தேசிய செய்திகள்

கொரோனா பாதித்து மறைந்த நாடாளுமன்ற மேலவை எம்.பி. மொகபத்ராவுக்கு பிரதமர் மோடி இரங்கல் + "||" + Corona vulnerability: Parliamentary upper house MP. PM Modi mourns Mogabatra's death

கொரோனா பாதித்து மறைந்த நாடாளுமன்ற மேலவை எம்.பி. மொகபத்ராவுக்கு பிரதமர் மோடி இரங்கல்

கொரோனா பாதித்து மறைந்த நாடாளுமன்ற மேலவை எம்.பி. மொகபத்ராவுக்கு பிரதமர் மோடி இரங்கல்
கொரோனா பாதிப்புக்கு உயிரிழந்த நாடாளுமன்ற மேலவை எம்.பி. மற்றும் பிரபல சிற்பியான மொகபத்ரா மறைவுக்கு பிரதமர் மோடி இரங்கல் தெரிவித்து உள்ளார்.
புவனேஸ்வர்,

நாடாளுமன்ற மேலவை எம்.பி.யாக இருந்தவர் ரகுநாத் மொகபத்ரா.  கடந்த வாரம் இவருக்கு கொரோனா பாதிப்பு இருப்பது உறுதியானது.  இதனால் இவரை ஒடிசாவின் புவனேஸ்வர் நகரில் உள்ள எய்ம்ஸ் மருத்துவமனையில் சிகிச்சைக்காக சேர்த்தனர்.

இந்த நிலையில், சிகிச்சை பலனின்றி அவர் இன்று காலமானார்.  அவருக்கு வயது 78.  நாட்டின் மிக உயரிய பத்ம விபூஷண் விருது பெற்ற பெருமைக்கு உரியவர் ஆவார்.  அவரது மறைவுக்கு அரசியல் கட்சியினர் இரங்கல் தெரிவித்து வருகின்றனர்.

இதுபற்றி பிரதமர் மோடி வெளியிட்ட இரங்கல் செய்தியில், மொகபத்ரா ஜி மறைவு செய்தி அறிந்து வேதனையுற்றேன்.  கலை, கட்டிட கலை மற்றும் கலாசார உலகில் அளப்பரிய பங்காற்றியவர்.  பாரம்பரிய கைவினை பொருட்களை பிரபலப்படுத்தும் நோக்கில் பங்காற்றியதில் அவர் நினைவுகூரப்படுவார்.

அவரது குடும்பம் மற்றும் நலம் விரும்பிகளின் எண்ணத்துடன் இணைந்துள்ளேன்.  ஓம் சாந்தி என தெரிவித்து உள்ளார்.  இதேபோன்று ஒடிசா முதல்-மந்திரி நவீன் பட்னாயக்கும் மொகபத்ரா மறைவுக்கு இரங்கல் தெரிவித்து உள்ளார்.

கடந்த 1975ம் ஆண்டு பத்ம ஸ்ரீ விருதும், 2001ம் ஆண்டு பத்ம பூஷண் விருதும் மற்றும் 2013ம் ஆண்டில் பத்ம விபூஷண் விருதும் பெற்றுள்ளார்.


தொடர்புடைய செய்திகள்

1. கேரளாவில் ஊரடங்கில் பல்வேறு தளர்வுகள் இன்று அமலுக்கு வந்தன
கேரளாவில் கொரோனா பாதிப்பு விகிதம் அடிப்படையில் அறிவிக்கப்பட்ட பல்வேறு தளர்வுகள் இன்று காலை முதல் அமலுக்கு வந்துள்ளன.
2. கொரோனா பிரச்சினைக்கு ஊரடங்கு என்பது இறுதி தீர்வல்ல-சுகாதாரத்துறை மந்திரி சுதாகர் பேட்டி
கர்நாடகத்தில் கொரோனா 3-வது அலையை எதிர்கொள்ள தயாராகி வருகிறோம் என்று சுகாதாரத்துறை மந்திரி சுதாகர் கூறினார்.
3. தினசரி கொரோனா பாதிப்பு 85 சதவிகிதம் குறைந்துள்ளது- மத்திய சுகாதாரத்துறை
நாட்டில் கொரோனா தொற்று உச்சத்தில் இருந்த சமயத்தோடு ஒப்பிடும் போது தற்போது 85 சதவிகிதம் குறைந்துள்ளதாக மத்திய சுகாதாரத் துறை தெரிவித்துள்ளது.
4. இங்கிலாந்தில் மேலும் 4 வாரங்களுக்கு பிறகே ஊரடங்கில் தளர்வுகள்: போரிஸ் ஜான்சன் அறிவிப்பு
இங்கிலாந்தில் சமீப நாட்களாக கொரோனா பாதிப்பு புதிய உச்சத்தை எட்டியிருக்கிறது
5. ராணுவ ஆட்சி நடந்து வரும் மியான்மரில் 1.45 லட்சம் பேருக்கு கொரோனா பாதிப்பு
ராணுவ ஆட்சி நடந்து வரும் மியான்மர் நாட்டில் 1,45,603 பேருக்கு கொரோனா பாதிப்புகள் ஏற்பட்டு உள்ளன.