<
காங்கிரஸ் கட்சி சார்பில் இன்று முதல் யூடியூப் செய்தி சேனல் தொடங்க திட்டம்
காங்கிரஸ் கட்சி சார்பில் யூடியூப் செய்தி சேனல் தொடங்க திட்டமிடப்பட்டுள்ளது. அந்த சேனலில் இன்று முதல் நிகழ்ச்சிகள் ஒளிபரப்பாகும் என்று தகவல் வெளியாகியுள்ளது.
புதுடெல்லி,
காங்கிரஸ் கட்சி சார்பில் யூடியூப் செய்தி சேனல் இன்று தொடங்கப்பட உள்ளது. இந்த செய்தி சேனல் மூலம் காங்கிரஸ் கட்சியின் கொள்கைகள் மற்றும் காங்கிரஸ் கட்சி தெரிவிக்கும் தகவல்கள், கருத்துக்களை பொதுமக்களுக்கு நேரடியாக கொண்டு சேர்க்க திட்டமிடப்பட்டுள்ளது.
'ஐ.என்.சி. டிவி’ என பெயரிடப்பட்டுள்ள அந்த செய்தி சேனலின் துவக்க நிகழ்ச்சி இன்று காலை 11.30 மணிக்கு காங்கிரஸ் கட்சி அலுவலகத்தில் நடைபெற உள்ளது. இந்த நிகழ்ச்சியில் காங்கிரஸ் கட்சின் தலைவர்கள் மல்லிகர்ஜூனகார்கே, ரந்தீப் சுர்ஜீவாலா, சுஷ்மிதா தேவ், சீனிவாஸ் உள்ளிட்டோர் பங்கேற்கின்றனர்.
காங்கிரஸ் கட்சி சார்பில் தொடங்கப்படும் யூடியூப் செய்தி சேனல் அக்கட்சியின் கருத்துக்களை நாடு முழுவதும் கொண்டுசேர்க்க உறுதுணையாக இருக்கும் என்று அக்கட்சியின் மூத்த தலைவர்கள் கருத்து தெரிவித்துள்ளனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
