ஓசூர்:

ஓசூர் டவுன் போலீசார் ஓசூர்-ராயக்கோட்டை சாலையில், ஒன்னல்வாடி பகுதியில் ரோந்து சென்றனர். அப்போது அந்த பகுதியில் கேட்பாரற்று நின்ற 6 லாரிகளை சோதனை செய்தனர். இதில், அனுமதியின்றி மண் எடுத்து வந்தது தெரிய வந்தது. இதையடுத்து மண் கடத்தி கொண்டு வரப்பட்டு இருந்த 6 லாரிகள் மற்றும் மண் எடுக்க பயன்படுத்திய பொக்லைன் எந்திரம் ஆகியவற்றை போலீசார் பறிமுதல் செய்து விசாரணை நடத்தி வருகிறார்கள்.