வேலைவாய்ப்பு விகிதம் 5 ஆண்டு காணாத வீழ்ச்சி - வருண்காந்தி எம்.பி. குற்றச்சாட்டு

புதுடெல்லி,

பா.ஜனதா எம்.பி. வருண்காந்தி, மத்திய அரசை அடிக்கடி விமர்சித்து வருகிறார். நேற்று அவர் தனது 'டுவிட்டர்' பக்கத்தில் கூறியிருப்பதாவது:-

இளைஞர்களிடையே வேலைவாய்ப்பு விகிதம் 20.9 சதவீதத்தில் இருந்து 10.4 சதவீதமாக குறைந்துள்ளதாக 'இந்திய பொருளாதார கண்காணிப்பு மையம்' என்ற அமைப்பு தெரிவித்துள்ளது.

இது கடந்த 5 ஆண்டுகளில் இல்லாத வீழ்ச்சி ஆகும்.பிரதமர் மோடி 10 லட்சம் காலியிடங்களை நிரப்புமாறு அரசு துறைகளை கேட்டுக்கொண்டார். ஆனால் எந்த துறையாலும் திடமான திட்டத்தை வகுக்க முடியவில்லை. இன்னும் எவ்வளவு காலத்துக்கு இளைஞர்கள் காத்திருப்பார்கள்?

இவ்வாறு அவர் கூறியுள்ளார்.