மாநில செய்திகள்

மம்தா பானர்ஜியின் சகோதரர் கொரோனாவுக்கு உயிரிழப்பு: தமிழக முதல்-அமைச்சர் இரங்கல் + "||" + MK Stalin condolences on the demise of Mamata brother

மம்தா பானர்ஜியின் சகோதரர் கொரோனாவுக்கு உயிரிழப்பு: தமிழக முதல்-அமைச்சர் இரங்கல்

மம்தா பானர்ஜியின் சகோதரர் கொரோனாவுக்கு உயிரிழப்பு:  தமிழக முதல்-அமைச்சர் இரங்கல்
கொரோனா பாதிப்புக்கு உயிரிழந்த மம்தா பானர்ஜியின் இளைய சகோதரர் மறைவுக்கு தமிழக முதல்-அமைச்சர் மு.க. ஸ்டாலின் இரங்கல் தெரிவித்து உள்ளார்.
சென்னை,

மேற்கு வங்காளத்தில் நடந்து முடிந்த சட்டசபை தேர்தலில் திரிணாமுல் காங்கிரஸ் கட்சி வெற்றி பெற்று ஆட்சியை தக்க வைத்து கொண்டது.  இதனால், மேற்கு வங்காளத்தில் மம்தா பானர்ஜி மீண்டும் முதல் மந்திரியானார்.

இவரது இளைய சகோதரர் ஆசிம் பானர்ஜி.  இவருக்கு கடந்த ஏப்ரலில் கொரோனா பாதிப்பு ஏற்பட்டு உள்ளது.  இதற்காக அவர் கொல்கத்தா நகரில் உள்ள மெடிக்கா சூப்பர்ஸ்பெசாலிட்டி மருத்துவமனையில் அனுமதிக்கப்பட்டு சிகிச்சை பெற்று வந்துள்ளார்.

இந்நிலையில், அவர் சிகிச்சை பலனின்றி இன்று காலை உயிரிழந்து உள்ளார்.  அவருக்கு வயது 62.  இதனை மருத்துவமனையின் தலைவரான டாக்டர் அலோக் ராய் தெரிவித்து உள்ளார்.

அவரது மறைவுக்கு துணை ஜனாதிபதி வெங்கையா நாயுடு, மாநில காங்கிரஸ் தலைவர் ஆதிர் சவுத்ரி உள்ளிட்டோர் இரங்கல் தெரிவித்து உள்ளனர்.  இதேபோன்று, தமிழக முதல்-அமைச்சர் மு.க. ஸ்டாலினும் இரங்கல் தெரிவித்து உள்ளார்.

இதுபற்றி மம்தா பானர்ஜிக்கு அவர் வெளியிட்டுள்ள இரங்கல் செய்தியில், உங்களுடைய சகோதரரின் திடீர் மறைவுக்கு என்னுடைய ஆழ்ந்த இரங்கலை தெரிவித்து கொள்கிறேன்.  அவருடைய நினைவுகள் உங்களுடனும் மற்றும் அவரது அன்புக்குரியவர்கள் அனைவருடனும் வாழும் என தெரிவித்து உள்ளார்.


தொடர்புடைய செய்திகள்

1. புதுச்சேரியில் 94 பேருக்கு கொரோனா பாதிப்பு உறுதி; 956 பேருக்கு சிகிச்சை
புதுச்சேரியில் புதிதாக 94 பேருக்கு கொரோனா பாதிப்பு உறுதி செய்யப்பட்டுள்ளது.
2. கொரோனா பாதிப்பு: காஷ்மீரில் 10 நாட்களுக்கு ஊரடங்கு உத்தரவு அமல்
ஜம்மு மற்றும் காஷ்மீரின் ஸ்ரீநகரில் உள்ள சில பகுதிகளில் 10 நாட்களுக்கு ஊரடங்கு உத்தரவு அமல்படுத்தப்பட்டு உள்ளது.
3. கேரளாவில் கடந்த 24 மணி நேரத்தில் 17,983 பேருக்கு கொரோனா பாதிப்பு உறுதி
கேரளாவில் கடந்த 24 மணி நேரத்தில் 17,983 பேருக்கு கொரோனா பாதிப்பு உறுதி செய்யப்பட்டு உள்ளது.
4. கொரோனா பாதிப்பு குறைந்ததால் அனைத்து எல்லைகளையும் திறந்த நேபாளம்!
நேபாள நாட்டில் கொரோனா பாதிப்பு குறைந்ததால் அனைத்து எல்லைகளையும் அந்நாடு திறந்துள்ளது.
5. தமிழகத்தில் கொரோனா பாதிப்பு இன்று சற்று அதிகரிப்பு
தமிழகத்தில் நேற்று 1,647- பேருக்கு கொரோனா வைரஸ் தொற்று உறுதியான நிலையில் இன்று தொற்று பாதிப்பு சற்று அதிகரித்துள்ளது.