அந்தியூர் மாட்டுச்சந்தையில் காங்கயம் காளைமாடு ஜோடி ரூ.2 லட்சத்துக்கு விற்பனை

அந்தியூர்

அந்தியூரில் மாட்டுச்சந்தை நடைபெற்றது. இந்த சந்தைக்கு மேட்டூர், கொங்கணாபுரம், எடப்பாடி, கொளத்தூர், பண்ணவாடி, தர்மபுரி, பர்கூர், ஊட்டி மற்றும் ஈரோடு, பவானி உள்பட பல்வேறு பகுதிகளில் இருந்து மாடுகளை விற்பனைக்காக கொண்டு வந்திருந்தனர். இதில் காங்கயம் காளைமாடு ஜோடி ரூ.1½ லட்சம் முதல் ரூ.2 லட்சம் வரை விற்றது. கொங்கு காளைமாடு ஜோடி ரூ.80 ஆயிரம் முதல் ரூ.1½ லட்சம் வரையும், நாட்டு பசு மாடு ஒன்று ரூ.30 ஆயிரம் முதல் ரூ.60 ஆயிரம் வரையும் விலைபோனது.

ஜெர்சி பசு மாடு ஒன்று ரூ.25 ஆயிரம் முதல் ரூ.45 ஆயிரம் வரையும், எருமைமாடு ரூ.25 ஆயிரம் முதல் ரூ.75 ஆயிரம் வரையும், பர்கூர் இன காளை மாடு ஜோடி ரூ.30 ஆயிரம் முதல் ரூ.40 ஆயிரம் வரையும் விற்பனையானது. கன்றுக்குட்டி ஒன்று ரூ.5 ஆயிரம் முதல் ரூ.15 ஆயிரம் வரை விலைபோனது.

ஈரோடு, திருப்பூர், மேட்டுப்பாளையம், கோவை, கோபி, சத்தியமங்கலம் மற்றும் கேரளா, கர்நாடக மாநிலங்களில் இருந்து வந்திருந்த விவசாயிகள் மாடுகளை வாங்கிச்சென்றனர்.