கோவில் குளத்தில் தொழிலாளி பிணம்

சிதம்பரம், 

சிதம்பரம் இளமையாக்கினார் கோவில் குளத்தின் மேற்கு கரை பகுதியில் நேற்று காலை 60 வயது மதிக்கத்தக்க ஆண் ஒருவர் பிணமாக மிதந்துள்ளார். இதைபார்த்த பொதுமக்கள் போலீசாருக்கு தகவல் தெரிவித்தனர். அதன்பேரில் சிதம்பரம் நகர போலீஸ் சப்-இன்ஸ்பெக்டர் லட்சுமிராமன் தலைமையிலான போலீசார் சம்பவ இடத்துக்கு விரைந்து சென்று, இறந்து கிடந்தவரின் உடலை பார்வையிட்டு அக்கம்பக்கத்தினரிடம் விசாரணை நடத்தினர். அதில் அவர் சிதம்பரம் கன்னிராமன் கோவில் தெருவை சேர்ந்த தொழிலாளியான குளவேந்திரன்(வயது 55) என்பது தெரியவந்தது. 

    மேலும் குளத்தில் கால் கழுவ சென்றபோது தவறி விழுந்து நீரில் மூழ்கி இறந்திருக்கலாம் என்பதும் தெரியவந்தது. இதையடுத்து குளவேந்திரனின் உடலை மீட்டு பிரேத பரிசோதனைக்காக சிதம்பரம் அரசு ஆஸ்பத்திரிக்கு அனுப்பி வைத்தனர். மேலும் இதுகுறித்த புகாரின்பேரில் போலீசார் வழக்குப்பதிவு செய்து விசாரணை நடத்தி வருகின்றனர்.