திருவனந்தபுரம்,
கேரளாவில் கடந்த சில நாட்களாக கொரோனா பாதிப்பு மெல்ல மெல்ல குறைந்து வருகிறது. அம்மாநில சுகாதாரத்துறை இன்று வெளியிட்ட தகவலின்படி, கடந்த 24 மணி நேரத்தில் 19,894 பேருக்கு கொரோனா வைரஸ் தொற்று உறுதி செய்யப்பட்டுள்ளது.
தொற்று பாதிக்கப்படுபவர்களின் விகிதம் 15.97- ஆக குறைந்துள்ளது. கொரோனா பாதிப்பைக் கண்டறிய ஒரே நாளில் 1 லட்சத்து 24 ஆயிரத்து 537- மாதிரிகள் பரிசோதிக்கப்பட்டுள்ளன. மாநிலத்தில் தொற்று பாதிப்புடன் சிகிச்சை பெறுபவர்கள் எண்ணிக்கையும் 2 லட்சத்து 23 ஆயிரமாக சரிந்துள்ளது. கொரோனா பாதிப்பில் இருந்து கடந்த 24 மணி நேரத்தில் மட்டும் 29,013- பேர் குணம் அடைந்துள்ளனர்.
கொரோனா தொற்றால் ஒரே நாளில் 186- பேர் உயிரிழந்துள்ளனர். இதுவரை உயிரிழந்தவர்கள் ஏண்ணிக்கை 8,641- ஆக உயர்ந்துள்ளது. மாநிலத்திலேயே அதிகபட்சமாக மலப்புரம் மாவட்டத்தில் 3,015-பேருக்கு தொற்று உறுதி செய்யப்பட்டுள்ளது. திருவனந்தபுரத்தில் 2,423-பேர் கொரோனா தொற்றால் பாதிக்கப்பட்டுள்ளனர்.