்கும் தவக்காலமான சாம்பல் புதன் கடந்த மார்ச் மாதம் தொடங்கியது. ஈஸ்டர் பண்டிகை கொண்டாடப்படும் ஞாயிற்றுக்கிழமைக்கு முந்தைய ஞாயிற்றுக்கிழமை குருத்தோலை ஞாயிறாக கொண்டாடப்படுகிறது. இயேசு கிறிஸ்து சிலுவையில் அறையப்பட்டு உயிரிழக்கும் சில நாட்களுக்கு முன்பு அவர், ஒரு கழுதை குட்டியின் மீது அமர வைத்து ஜெருசலேம் நகர வீதிகளில் ஊர்வலமாக அழைத்து செல்லப்பட்டார்.
அப்போது சாலையோரங்களில் பொதுமக்கள் நின்றுகொண்டு ஒலிவ மரக்கிளைகளை கைகளில் ஏந்தியபடி, ஓசன்னா தாவீதின் குமாரனுக்கு ஓசன்னா, ஓசன்னா என்று ஆர்ப்பரித்தனர். இந்த நிகழ்ச்சியை நினைவு கூறும் வகையில் ஆண்டுதோறும் குருத்தோலை ஞாயிறாக அனுசரிக்கப்படுகிறது. அதன்படி, ‘குருத்தோலை ஞாயிறு’ நிகழ்ச்சி நடந்தது.
கிறிஸ்தவர்கள் ஊர்வலம்
இதையொட்டி வேலூர் அண்ணாசாலையில் உள்ள சி.எஸ்.ஐ. மத்திய தேவாலயத்தில் இருந்து குருத்தோலை ஞாயிறு ஊர்வலம் தொடங்கியது. கிறிஸ்தவர்கள் கையில் குருத்தோலையை ஏந்தியபடி ஓசன்னா பாடலை பாடியபடி சென்றனர். ஊர்வலம் முக்கிய வீதிகள் வழியாக சென்று மீண்டும் தேவாலயத்தை அடைந்தது. பின்னர் வேலூர் பேராயர் சர்மா நித்யானந்தம் தலைமையில் சிறப்பு பிரார்த்தனை நடைபெற்றது.
இதேபோல் வேலூர் விண்ணரசி மாதா தேவாலயம், சார்பனாமேடு ஆரோக்கிய மாதா தேவாலயம், காட்பாடி சி.எஸ்.ஐ. தேவாலயம், உள்பட மாவட்டத்தில் உள்ள அனைத்து தேவாலயங்களிலும் குருத்தோலை ஞாயிறு ஊர்வலமும், அதைத்தொடர்ந்து சிறப்பு பிரார்த்தனையும் நடந்தது. இதில், ஏராளமான கிறிஸ்தவர்கள் கலந்து கொண்டனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
