இந்தியாவில் வேகமாக குறையும் கொரோனா

புதுடெல்லி,

இந்தியாவில் கொரோனா பாதிப்பு கடந்த சில நாட்களாக வேகமாக குறையத் தொடங்கியுள்ளது. தொற்று பாதிப்பு நேற்று 2,961 ஆக இருந்த நிலையில் இன்று பாதிப்பு 2,380 ஆக குறைந்துள்ளது. இதுவரை பாதிக்கப்பட்டவர்களின் மொத்த எண்ணிக்கை 4 கோடியே 49 லட்சத்து 69 ஆயிரத்து 630 ஆக உயர்ந்துள்ளது.

தொற்று பாதிப்பில் இருந்து நேற்று 5,188 பேர் உள்பட இதுவரை 4 கோடியே 44 லட்சத்து 10 ஆயிரத்து 738 பேர் குணமடைந்துள்ளனர். தற்போதைய நிலவரப்படி ஆஸ்பத்திரிகளில் 27,212 பேர் சிகிச்சையில் உள்ளனர். தொற்று பாதிப்பால் நேற்று 15 பேர், கேரளாவில் விடுபட்ட 6 மரணங்கள் என மேலும் 21 பேர் இறந்துள்ளனர். மொத்த பலி எண்ணிக்கை 5 லட்சத்து 31 ஆயிரத்து 680 ஆக உயர்ந்துள்ளது.