சென்னை,

அ.தி.மு.க. பொதுச்செயலாளர் எடப்பாடி பழனிசாமி வெளியிட்டுள்ள அறிக்கையில் கூறியிருப்பதாவது:-

எனது பிறந்த நாளையொட்டி, நேரிலும், தொலைபேசியிலும், சமூக வலைதளங்களிலும் வாழ்த்துகளை தெரிவித்துள்ள அ.தி.மு.க. பல்வேறு நிலைகளில் பணியாற்றி வரும் நிர்வாகிகள், தொண்டர்களுக்கு இதயபூர்வமான நன்றியை மகிழ்ச்சியோடு தெரிவித்துக்கொள்கிறேன்.

மேலும், எனது பிறந்த நாளையொட்டி நேரிலும், தொலைபேசியிலும், சமூக வலைதளங்களிலும் வாழ்த்துகளை தெரிவித்துள்ள தே.மு.தி.க. பொதுச் செயலாளர் பிரேமலதா விஜயகாந்த் உள்ளிட்ட கூட்டணிக் கட்சித் தலைவர்களுக்கு நன்றி.

பல்வேறு அரசியல் கட்சித் தலைவர்களுக்கும், நடிகர் விஜய்க்கும் மற்றும் கலைத் துறையினருக்கும் எனது நெஞ்சார்ந்த நன்றியை மகிழ்ச்சியோடு தெரிவித்துக்கொள்கிறேன்.

இவ்வாறு அவர் தெரிவித்துள்ளார்.