சரக்கு வாகனம் மோதி வாலிபர் பலி

கிருஷ்ணராயபுரம் அருகே மகாதானபுரம் தீத்தாம்பாளையத்தை சேர்ந்தவர் சுப்பிரமணியன். இவருடைய மகன் கணேஷ்குமார் (வயது 25), கூலி தொழிலாளி. இவர் நேற்று முன்தினம் காலை கரூருக்கு வேலைக்கு செல்வதற்காக தனது மோட்டார் சைக்கிளில் ஆர்.புதுக்கோட்டை வளையல்காரன்புதூர் பிரிவு சாலை அருகே சென்று கொண்டிருந்தார். அப்போது மாயனூரை சேர்ந்த பாண்டி என்பவர் ஓட்டி வந்த சரக்கு வாகனம் எதிர்பாராதவிதமாக மோட்டார் சைக்கிள் மீது மோதியது. இதில் பலத்த காயமடைந்த கணேஷ்குமாரை அந்த வழியாக சென்ற வாகன ஓட்டிகள் மீட்டு கரூர் அரசு மருத்துவமனைக்கு அனுப்பி வைத்தனர். அங்கு அவரை பரிசோதித்த டாக்டர்கள் கணேஷ்குமார் ஏற்கனவே இறந்து விட்டதாக தெரிவித்தனர். இந்த விபத்து குறித்து மாயனூர் போலீசார் வழக்குப்பதிவு செய்து விசாரணை நடத்தி வருகின்றனர்.