சிக்கமகளூரு தொகுதியில் சித்தராமையா போட்டியிட வேண்டும்; காங்கிரஸ் விவசாய பிரிவு தலைவர் கோரிக்கை

சிக்கமகளூரு;

சிக்கமகளூருவை சேர்ந்த காங்கிரஸ் கட்சி விவசாய பிரிவு மாநில தலைவர் சச்சின் மிகா நிருபர்களுக்கு அளித்த பேட்டியில் கூறியதாவது:-

முன்னாள் முதல்-மந்திரியும், தற்போதைய எதிர்க்கட்சி தலைவருமான சித்தராமையாவின் பிறந்த நாள் பவளவிழா, தாவணகெரேயில் பிரமாண்டமாக நடந்தது. இதில் கலந்து கொண்ட நான், சித்தராமையாவை சந்தித்து கடிதம் ஒன்றை வழங்கினேன்.

அந்த கடிதத்தில் வரும் சட்டசபை தேர்தலில் சிக்கமகளூரு தொகுதியில் சித்தராமையா போட்டியிட வேண்டும் என்றும், 4 முறை போட்டியிட்டு வெற்றி பெற்ற சி.டி.ரவி எம்.எல்.ஏ.வை தோற்கடிக்க வேண்டும் என்று தெரிவித்துள்ளேன். சிக்கமகளூருவுக்கும், மறைந்த முன்னாள் பிரதமர் இந்திராகாந்திக்கும் ஒரு தொடர்பு உள்ளது. எனவே, வரும் சட்டசபை தேர்தலில் சிக்கமகளூரு தொகுதியில் சித்தராமையா போட்டியிட வேண்டும்.

இவ்வாறு அவர் கூறினார்.